লৌউ-শিংউ মন্ত্রালয়
কে.এম.এস. ২০২০-২১গী ওইনা তামিল নাদু, কর্নাতাকা, মহারাস্ত্রা, তেলঙ্গানা অমসুং হরিয়ানা রাজ্যশিংদগী হৱাই অমসুং থাও থোকপা মরু মেত্রিক তন লাখ ১৩.৭৭ লৈবগী অয়াবা পীরে
সেপ্তেম্বর ২৭ ফাওবদা হরিয়ানা অমসুং পঞ্জাবকী লৌমীশিংদগী মেত্রিক তন অমদা লুপা ১৮৬৮গী মিনিমম সপোর্ত প্রাইজদা ফৌ মেত্রিক তন ৫৬৩৭ লৈরে
২০২০-২১গী ওইনা ২০২০গী ওক্তোবর ১দগী লশিং লৈবা হৌরগনি
Posted On:
28 SEP 2020 4:54PM by PIB Imphal
খারিফ মার্কেত্তিং সিজন-২০২০-২১ হৌরে অমসুং মমাংগী মতমদা পাংথোকখিবা অদুগুম্না হৌজিক চৎনরিবা এম.এস.পি স্কিমগী মতুংইন্না লৌমীশিংদগী এম.এস.পিদা সরকারনা কালেন লৌরোক-২০২০-২১গী পোৎথোকশিং লৈবা হৌরে।
রাজ্যশিংনা পুখৎলকপা ৱাফমশিংদা য়ুম্ফম ওইরগা, খারিফ মার্কেত্তিং সিজন-২০২০-২১গী ওইনা তামিল নাদু, কর্নাতাকা, মহারাস্ত্রা, তেলঙ্গানা অমসুং হরিয়ানা রাজ্যশিংগী হৱাই অমসুং থাও থোকপা মরু মেত্রিক তন লাখ ১৩.৭৭ লৈবগী অয়াবা পীরে। অতোপ্পা রাজ্যশিং/য়ু.তিশিংগী ওইনা, করিগুম্বা কৈথেলগী মমল অসি এম.এস.পিগী মখাদা লৈরবদি, কালেনগী হৱাইশিং অমসুং থাও থোকপা মরুশিং প্রাইজ সপোর্ত স্কিম(পি এস এস)গী মতুংইন্না লৈগনি।
২০২০গী সেপ্তেম্বর ২৪ ফাওবদা, সরকারনা মসিগী নোদেল এজেন্সিশিংগী খুৎথাংদা মুং মেত্রিক তন ৩৪.২০ লৈদুনা তামিলি নাদুগী লৌমী ৪০ দা এম.এস.পিগী লুপা লাখ ২৫ ফংহনখ্রে। মসিগা চপ মান্ননা, এম.এস.পিদা লুপা করোর ৫২.৪০গী কোপ্রা মেত্রিক তন ৫০৮৯ লৈদুনা কর্নাতাকা অমসুং তামিল নাদুগী লৌমী ৩৯৬১ কান্নবা ফংহনখ্রে।মসি অন্ধ্র প্রদেস, কর্নাতাকা, তামিল নাদু অমসুং কেরলাদগী লৈগদবা এল.এম.তি ৯৫.৭৫ অদুগী মথক্তনি।
২০২০গী সেপ্তেম্বর ২৬দগী খারিফ মার্কেত্তিং সিজন-২০২০-২১ মনুংগী ফৌ লৈবা হৌরে অমসুং ২০২০গী সেপ্তেম্বর ২৭ ফাওবদা পঞ্জাব অমসুং হরিয়ানাগী লৌমী ৩৯০দগী মেত্রিক তন অমদা এম.এস.পিগী লুপা ১৮৬৮তা লুপা করোর ১০,৬৪৩গী মেত্রিক তন ৫৬৩৭ লৈরে। লেমহৌরিবা রাজ্যশিংদগী ফৌ লৈবগী থবক ২০২০গী সেপ্তেম্বর ২৮দগী হৌরগনি।
২০২০-২১গী ওইনা ২০২০গী ওক্তোবর ১দগী লশিং লৈবা হৌরগনি অমসুং কত্তন কোরপোরেসন ওফ ইন্দিয়া(সি সি আই)না ২০২০গী ওক্তোবর ১দগী এফ.এ.ক্বিউ গ্রেদ লশিং লৈবা হৌরগনি।
****
(Release ID: 1659799)
Visitor Counter : 167