তুরিজমগী ওপ্সনশিং লৈরকপা য়াবা য়াম্না চাওখৎলক্লিবা শহর অমা ওইবনা, জবলপুর এয়রপোর্ত  অসি পেসেঞ্জর ত্রাফিক হেঙ্গৎলকপগী অৱাবা মাইয়োক্নরি৷ মফম অদুগী ইয়র ত্রাভেল্লরশিংদা অফবা সর্ভিস ফংহন্নবগীমক এয়রপোর্ত  অসি হৌজিক হৌজিক য়াম কন্না শেমগৎলি৷ এয়রপোর্ত  অসিদা শেমগৎ-শাগৎলিবা থবকশিং অদুদি অনৌবা তর্মিনেল বিল্দিং, এ.তি.সি. তৱর অমসুং তেক্নিকেল ব্লোক, ফাইয়র স্তেসন কেতিগোরী VII অমসুং অতোপ্পা বিল্দিংশিং শাবা অমসুং রনৱে শাংদোকপা অমসুং মদুগা মরী লৈনবা থবকশিং ওই৷ শেমগৎ শাগৎন্নবগীদমক এ.এ.আই.দা রাজ্য সরকারনা ২০১৫দা একর ৪৬৮.৪৩গী লম খুৎশিন্নখ্রে অমসুং হৌজিক্তী পুন্না একর ৭৭৫ পাক চাউরে৷

ৱল্দ ক্লাস পেসেঞ্জরগী খুদোংচাবশিং য়াওরবা অনৌবা তর্মিনেল বিল্দিং অদুনা মী য়াম্না চিনবা মতমদা পেসেঞ্জর ৫০০ ফাওবা ফম্বা চল্লগনি৷ স্ক্যের ফিত ১১৫১৮০ পাক চাউনা শন্দোকপনা মরম ওইরগা, তর্মিনেল বিল্দিং অসিদা এরোব্রিজ অহুম, এদভান্স ওইরবা বেগেজ স্ক্রিনিং সিস্তেম, লেন্দস্কেপ এরিয়া অদুদা অনৌবা মতমগী চানবা দুকানশিং অমসুং কার অমসুং বস ২৫০ হেন্না খাম্বা চল্লবা নিংথীনা প্লান তৌরবা কার পার্কিং লৈরগনি৷ তর্মিনেল বিল্দিং অসিনা পেসেঞ্জরশিংবু ফজরবা গোন্দ পেন্তিংশিং, মফম অদুগী হেন্দিক্রাফতশিং, মুরেলশিং অমসুং মধ্য প্রদেশকী মমিং লৈরবা তুরিস্ত দেস্তিনেসনশিংনা তরাম্না ওক্লগনি৷

অনৌবা বিল্দিং অসি ইকো-ফ্রেনলী ওইবা মচাক-মথুম্না শারগনি অমসুং সোলর প্রান্ত অমসুং ইনর্জী ইফিসিয়েন্ত ইক্যুইপমেন্ত হাপ্লগনি৷ নিংথীনা মথৌ তৌবা ঙম্বা সোলিদ ৱেস্ত মেনেজমেন্ত সিস্তেম অমা লৈহনবা, হোর্তিকলচর থবকশিংগীদমক ত্রিত তৌরবা ইশিং অদু অমুক হন্না শিজিন্নবা অমসুং সস্তেনেবল আর্বান দ্রেনেজ সিস্তেম তৌদুনা নোংগী ইশিং য়োকশিনবা হায়বা অসিনা এয়রপোর্ত  শেমগৎপগী প্রোজেক্ত অদুগী মশক মওং খরা ওই৷

অনৌবা তর্মিনেল শেমগৎ-শাগৎলিবা অসিদগী হেন্দোক্তুনা লুপা কোতি ৪১২ চংনা শেমগৎ-শাগৎলিবা থবক অসিদা ইয়রবস ৩২০ মখলগী ইয়রক্রাফত অসি ইয়র পোর্ত অসিদা তাবা য়ানবা রনৱে শাংদোকপা, ৩২ মীতর ৱাংবা অনৌবা এ.তি.সি. তৱর অমসুং অনৌবা মতমগী খুদোংচাবশিং য়াওরবা তেক্নিকেল ব্লোক (জি+২)  শেম শাবা, ফাইয়র স্তেসন (কেতিগোরী- VII) অমসুং য়ুতিলিতী ব্লোক, গেত হাউস লৈবা অতোপ্পা এন্সিলরী বিল্দিংশিং শেম শাবগী থবকশিং মনুং চল্লি৷

প্রোজেক্ত অসি লোইশিনবগী চাওরাকপা মতম অসি মথংগী চহী হায়বদি ২০২১গী দিসেম্বর থা অসিনি অমসুং অনৌবা তর্মিনেল বিল্দিং অসি ২০২২গী মার্চ ফাওবগী মনুংদা শিজিন্নরবা য়াই৷ তুরিস্ত চিংশিনফম ওইরিবা মফমশিং খুদম ওইনা কানহ নেস্নেল পার্ক, বনধবগার্হ নেস্নেল পার্ক, মার্বল ক্লিফ অমসুং ভেদঘাতকা নক্নবা মফমদা লৈরিবা ইশিং চাইবীশিং, হায়রিবা মফমশিং অসিদা গেতৱে ওইরগনি অমসুং এয়রপোর্ত  অসিনা মধ্য প্রদেশকী নোংপোক থংবা মফম পুম্নমক মরু ওইনা মহাকৌশলগী মফমশিং য়ৌনা চলাইরগনি৷ নৌনা শেম্লবা জবলপুর এয়রপোর্ত  অসিনা জবলপুরগী শহর অসি চাওখৎহনবদা অচৌবা থৌদাং লৌরগনি অমসুং মফম অসিদা তুরিজম ইন্দস্ত্রী চাওখৎহনবদা চাউনা মতেং পাংলগনি৷

তর্মিনেল বিল্দিং –মথক্কী ওইবা শক্তম

তর্মিনেল বিল্দিং –শহরগী নাকলগী শক্তম

তর্মিনেল বিল্দিং –নাকলগী ওইবা শক্তম

হৌজিক হৌজিক থবক শুরিবা মফম

******