ఆయుష్
"కోవిడ్ -19 నిర్వహణ కోసం ఆయుర్వేదం మరియు యోగా ఆధారంగా నేషనల్ క్లినికల్ మేనేజ్మెంట్ ప్రోటోకాల్" ను ఆరోగ్యం మరియు ఆయుష్ శాఖల మంత్రులు సంయుక్తంగా విడుదల చేశారు.
Posted On:
06 OCT 2020 2:36PM by PIB Hyderabad
"కోవిడ్ -19 నిర్వహణ కోసం ఆయుర్వేదం మరియు యోగా ఆధారంగా నేషనల్ క్లినికల్ మేనేజ్మెంట్ ప్రోటోకాల్" ను కేంద్ర ఆరోగ్యం, కుటుంబ సంక్షేమ శాఖ మంత్రి డాక్టర్ హర్ష వర్ధన్ మరియు కేంద్ర ఆయుష్ శాఖ సహాయ (ఇంచార్జ్) మంత్రి శ్రీ శ్రీపాద యశో నాయక్ ఈ రోజు ఆన్ లైన్ విధానంలో సంయుక్తంగా విడుదల చేశారు. వీడియో కాన్ఫరెన్సు ద్వారా జరిగిన ఈ కార్యక్రమంలో నీతీ ఆయోగ్ ఉపాధ్యక్షుడు డాక్టర్ రాజీవ్ కుమార్ కూడా పాల్గొన్నారు.
ఈ సందర్భంగా డాక్టర్ హర్ష వర్ధన్ మాట్లాడుతూ, కోవిడ్-19 కి వ్యతిరేకంగా కొనసాగిస్తున్న మన పోరాటాన్ని మరింత బలోపేతం చేసే ఇంటర్ డిసిప్లినరీ కమిటీ యొక్క నివేదిక మరియు సిఫార్సులకు అనుగుణంగా, నిపుణులు మరియు ఇతర జాతీయ పరిశోధనా సంస్థలు సంయుక్తంగా, "కోవిడ్-19 నిర్వహణ కోసం ఆయుర్వేదం మరియు యోగా ఆధారంగా జాతీయ క్లినికల్ మేనేజ్మెంట్ ప్రోటోకాల్" ను రూపొందించినట్లు తెలియజేశారు.
వీడియో కాన్ఫరెన్సు ద్వారా ఈ కార్యక్రమాన్ని ఉద్దేశించి శ్రీ శ్రీపాద్ నాయక్ ప్రసంగిస్తూ, ఈ చొరవ కోసం వ్యూహాలను రూపొందించడానికి మరియు అభివృద్ధి చేయడానికి ఆయుష్ మంత్రిత్వ శాఖ సీనియర్ నిపుణుల బృందంతో ఒక ఇంటర్ డిసిప్లినరీ ఆయుష్ పరిశోధన మరియు అభివృద్ధి టాస్క్ ఫోర్సు ను ఏర్పాటు చేసినట్లు చెప్పారు. కోవిడ్-19 యొక్క ఉపశమనం మరియు నిర్వహణలో ఆయుష్ జోక్యం యొక్క పాత్రను అర్థం చేసుకోవడానికి ఆయుష్ మంత్రిత్వ శాఖ అనేక క్లినికల్, పరిశీలనా అధ్యయనాలను చేపట్టిందని ఆయన పేర్కొన్నారు. "నేషనల్ క్లినికల్ మేనేజ్మెంట్ ప్రోటోకాల్: కోవిడ్ -19" లో ఆయుర్వేదం మరియు యోగా జోక్యాల అనుసంధానం కోసం మంత్రిత్వ శాఖ ఇంటర్ డిసిప్లినరీ కమిటీని ఏర్పాటు చేసినట్లు మంత్రి తెలియజేశారు. ఈ కమిటీ లోని నిపుణుల బృందానికి ఐ.సి.ఎమ్.ఆర్. మాజీ డైరెక్టర్ జనరల్ డాక్టర్ వి. ఎం. కటోచ్ అధ్యక్షత వహించారు.
