কেমিকেলস অমসুং ফর্তিলাইজরগী কেন্দ্র মন্ত্রী শ্রী দি.ভি. সদানন্দা গৌদানা হায়খিবদা সরকারনা লৈবাক্কী ওইনা পোত্থোক পুথোকপদা মরোমদোম লেপচবা ঙম্নবা অহেনবা মিৎয়েং চঙলিবা হৌজিক্কী মতম অসি ভারত্তা শেল থাদবগী খ্বাইদগী চান্নবা মতমনি হায়খ্রে।

শ্রী গৌদানা কেমিকেলস অমসুং পেত্রোকেমিকেলস বিভাগ অমসুং এফ.আই.সি.সি.আই.না শিনবা “স্পেসিএলিতী কেমিকেল”গী ৱেবিনার অমদা ৱা ঙাংখিবনি। মন্ত্রীনা ঙসি মার্চ ১৭তগী ১৯, ২০২১দা পাঙথোক্কদবা “ইন্দিয়া কেম ২০২১” অসি ওফিসিএল ওইনা লোঞ্চ তৌখি।

মন্ত্রীনা হয়খিবদা “স্পেসিএলিতী কেমিকেল” অসি শাহৌ লৌবা য়াবা হীরম অমনি হায়খি। হৌখিবা দিকেদ খরা অসিদা কেমিকেল শাবগী থৌওংশিংদা, মরু ওইনা ই.য়ু. অমসুং অৱাং অমেরিকাদগী এসিয়াদা স্পেসিএলিতী কেমিকেল লাকপা, মশক থোকপা অহোংবা কয়া লাকখি।

ভারতকী কেমিকেল অমসুং পেত্রোকেমিকেল ইন্দস্ত্রীনা ইং ২০২৫ ফাওবগী মনুংদা মশক থোকপা থৌদাং অচৌবা অমা পাঙথোকপা ঙম্বগী মতিক লৈ অমসুং মসিগী সেক্তর মথন্তনা হৌজিক ওইরিবা বিলিয়ন দোল্লর ১৬০গী জি.দি.পি. অসিগা চাংদম্নবদা বিলিয়ন দোল্লর ৩০০গী শরুক্তা তেংবাংবা ঙমগনি।

শ্রী গৌদানা মখা তানা হায়খিবদা ভারতনা প্রদক্সন লিঙ্ক ইন্সেন্তিব (পি.এল.আই.) অমসুং মতমগা চান্নবা ইনফ্রাস্ত্রকচর ফেসিলিতী শেমগৎপগী খুত্থাংদা ভারত্তা লৈগদৌরিবা বল্ক দ্রগ পার্ক অহুম অসিদা দ্রগ পুথোকপগী মপুং ওইবা বেল্যু চেন শেমগৎহন্নবা পোত্থোক পুথোকপশিংদা ইন্সেন্তিব পীনবা শেম-শাদুনা লৈরি হায়খি।

***