দিভেলপমেন্ত ওফ নোর্থ ইস্ত্রন রিজন(দোনর), এম.ও.এস. পি.এম.ও., পর্সোনেল, পব্লিক গ্রিভেন্স, পেন্সন্স, এতোমিক ইনর্জী অমসুং ইস্পেসকী রাজ্যগী কেন্দ্রগী মন্ত্রী(ইন্দিপেন্দেন্ত চার্জ) দা.জিতেন্দ্র সিংহগী খুৎথাংদা নন-প্রোফিৎ সোসিয়েল ওর্গনাইজেসন অমা ওইরিবা ভারত ভিকাস পরিশদ (বি.ভি.পি.)না পি.এম.কেয়র্স ফন্দগীদমক লুপা কোতি ২.১১গী শেনফম খায়নদুনা পীখ্রে৷

শেনফম অদু পীবা মতমদা দা.জিতেন্দ্র সিংহনা অসুম্না ফোংদোকখ্রে মদুদি প্রধান মন্ত্রী নরেন্দ্র মোদীনা লৈবাক মীয়াম অসিদা য়াম্না চাওনা থাজবা থম্লি অমসুং মসিনা মরম ওইরগা করিগুম্বা মতমদা হিরম অমনা মরম ওইরগা থোকলকপা ইহৌ অমদা খঙহৌদনা ইহৌ অদুবু অচৌবা ইহৌ অমা ওন্থোকই৷ হায়রিবা ময়াম অসি মহাক্না স্বচ ভারত মিসন, তোইলেত শাবগী, গ্যাস সবসিদী পীবগী অমসুং কোবিদ লাইনা-লাইচৎ অসিগী মতুং ইন্না মাংজৌননা তৌরিবা লোকদাউন অমসুং অতোপ্পা গাইদলাইনশিং অসিদা ঐখোয়না ময়েক শেংনা উবা ফংলে৷

“পি.এম.কেয়র্স ফন্দ”গী মখাদা এক্সক্লুসিফ ফন্দ শেগৎপদা পুক্নিং থৌগৎলিবা প্রধান মন্ত্রীগী অশানবা মীৎয়েং অসিবু দা.জিতেন্দ্র সিংহনা থাগৎখ্রে৷ তেল্লবা মতম অসিদা পীরক্লিবা রেস্পোন্স অসি অসুক্কী মতিক নুংঙাইবা ফাওই হায়দুনা মহাক্না ফোংদোকখ্রে, অমরোমদনা ফিলানথ্রোপিস্তশিং অমসুং অচৌবা ব্যুজিনেস হাউসশিংনা মতেং পাংন্নবগীদমক চংশিল্লকখ্রে অদুগা অমরোমদনা অপীকপা অঙাংশিংনা মখোয় মখোয়গী তুংশিঞ্জনা পৈশা অদু খায়নদুনা মতেং পাংবা য়াওখ্রে৷

মমাংগী চহী ৬০ অসিদা সোসিয়েল ওর্গনাইজেসন অমা ওইরিবা ভারত ভিকাস পরিশদ থৱাই হকচাং য়াওনা হোৎনরিবা অসিবুসু কেন্দ্রগী মন্ত্রী অদুনা থাগৎখ্রে৷ ক্রাইসিস থোকলকপা য়াবা ফিভম ইশিং ইচাউ নত্রগা ইকং থোকপা, লান থোক্নরকপা য়াবা নত্রগা নেচরেল কলামিতী অমা হেক লাকপা মতমদা সমাজ অসি কন্ননবগীদমক ভারত ভিকাস পরিশদনা মাংজিল থানা খেংন্দুনা লাক্লি হায়দুনা মহাক্না ফোংদোকখি৷

কোবিদ-১৯ লাইনা-লাইচৎ অসিগী মনুংদা দরকার লৈরিবা মীওইশিংদা লেম্না রেসন, সেনিতাইজরশিং, মাক্সশিং অমসুং হিদাক-লাংথকশিং য়েন্থোকপদা ভারত ভিকাস পরিশদনা লৈবাক শিনবা থুংনা পায়খৎলিবা অসিবু দা.জিতেন্দ্র সিংহনা থাগৎপা ফোংদোকখ্রে৷ পি.এম.কেয়র্স ফন্দদা মখোয়না খোমজিন্নদুনা পীরিবা মতেং অসিনা অসিগুম্লবা লুরবা তানফম অসিদা মতেং দরকার লৈরিবা মীওইশিংদা শোইদনা মতেং পাংলগনি হায়না মহাক্না মখাতানা ফোংদোকখি৷

ভারত ভিকাস পরিশদকী দেলিগেসন অদুদা মখোয়গী নেস্নেল প্রসিদেন্ত গজেন্দ্র সিংহ সন্ধু, নেস্নেল ভাইস প্রসিদেন্ত মহেশ বাবু গুপ্তা, জেনেরেল সেক্রেতরী(ওর্গনাইজেসন) সুরেশ জেন, নেস্নেল জেনেরেল সেক্রেতরী স্যাম শর্ম, নেস্নেল ত্রেজরর সমপত খুরদিয়া, নেস্নেল কোওর্দিনেতর অজে দত্তা অমসুং অতোপ্পা মীওইশিংনা শরুক য়াখি৷

*****