కోవిడ్-19 యొక్క అభివృద్ధి చెందుతున్న ప్రతిస్పందన మరియు నిర్వహణలో ఈ ప్రోటోకాల్ ఒక మైలురాయి. కోవిడ్-19 నిర్వహణ కోసం ఆయుర్వేదం మరియు యోగా ఆధారంగా జాతీయ క్లినికల్ మేనేజ్మెంట్ ప్రోటోకాల్ యొక్క ప్రాముఖ్యత ఏమిటంటే, కోవిడ్-19 యొక్క క్లినికల్ మేనేజ్మెంట్ కోసం ఆయుర్వేదం మరియు యోగా ఆధారిత పరిష్కారాలను ఉపయోగించడం చుట్టూ ఉన్న అస్పష్టతను ఇది పరిష్కరిస్తుంది. ప్రోటోకాల్ యొక్క తరువాతి సంస్కరణలు ఆయుష్ యొక్క ఇతర విభాగాలను కూడా కవర్ చేస్తాయి. కోవిడ్-19 రోగుల సంక్రమణ యొక్క వివిధ పరిస్థితులలో చికిత్సకు సంబంధించి చెప్పిన రెండు విభాగాల ఆయుష్ అభ్యాసకులకు స్పష్టమైన మార్గదర్శకత్వాన్ని, ప్రస్తుత ప్రోటోకాల్ అందిస్తుంది. ఇది దేశవ్యాప్తంగా మహమ్మారికి ఆయుష్ ఆధారిత ప్రతిస్పందనలలో ఏకరూపత మరియు స్థిరత్వాన్ని తెస్తుంది. ప్రస్తుతం మోహరించిన కోవిడ్-19 నిర్వహణ కార్యకలాపాల్లో ఈ పరిష్కారాలను ప్రణాళికాబద్ధం చేయడానికి మరియు చేర్చడానికి రాష్ట్రాలు / కేంద్ర పాలిత ప్రాంతాల ప్రభుత్వాలకు ఇది సహాయపడుతుంది.
కోవిడ్-19 నిర్వహణ కోసం ఆయుష్ పరిష్కారాల ప్రధాన స్రవంతికి ప్రోటోకాల్ దోహదం చేస్తుందని భావిస్తున్నారు. ఈ పరిష్కారాలు సులభంగా అందుబాటులో ఉంటాయి కాబట్టి ప్రజలకు ఎంతో ప్రయోజనకరంగా ఉంటుంది. అదేవిధంగా, మహమ్మారి వల్ల కలిగే కష్టాలను తొలగించడానికి కూడా ఇది సహాయపడుతుంది.
ప్రపంచవ్యాప్తంగా మహమ్మారి కొనసాగుతున్నందున, ప్రామాణిక జోక్యంతో పాటు సాంప్రదాయ జోక్యాలను ఏకీకృతం చేయడానికి అనేక దేశాలలో ప్రయత్నాలు జరుగుతున్నాయి. భారతదేశంలో, కోవిడ్ -19 ప్రతిస్పందన కార్యకలాపాల నుండి వచ్చిన అనుభవం దేశంలోని వివిధ ప్రాంతాల నుండి నివేదించబడినది, కోవిడ్-19 కొరకు ప్రామాణిక నివారణ చర్యలను పెంచడానికి ఆయుర్వేదం మరియు యోగా కీలక పాత్ర పోషిస్తాయని తేలింది. (ఆరోగ్యం మరియు కుటుంబ సంక్షేమ మంత్రిత్వ శాఖ జారీ చేసిన మార్గదర్శకాలలో ప్రామాణిక నివారణ చర్యలు). ఆయుర్వేదం మరియు యోగా యొక్క ఈ సామర్థ్యాన్ని పరిగణనలోకి తీసుకుంటే, సంబంధిత జాతీయ సంస్థలు మరియు పరిశోధనా కేంద్రాల యొక్క కేంద్ర మండళ్ళకు చెందిన నిపుణుల కమిటీలు మరియు మరికొన్ని ప్రసిద్ధ పరిశోధనా సంస్థలు కోవిడ్ -19 నిర్వహణ కోసం ఒక ప్రోటోకాల్ ను సహకరించి అభివృద్ధి చేశాయి.
నీతీ ఆయోగ్ సభ్యుడు డా. వి. కె. పాల్; కార్యదర్శి (ఆరోగ్య & కుటుంబ సంక్షేమం), శ్రీ రాజేష్ భూషణ్, కార్యదర్శి (ఆయుష్) శ్రీ వైద్య రాజేష్ కోటేచా ప్రభృతులు కూడా ఈ కార్యక్రమంలో ప్రసంగించారు.
*****
(Release ID: 1662125)
Visitor Counter : 203