তাইবংপালদা তাইবংপালসিগা মরি লৈনবা নুমিৎয়ুংবদগী খ্বাইদগী ইহান-হানবা খ্বাইদগী খম-থেংবা য়ু.ভি. রে অসি থিদোকখিবা সেতলাইতকী সেপ্তেম্বর ২৮, ২০২০দা  ৫রক শুবা মপোক কুমওন পাংথোকখ্রে।

অলত্রা ভাইওলেৎ ইমেজিং তেলেস্কোপ নত্রগা য়ু.ভি.আই.তি. অসি উবা ঙম্বা, নিয়র-অলত্রা ভাইওলেৎ(এন.য়ু.ভি.) অমসুংফার-অলত্রাভাইওলের(এফ.য়ু.ভি.)দা মান্নবা মতমদা য়েংশিনবা শিংথানিংঙাই ওইবা ৩-ইন-১ ইমেজিং তেলেস্কোপ অমনি।

অপুনবা অরুম্বা ২৩০ ওইবা য়ু.ভি.তি.আই. অসিদা তোঙান-তোঙানবা তেলেস্কোপ অনি য়াওই। মখোয়সিগী মনুংদগী অমনা উবা ঙম্বা(এন.এম.৩২০-৩৫০)দা অমদি এন.য়ু.ভি.(এন.এম.২০০-৩০০)দা থবক তৌই। অনিশুবা অসিনা এফ.য়ু.ভি.(এন.এম.১৩০-১৮০)খক্তদা তবক তৌই। মসি ভারতকী অহানবা মল্তী-ৱেবলেংথ এস্ত্রোনোমিকেল ওবজর্বেতরী এস্ত্রোসেৎকী পেবোদ মঙাগী মনুংদা অমনি অমসুং সেপ্তেম্বর ২৮, ২০২০দা এস্ত্রোনোমিকেল ওইবা পোৎশিং অসি ইমেজিং তৌদুনা অতিয়াদা থবক তৌবা অসি চহি মঙা মপুং ফারে।

অদুমওইনমক মসিগী থবক তৌবা অসি চহি মঙা অসিদা মপোক নুমিৎ পাংথোক্লিবা নৱা অসিনা মায় পাকপা কয়া পুরকখ্রে। মসিনা ভারত অমসুং অতৈ মীরৈবাক্কী সাইন্তিস্তশিংনা হায়রকপা তোপ-তোপ্পা সেলেস্তিএল সোর্স ১১৬৬ গী মনুংদগী ৮০০ থিনজিন-য়েংশিনখ্রে।

মসিনা অলত্রা-ভাইওলেৎকী শরুকশিংনা গম্মা-রেদা পোকখাইবা, খংঙান-ঙানবা, নিংথিনা গেলেক্সিগী মরি লৈনবা ন্যুক্লিয়শিং অমসুং অতৈ-অতৈশিনচিংবশিংনা তাইবংপাল অসিদা মপাঙ্গল কনবা ফেনোমেনন অমা ওইবা মেগেলেনিক ওইবা লৈচিলশিং হায়না কৌবা ঐখোয়গী ইশাগী মিল্কী ৱেগী গেলেক্সী মনাক নকপদা লৈবা তাইবংপাল অসিদা লৈবা থৱান্মিচাকশিং, থৱান্মিচাক চবুনশিং, অচৌবা অমসুং অপিকপা গ্রহগী গেলেক্সিশিং মেপ্পিং তৌবা অসি পুথোক্তুনা খংহনখি।

মসিগী খ্বাইদগী ফবা লেংদবা রিজোলুসন অসিন্ এস্ত্রোনোমরশিংদা আকাশগঙ্গাশিংদা থৱান্মিচাক ওইহল্লকপা অসি থিজিনবগা লোয়ন-লোয়ননা থৱান্মিচাক চবুন(হৌখিবা নাসা মিশন, গেলেক্সতগী শরুক ৩ হেন্না ফবা)গী কোরশিং অসি খাইদোকই।  য়ু.ভি.আই.তি.দগী তিজিনবশিং অসিনা পৃথিবীদগী লাইৎ-ইয়র বিলিয়ন ১০রোম লাপ্পা মফমদা লৈবা অমসুং গেলেক্সীশিংগী ওইবগী থোংদা আইওনাইজ তৌবা ঙম্বা খ্বাইদগী খম থেংবা অলত্রাভাইওলেৎকী মঙাল থোকপা গেলেক্সী অমা থিজিনবা ঙমখ্রে।

