‘খেলো ইন্দিয়া ফির সে’গী মথংগী তাঙ্কক খুমাং চাউশিন্নবা, লৈবাক শীনবা থুংনা লৈরিবা সাইগী নেস্নেল সেন্তর ওফ এক্সলেন্সতা তোকিও ওলেম্পিক্স শরুক য়াগদবা পেরা এথলেৎশিং অমসুং শান্নরোইশিং ত্রেনিং মখা চৎথনবা স্পোর্তস ওথোরিতী ওফ ইন্দিয়া (সাই)না ৱারেপ লৌরে।

অহানবা তাঙ্কক্তা, তোঙান তোঙানবা সাই সেন্তরশিংদা ওলেম্পিক শরুক য়াগদবা শান্নরোইশিং খক জুনগী অঙনবা শরুক্তা সাইনা ত্রেনিং পাংথোকপা হৌখ্রে। সাইগী মচাক-মথুমশিং কা মনুংদা লৈবা অমসুং ঐখোয়গী লৈবাক্কী শান্নরোইশিং কোবিদ-১৯দগী ঙাকথোক্নবা অখন্নবা শান্নরোইশিং খক ত্রেনিং পীবা হৌখিবনি।

অনিসুবা তাঙ্কক্তা, ২০২৪ পেরিস ওলেম্পিক্স অমসুং ২০২২ এসিয়ান অমসুং কম্মনৱেল্থ গেমশিংদা মিৎয়েং থমদুনা নেস্নেল সেন্তর ওফ এক্সলেন্সদা তোকিও ওলেম্পিক্স শরুক য়াগদবা পেরা এথলেৎশিং অমসুং শান্নরোইশিং ত্রেনিং মখা চৎথনবা থৌরাং তৌরকপনি। মসিনা মশান্না ৯ হায়বদি পেরা এথলেতিক্স, পেরা-পাৱর লিফতিং, পেরা সুতিং, পেরা আর্চরী, সাইক্লিং, হোক্কী, ৱেদলিফতিং, আর্চরী, রেস্তলিং, জুদো, বোক্সিং অমসুং ফেন্সিং য়াওগনি। শান্নরোইশিং কোবিদ-১৯ লৌনদনবা শান্নরোইশিং সাই রিজনেল সেন্তরশিংদা লৈহন্দুনা হায়রিবা চপ মান্নবা ত্রেনিং অসি পাংথোক্কনি। ২০২১দা পাংথোক্নবা থৌরাং তৌরিবা তোকিও ওলেম্পিক্স মমাংদা শান্নরোইশিং কোবিদকী খুদোংথিবদগী কন্নবা কুপ্না খন্নরবা মতুংদা ৱারেপ অসি লৌখিবনি।

ক্বারেনতাইনগী চৎন-পথাপশিং, সাই এস.ও.পি অমসুং রাজ্যগী কোবিদ এস.ও.পি. ঙাক্তুনা চপ মান্নবা মশান্না অমগী শান্নরোইশিং ফাওবা তাঙ্কক কয়া থোক্না ত্রেনিং পাংথোক্নবা সাইনা ৱারেপ লৌরে। ত্রেনিং মখা চৎথবগী অহানবা তাঙ্কক অসি ২০২০গী ওক্তোবর ৫দগী হৌরবা য়ারি।

নেস্নেল সেন্তর ওফ এক্সলেন্সতা লৈরিবা শান্নরোইশিংগী মরক্তা ভাইরস শন্দোরকপা থিংনবা বাইও-ববল (তোখাইনা থম্বা) পাংথোক্নবা রিজনেল সেন্তরশিংদা সাইনা পাউতাক পীখ্রে। শান্নরোইশিংগী য়াইফনবা তোখাইনা লৈনবা শান্নরোইশিং ত্রেনিং পীগদবা কোচশিং অমসুং অতৈ স্তাফশিং নেস্নেল সেন্তর ওফ এক্সলেন্সতা লেংদনা লৈহন্নবা ৱারেপ লৌখ্রে।

মশাগী ওইবা শান্নরোইশিংগী লৈফম লৈতবা সাইগী সেন্তরশিংনা করিগুম্বা কোচশিং অমসুং শান্নরোইশিংনা কোবিদ-১৯ ঙাকথোক্নবা লৌখৎফম থোকপা চেকশিন-থৌরাংশিং লৌখৎলগা ত্রেনিং পাংথোক্লবদি শান্নরোইশিং মতেং পাংনবা সাইনা ৱারেপ লৌরে।

*****