রক্ষা মন্ত্রী শ্রী রাজনাথ সিংহনা ইন্দিয়ন মিলিতরী একাদমী দেহরাদুন্দা আর্দনপাসেসশিং শানবগীদমক ঙসি মফম অসিদগী ভিদিও কনফরেন্সিংগী খুৎথাংদা উরেপ-উয়ুং তমখ্রে৷

থৌরম অদুদা ৱা ঙাংলদুনা রক্ষা মন্ত্রীনা অসুম্না ফোংদোকখ্রে মদুদি একাদমী অসিগী কেমপস অহুমগী মরক্তা লাইনা চত্থোক-চশিন য়ানবগীদমক হায়রিবা আন্দরপাসেসশিং শানবা হোৎনবদা চহী ৪০ হেন্না অয়াবা ঙাইরকপা অসি তশেংনা য়াম্না ঙকনিংঙাই ওই৷ হৌজিক ফাওবগী ওইনদি ত্রাফিক সিগনেল অসিনা নাকল অমরোমদগী অতোপ্পা নাকল অমদা নিংথীজনা চত্থোক-চশিন তৌবা মতমদা ত্রেনী কেদেতশিংদা অথিংবা পীরি৷ অদুগা নাকল অমরোমদনা মসিনা আই.এম.এ.কেদেতশিং চৎথোক চশিন তৌবা মতমদা মফম অদুদা লৈরিবা মীওইশিংদা খুদোংচাদবা পীরি৷ উত্তরখন্দগী কোনুং দেহরাদুনগী মীশিং অসি হেঙ্গৎলকপনা মরম ওইদুনা ত্রাফিক চত্থোক-চশিন তৌবা অসিনা য়াম্না তোইনা তোইনা ত্রাফিক জামশিং থোকহল্লে৷ আন্দরপাসেসশিং অসি শারকপনা এন.ঐচ.-৭২দা য়াম্না কোম্না চৎথোক চশি চত্থোক-চশিন  য়ারগনি৷ অসিগীসু মথক্তা আন্দরপাসেসশিং অসিনা উত্তরখন্দ, পঞ্জাব, হিমাচল প্রদেশ অমসুং হরিয়ানাগী মফম খরগী মীওইশিংদা চাউনা কান্নবা ফংহল্লগনি৷

আন্দরপাস অসিগী প্রোপোজেল অসি জেনেরেল কেদেতশিংগী সেকুরিতী য়েংলগা অমসুং দাহরাদুনগী মীয়ামগী খুদোংচানবগীদমক ১৯৭৮গী ওক্তোবর থাদা খন্না নৈনখি৷ অদুমওইনমক প্রোজেক্ত অসিগী থবক্তি ওনরশিফ অমসুং ফন্দিংগী তোঙান তোঙানবা ইসুশিং লৈবনা মরম ওইরগা শাবা হৌবা ঙমখিদে৷ ২০১৯গী দিসেম্বরগী তাং ৭ এ.তি.-২০১৯গী পাশিং আউত পেরদকী মতমদা রক্ষা মন্ত্রী শ্রী রাজনাথ সিংহনা লুপা কোতি ৪৫গী আন্দরপাসেসশিং অসি শানবগীদমক এসেপ্তেন্স ওফ নেসেসিতী(এ.ও.এন.) ময়ামদা লাওথোকখি৷

*****