(কর্তেন রাইজর)

খুঙ্গংগী য়ুমথোং খুদিংদা ইশিংগী সপ্লাই নিংথীনা তৌনবা জল জীবন মিসন(জে.জে.এম.) চৎন্নবগীদমক গ্রাম পঞ্চয়তশিং অমসুং পানি সমিতিশিংগী ‘মার্গদরশিকা’ থাদোক্নবা অমসুং ২০২০গী সেপ্তেম্বরগী তাং ২৯দা জে.জে.এম. লোগোগী মাইখুম হাংদোক্নবা প্রধান মন্ত্রী শ্রী নরেন্দ্র মোদীনা লৈবাক অসি শিনবা থুংনা মহৈলোইশঙশিং অমসুং অঙ্গনৱাদি সেন্তরশিংদা অফবা পাইপকী ইশিং ফংহন্নবা ২০২০গী ওক্তোবরগী তাং ২দা নুমিৎ ১০০গী কেমপেন্দ লোঞ্চ তৌবগী মরমদা ৱা ঙাংখ্রে৷ হায়রিবা পব্লিক ইন্সতিত্যুসনশিং অসিদা থকপা য়াবা ইশিং ফংহন্নবগীদমক হায়রিবা কেমপেন্দ অসি নিংথীনা শিজিন্ননবা রাজ্যশিংদা মহাক্না হায়জখ্রে৷ অঙাংশিং অসিনা ইশিংদগী নারকপা য়াবা লাইনাশিং অদুগী খ্বাইদগী খুদোং থিনিংঙাই ওইবনা মখোয়শিং অসিদা অফবা ইশিং ফংহনবা অসিনা খ্বাইদগী ইহান হান্না তৌদ্রবা য়াদ্রবা থবক্নি, মরম অদুনা মহৈলোইশঙশিং, অঙ্গনৱাদি সেন্তরশিং, হেল্থ কেয়র সেন্তরশিং অসিদা জল জীবন মিসনগী মখাদা তোতিগী ইশিং পুশিন্দুনা অফবা ইশিং ফংহন্নবগী প্রোবিজনশিং শেমখ্রে৷

২০২০গী ওক্তোবরগী তাং ২দা হায়রিবা কেমপেন্দ অসি লোঞ্চ তৌন্নবগীমক নেস্নেল জল জীবন মিসন অসি রাজ্যশিং/য়ু.তি.শিংদা য়ৌখ্রে৷ হায়রিবা নুমিৎ ১০০নিগী কেমপেন্দ অসিগী মনুংদা গ্রাম সভাশিং ২০২০গী ওক্তোবরগী তাং ২ গান্ধী জয়েন্তী নুমিৎ অসিদা পুল্লগনি অমসুং লাক্কদৌরিবা নুমিৎ খরনি অসিদা খুঙ্গংশিংদা লৈরিবা মহৈলোইশঙ পুম্নমক, অঙ্গনৱাদি সেন্তরশিং অমসুং অতোপ্পা পব্লিক ইন্সতিত্যুসনশিং অসিদা মথংগী নুমিৎ ১০০নি অসিদা অফবা থক্নবা ইশিং ফংহন্নবা ৱারেপ তারগনি৷ হায়রিবা ফেসিলিতীশিং অসি গ্রাম পঞ্চয়ত নত্রগা মদুগী সব-কম্মিতী খুদম ওইনা খুঙ্গংগী ইশিং অমসুং লু নানবগী কম্মিতী নত্রগা পানি সমিতীনা চলাইগনি অমসুং য়েংশিনগনি৷ 

‘নোদেল দিপার্তমেন্ত ওইনা,’ রাজ্যশিংগী পব্লিক হেল্থ ইঞ্জিনিয়রিং দিপার্তমেন্তনা গ্রাম পঞ্চয়ত নত্রগা মদুগী সব-কম্মিতীশিং অমসুং অতোপ্পা লাইন দিপার্তমেন্তশিং খুদম ওইনা ইজুকেসন, ৱুমেন এন্দ চাইল্দ ৱেলফেয়র, পঞ্চয়তি রাজ অমসুং রুরেল দিভেলপমেন্ত, ত্রাইবেল ৱেলফেয়র য়াওদুনা কেমপেন্দ অসিবু লমজিংলগনি৷ কেমপেন্দ অসিনা অঙাংশিংগী হকচাং অমসুং পুন্না চাওখৎপা পুরক্কদৌরিবা ঐখোয়গী অঙাংশিংদা অফবা ইশিং ফংহনবদা মতম শাংনা মতেং পাংলগনি৷ মসিনা ‘জাতি মপা’ মহত্ম গান্ধীগী ১৫১ শুবা মপোক নুমিৎ অসিদা ইকাই খুম্নবা উৎপা ওইরগনি৷

