রোদ ত্রান্সপোর্ত অমসুং হায়ৱেজ মন্ত্রালয়না গুদ সমরিতন ঙাকথোক্নবগী চৎন-কাঙলোন সেপ্তেম্বর ২৯, ২০২০দা থোকখিবা জি.এস.আর. ৫৯৪ (ই)দা ফোঙখ্রে‍। চৎন-কাঙলোন অদুদা য়াওরিবা রাইত খুদিংমক গুদ সমরিতন অমনা ফংগনি অমদি লাইনীং, নেসনেলিতী, ফুরুপ অমসুং পা-পীগী খেন্নবা থমদনা ইকায়খুম্ননা লোয়নবিগদবনি হায়না য়াওরিবা গুদ সমরিতনশিংগী রাইতশিং চৎন-কাঙলোন অদুদা য়াওরি‍। পুলিস ওফিসর নৎত্রগা কনাগুম্বা মীওই অমত্তনা গুদ সমরিতন অমবু মহাক্কী মমীং মথা, লৈফম নৎত্রগা লনাই ওইবা ৱাফম অমত্তা হায়হন্নবা হোৎনরোইদবনি‍। অদুম ওইনমক মহাক্না মশানা হায়রিবশিং অসি হায়দোকচবদি য়াই‍। পব্লিক অমসুং প্রাইভেত হোস্পিতাল খুদিংমক্না হিন্দী, ইংলিস অমসুং লমদমদুগী লোনদা চার্তর অমা চঙফমদা নৎত্রগা লায়না উগদবা মফম অমদা অমদি মখোয়গী ৱেবসাইততা এক্ত অমসুং মসিগী মখাদা শেম্লিবা চৎন-কাঙলোন অসিদা য়াওরিবা গুদ সমরিতনশিংগী রাইতশিং নীংথিনা ইদুনা থেত্তোক্কদবনি হায়না চৎন-কাঙলোন অসিদা য়াওরি‍। মখাতানা, কনাগুম্বা মীওই অমনা মহাক্না গুদ সমরিতন ওইরুরিবা কেসতুদা ৱিতনেস ওইবা মশানা য়াজরবদি, মহাকপু চৎন-কাঙলোন অসিগী মখাদা য়াওরিবা চৎন-পথাপশিং অমসুং থৌওংশিং নীংথিনা তাক্লিবা ৱাফমশিংগী মতুং ইন্না ৱাহং পাউহং তৌগদবনি‍।

পনবা য়াবদি, মোতোর ভেহিকল্স (এমেন্দমেন্ত) এক্ত, ২০১৯দা অনৌবা সেক্সন ১৩৪এ “প্রোতেক্সন ওফ গুদ সমরিতন” হায়বা অমা হাপচিন্দুনা মোতোর ভেহিকল এক্সিদেন্তকী ভিক্তিম অমা শোকপা নৎত্রগা লৈখিদবা মতমদা গুদ সমরিতন্দুনা অথুবগী ওইনা মেদিকেল নৎত্রগা নন-মেদিকেল কেয়র নৎত্রগা মতেঙ পীবদা চেকশিলহৌদবদগী নৎত্রগা মতেঙ মতম চানা পিহৌদবদগী থোকখিবা ওইরবসু মাগী মথক্তা সিভিল নৎত্রগা ক্রিমিনেল এক্সন লৌখৎনিংঙাই ওইরোই অমদি কেন্দ্র লৈঙাক্না গুদ সমরিতন অদুবা ৱাহং পাউহং চত্থবা, মাগী লনাই ওইবা ইনফোর্মেসনশিং হায়দোকহনবা অমদি মরী লৈনবা ৱাফমশিংগী চৎন-কাংলোন শেমগদবনি হায়না পীরি‍।

***