এস্ত্রোসেৎ অসি ইন্দিয়ন স্পেস রিসর্চ ওর্গনাইজেসন(আই.এস.আর.ও.)না সেপ্তেম্বর ২৮, ২০১৫দা লোঞ্চ তৌখিবনি অমসুং X-রেগী বেন্দা লৈবাক অরাপ্পা অলত্রাভাইওলেত্তগী লাপ্না লৈবা ৱেবলেংথশিংগী চাং অমা মান্নবা মতমদা থিজিনবা ঙম্মি হায়না উৎপা ঙমখ্রে।

য়ু.ভি.আই.তি. প্রোজেক্ত অসি ভারত সরকারগী সাইন্স অমসুং তেক্নোলোজী বিভাগকী ওতোনোমস ইন্সতিত্যুৎ অমা ওইরিবা ইন্দিয়ন ইন্সতিত্যুৎ ওফ এস্ত্রোফিজিক্স(আই.আই.এ.)না পুনেগী ইন্তর য়ুনিভর্সিতী সেন্তর ফোর এস্ত্রোনোমী এন্দ ফিজিক্স, মুম্বাইগী তাতা ইন্সতিত্যুৎ ওফ ফন্দামেন্তেল রিসর্চ, আই.এস.আর.ও. অমসুং কেনাদাগী এজেন্সীশিংগা খুৎশম্নদুনা লমজিংখি। আই.এস.আর.ও.গী তোঙান-তোঙানবা গ্রুপশিং না ফেব্রিকেসন অসি দিজাইন তৌবদা অমসুং পেলোদ অসি তেস্তিং তৌবদা থৌদাং লৌখি।

দি.এস.তি.গী সেক্রতরী প্রোফেসর অশুতোশ শর্মনা হায়খি, “ইঞ্জীনিয়রশিংগী য়াম্না অথোইবা থবক অমা ওইরিবা অলত্রা-ভাইওলেৎ ইমেজিং তেলেস্কোপ অসি তোঙান-তোঙানবা সাইন্তিফিক এজেন্সীশিংনা মরমশিং পুথোক্নদুনা পুন্না মল্তীদিসিপ্লিনরী মোদতা থবক তৌমিন্নবগী অপুনবা পাঙ্গল অদুগী খুদম্নি।”

নিয়র অলত্রা-ভাইওলেৎ বেন্দশিংদা য়ু.ভি.আই.তি.দগী উবা মমিশিং: ওয়থংবা: গেলেক্সীশিংগা ঐখোয়গী লোকেল গ্রুপশিংগা খ্বাইদগী নকশিন্নবা স্পাইরেল গেলেক্সী অমা ওইরিবা এন.জি.সি. ৩০০। গেলেক্সীশিংগী মশাদা অঙানবা মকোইশিং অসি অয়াংবা থৱান্মিচাকশিং শেম্ফমনি। মফমসিদা অশংবা অসিনা এন.এম.২৬৩.২গী ৱেবলেংথ হায়বনি অদুগা হীগোক অসিনা এন.এম.২৪১.৮গী ৱেভলেংথনি হায়বনি।য়েৎথংবা: সোলর মাস ব্লেকহোল মিলিয়ন ২না পাৱর্দ তৌবা অফবা গেলেক্সিগী ওইবা ন্যুক্লিয়স অমনা হোস্ত তৌবা অমসু ওইরিবা ময়ায়দা লৈবা বার অমগা লোয়ননা লৈরিবা স্পাইরেল গেলেক্সী এন.জি.সি. ১৩৬৫না জুম তৌবা ফোতো। মসিদা অশংবা অসি এন.এম.২৭৯.২দনি অদুগা হীগোক্না এন.এম.২১৯.৬তনি। (অলত্রা-ভাইওলেৎ ৱেবলেংথতা, সেলেস্তিএল সোর্সশিং অসি লৈমায়দগী ফোতো লৌবা য়াদে)।

*****