পৃথিবীদা লৈরিবা জীবা পান্বাশিংনা হিংনবগী ইনর্জীগী মরু ওইবা হৌরকফম ওইরিবা নুমিৎ অসিনা ঐখোয়গী তুংলমচৎকীদমক করি থৌরাং তৌদুনা থম্লি?

নুমিৎকী মমাংঙৈদা ওইখিবা মওং-মতৌশিং নৈনরবা মতুংদা অথুবদা সাইন্তিস্তশিংনা তুংদা ওইরক্কদবা নুমিৎকী মেগনেতিক্কী ওইবা মওংশিংগী মতাংদা থীজিনবা য়ারগনি। হৌখিবা চহিচাগী অহানবা চহি য়াংখৈগা মরী লৈনবা মেগনেতিক ফিল্দ মেপ অমা হন্দক্তা শেমগৎপা ঙমখ্রে মসিনা হেন্না মমুৎ তানা খঙহনবা ঙমহল্লগনি।

ক্লাইমেৎ স্তদীশিংগা মান্নবা মওংদা, এস্ত্রোনোমরশিংনা নুমিৎকী মওং-মতৌ অসি তুংলমচৎতা কমদৌরক্কনি খঙদোক্নবা মমাংঙৈদা কমদৌরম্বগে হায়বগী ৱারোল খঙবা মথৌ তাই। মওং-মতৌ অসিগী মরু ওইরিবা পেরামিতর অমা ওইরিবা অসি হোংবা নাইবা অমসুং নুমিৎকী মতম চংবা অহোংবশিং পুরক্লিবা মেগনেতিক ফিল্দনি।

ঙসিগী তেক্নোলোজী অসিনা মেগনেতিক ফিল্দ অসি হকথেংননা ওবজর্বেসন তৌবা ঙমহল্লি অদুবু ১৯৬০গী মমাংদদি মেগনেতিক ফিল্দ হকথেংননা ওবজর্বেসন তৌবগী রেকোর্দ লৈতে।

হন্দক্তা ভারতকী রিসর্চরশিংনা সাইন্স অমসুং তেক্নোলোজী বিভাগকী (দি.এস.তি.) ওতোনোমস ইন্সতিত্যুত অমা ওইরিবা ইন্দিয়ন ইন্সতিত্যুত ওফ এস্ত্রোফিজিক্স (আই.আই.এ.)গী কোদাইকনল সোলর ওবজর্বেতরী (কোসো)দগী রিকোর্দ তৌখিবা হৌখিবা চহিচাগী ওইবা তোঙান তোঙানবা ৱেফলেন্থশিংদা লৌবা নুমিৎকী ফিল্মশিং অমসুং ফোতোগ্রাফশিং দিজিতাইজ তৌখ্রে (https://kso.iiap.res.in)। সাইন্স অমসুং তেক্নোলোজী বিভাগকী অমসুং আই.আই.এ.গী ওতোনোমস ইন্সতিত্যুত অমা ওইরিবা আর‍্যভত্ত রিসর্চ ইন্সতিত্যুত ওফ ওবজর্বেস্নেল সাইন্সেস (এরিজ)কী সাইন্তিস্তশিংনা মখোয়না প্রোক্সী দেতা হায়না কৌরিবা দিজিতাইজ তৌরবা দেতা অসি ১৯১৫-১৯৬৫গী মতমগী নুমিৎকী অহানবা মেগনেতিক ফিল্দ মেপ শেমগৎনবা শীজিন্নখি।

সোলর সাইকল ১৫-১৯গী ওইবা মতম অসিগী মেপ অসিনা তুংলমচৎতা নুমিৎকী মেগনেতিক বেরাইএবিলিতী অমসুং অহোংবশিং মাংজৌননা খঙদোকপা ঙম্বদা মতেং পাংলগনি।রিসর্চ অসি এরিজকী দিরেক্তর প্রোফেসর দিপাঙ্কর বেনর্জী অমসুং আই.আই.তি. (বি.ঐচ.য়ু.)দগী দি.এস.তি.গী রমানুজন ফেলোং অমা ওইরিবা দা বিদ্যা কারাক য়াওনা মহাক্কী তিমনা লুচিংখি অমসুং মসি দি.এস.তি. অমদি রুসিয়ন ফাউন্দেসন ফোর বেসিক রিসর্চ প্রোজেক্তনা মতেং পাংখি, অমসুং হন্দক্তা ইন্দো-রুসিয়ন জোইন্ত রিসর্চ প্রোগ্রামগী খুত্থাংদা ‘এস্ত্রোফিজিকেল জর্নেল লেতর্স’তা ফোঙখি।

দা বেনর্জীগী মতুং ইন্না কোসোগী দিজিতেল দেতা অসি য়াম্না তোপ-তোপ্পি মরমদি মসি মালেমগী ওইনা অমত্তা ঙাইরবা ওবজর্বেতরীনি মসিনা চহিচা অমা হেনবগী নুমিৎকী মেগনেতিক ফিল্দগী মফম অমসুং মপাঙ্গল লোয়ননা সিএ II কে অমসুং ঐচ অল্ফা লাইনশিংগী খুত্থাংদা পোলরিতীগী মতম চাংবা য়ুনিফোর্ম ওবজর্বেসনশিং পীরি।নুমিৎকী দিজিতাইজ তৌরবা ইমেজ ১৫,০০০ হেনবনা মতম অসিগী মেগনেতিক ফিল্দ মেপ শেমগৎপদা মতেং পাংখি। মেপ অসিনা চহি ১১ খুদিংগী থোকপা অমসুং মতমগী তুংনা হনজিনবা তোপ তোপ্পা পেতর্ন উৎপা নুমিৎকী অখন্নবা ফিচর অমা ওইরিবা পোলর রিবর্জেল নৈনবদা মতেং পাংগনি।

‌ইমেজ কেপ্সন: (a),(c) অৱাংথংবা/মখাথংবা হেমিস্ফিয়রগী সনস্পোৎ এরিয়শিংগী বেরিএসন। (b) জোনেলগী ওইবা মেগনেতিক ফিল্দগী চাংচৎ অসি হীগোক্তগী অঙাংবদা উৎলি। ইন্তেন্স সনস্পোৎ এক্তিবীতথগী জোনশিং, নেগেতিব তিল্ত প্রিদোমিনেন্সকী দোমেনশিং অসি মথংশিৎনা অমুবা অমসুং অশংবদা উৎলি। সোলর সাইকলশিংগী মশিং অসি মথকথংবা পেনেলদা লেবেল তৌরি। তুং ইল্লিবা/মকোক থংবা পোলার্রিতীগী রেমনেন্ত ফ্লক্স সর্জশিং অসি সোলিদ/দাশ তেনজৈশিংনা উৎলি। ক্রিতিকেল সর্জশিং অসি বোল্দ তেনজৈশিংনা উৎলি অমসুং এন.১/এস.১, এন.২/এস.২, এন.২/এস.৩/ এন.৪/এস.৪, অমসুং এন.৫/এস.৫ হায়না সাইকল ১৫-১৯গী লেবেল তৌরি। নাপু মচুগী ওভেলশিংনা ওইথোকপা য়াবা (ওন্ন-তৈনবা) লিদিং-পোলারিতীগী সর্জশিং উৎলি।  

[পব্লিকেসন লিঙ্ক: https://arxiv.org/abs/2009.06969

[অকুপ্পা মরোলগীদমক প্রোফ. দিপাঙ্কর বেনর্জী (dipu@aries.res.in)দা কন্তেক্ত তৌবা য়াগনি]

*****