গান্ধী জয়েন্তীগী থৌরম অসিদা গুজরাত সরকারনা পোর্বনদরদা থৌরম অমা তৌনবা হোৎনরি অমসুং থৌরম অসিদা মু্খ্য মন্ত্রী শ্রী ভিজে রুপানিনা রাজ্য অদুগী জিলা মরি গান্ধীনগর, মেহসনা, পোর্বনদর অমসুং অনন্দগী য়ুমথোং খুদিংমক্তা তোতিগী ইশিং চাদা চাম্মা মপুং ফানা পীখ্রে হায়না লাওথোক্লগনি৷ থৌরম অসিদা দিল্লীদগী ভিদিও কনফরেন্সিংগী খুৎথাংদা জল শক্তিগী মন্ত্রী শ্রী গজেন্দ্র সিংহ শেখৱতনা ভর্চুয়েল্লি ওইনা শরুক য়ারগনি৷ থৌরম অসিদা মহৈলোইশঙশিং অমসুং অঙ্গনৱাদি সেন্তরশিংদা অফবা তোতিগী ইশিং পীনবা হোৎনরিবা নুমিৎ ১০০নিগী কেমপেন্দ অদুসু লোঞ্চ তোরগনি৷

গুজরাততা ঙসি ফাওবদা খুঙ্গংগী য়ুমথোংশিংদা তোতিগী ইশিং ফংহল্লিবা অসি চাদা ৭৯.৮৫নি৷ ২০২০-২১দা রাজ্য অসিনা য়ুমথোং লাখ ৭.৭০দা তোতি ইশিং শমহনখ্রে৷ মমাংগী চহী অমা অসিদা লৈবাক অসি শিনবা থুংনা য়ুমথোং কোতি ২.৩০ হেন্না দা তোতি ইশিং পীখ্রে৷ হৌজিক ফাওবগী ওইনা খুঙ্গংগী অপুনবা য়ুমথোংগী ৩০% হায়বদি খুঙ্গংগী য়ুমথোং কোতি ৫.৫০দি মখোয় মখোয়গী ময়ুমদা অফবা তোতিগী ইশিং ফংহনখ্রে৷

জল জীবন মিসন (জে.জে.এম.) অসিনা ২০২৪ ফাওবগী মনুংদা খুঙ্গংগী য়ুমথোং খুদিংমক্তা তোতিগী ইশিং ফংহন্নবা পান্দম থম্লি৷ মিসন অসিগী মখাদা নুপীশিং অমসুং অঙাংশিংদা অখন্নবা মীৎয়েং থম্লি৷ অঙাংশিং অসিনা ইশিংদগী নারকপা য়াবা লাইনাশিং খুদম ওইনা দাইরিয়া, দাইসেন্ত্রী, কোলেরা, তাইফোইদতগী খ্বাইদগী খুদোং থিনিংঙাই ওইবনা মখোয়শিং অসিদা অফবা ইশিং ফংহনবা অসিনা খ্বাইদগী ইহান হান্না তৌদ্রবা য়াদ্রবা থবক অমনি৷ মখোয়গী চহীশিং অসিদা ফত্তবা ইশিং থকপনা মরম ওইরগা য়াম্না তোইনা তোইনা নারকপা য়াবা অসিনা য়াম্না শাথিবা ইফেক্তশিং চাওবা থিলহনবা য়াই৷ হায়রিবা ফিভম অসি আর্সিনিক, ফ্লোরাইদ, হেভী মেতেলশিং য়ানশিন্নবা ইশিংগী সোর্সশিং লৈরিবা মফমশিংদনা হেন্না খুদোং থিহল্লি অমসুং অসিগুম্লবা য়ানশিন্নরবা ফত্তবা ইশিং অসি মতম শাংনা শিজিন্নরকপনা মরম ওইরগা আর্সিনিকোসিস, ফ্লোরোসিস লাইনাশিং নাহল্লকপা য়াবা অসিনা মতুং তারকপদা হেন্না শাথিবা অরুবা হেল্থ প্রোব্লেমশিং থোকহল্লকপা য়াই৷ অসিগুম্বা অরুবা ইসুশিং অসি থেংন্নবা জল জীবন মিসনগী মখাদা মহৈলোইশঙশিং, অঙ্গনৱাদি সেন্তরশিং, হেল্থ কেয়র সেন্তরশিংদা অফবা থকপা য়াবা তোতিগী ইশিং ফংহন্নবা প্রোবিজনশিং শেমখ্রে৷

*****