কেন্দ্রগী রোদ ত্রান্সপোর্ত অমসুং হাইৱে মন্ত্রালয়না তাং ১.১০.২০২০দগী ইনফোর্স্মেন্ত চৎনহনবা, পোর্তেলগী থোংদা গারীগী দোক্যুমেন্ত অমসুং ই চলান মেন্তেনেন্স তৌবা য়াহন্নবগীদমক সেন্ত্রেল মোতোর ভেহিকল রুলস, ১৯৮৯গী তোঙান-তোঙানবা মফমদা শেমদোক্তুনা হেন্না মোনিতর তৌবা অমসুং এম.ভি. রুলশিং চৎনহনবা নুংঙাইনবা চেরোল অমা থোকখ্রে।

আই.তি. সর্বিশিং শীজিন্নবা অমসুং ইলেক্ত্রোনিক মোনিতরিং তৌবনা লৈবাক অসিদা ত্রাফিক্কী চৎন-কাংলোন চৎনহনবদা হেন্না খুদোংচাগনি অমসুং দ্রাইবরদা তাথি তাওইনা তৌবা হন্থহনগনি অমসুং লৈবাক মীয়ামদা হেন্না খুদোংচাগনি।

হায়রিবসি মোতোর ভেহিকল (এমেন্দমেন্ত) এক্ত ২০১৯ পাস তৌখ্রবা মতুং অমসুং ওগস্ত ৯, ২০১৯দা ফোংখ্রবা মতুংদা চঙলকখিবনি।

মসিগী মতুং ইন্না, মোতোর ভেহিকল (এমেন্দমেন্ত) এক্ত ২০১৯গী অখন্নবা প্রোবিজন খরা সেন্ত্রেল মোতোর ভেহিকল রুলস ১৯৮৯ শেমদোক্নবগী কাংলোনশিং অসি জি.এস.আর. ৫৮৪ (ই) তাং ২৫, সেপ্তেম্বর ২০২০দা ফোংখি। অতোপ্পা কয়া য়াওনা শেমদোক-শাদোকপা অসিনা চলান, পোর্তেলগী ৱাহন্থোক হাপচিন্দুনা সর্বিসশিং অসি আই.তি.গী থোংদা চৎনহনবা য়াহনবা অমসুং মখা তানা ইলেক্ত্রোনিক মোনিতরিং অমসুং চৎনহনবা য়ারগনি।

লাইসেন্স পীরিবা ওথোরিতীনা দ্রাইবিং লাইসেন্স ককপা নত্ত্রগা হন্দোকহনবগী অকুপ্পা মরোলশিং মথং মনাও নাইনা রেকোর্দ লৌগদবনি অমসুং পোর্তেলদা চাং নাইনা  হাপকৎকদবনি। অসুম্না রেকোর্দ অসি ইলেক্ত্রোনিক ওইনা থমগনি অমসুং দ্রাইবরগী লমচৎসু য়েংশিনবদা খুদোংচাগনি।

সর্তিফিকেৎশিং ফিজিকেল ওইনা, ইলেক্ত্রোনিক্কী মওংদা পুথোকপা অমসুং লৌবা, ভেলিদিতী, অসিগুম্বা দোক্যুমেন্তশিং পীবা অমসুং মখা তানা ইন্সপেক্সনগীদমক তাং অমসুং মতম নম্বা মসুং ওফিসরগী আইদেন্তিতীসু রেকোর্দ লৌগনি। করিগুম্বা চে চাং অদুগী অকুপ্পা মরোল অদু ইনফোর্স্মেন্ত ওফিসরনা ইলেক্ত্রোনিক্কী থোংদা ভেলিদেতেদ তৌবা তারবদি অদুগুম্বা দোক্যুমেন্ত অদুগী ফিজিকেল ফোর্ম অদু অদুগুম্বা দোক্যুমেন্ত অদু ফাজিনগদবা মতাং ফাওবা য়াওনা ইন্সপেক্সনগীদমক পুথোক্নবা হায়রোইদবনি।

মখা তানা করিগুম্বা চে চাং অমহেক্তা পুথোক্নবা হায়বা মতমদা নত্ত্রগা ইন্সপ্তেক্সন তৌবা মতমদা ইন্সপেক্সনগী তাং অমসুং মতম অমসুং য়ুনিফোর্ম শেৎলিবা পুলিস ওফিসর নত্ত্রগা রাজ্য সরকারনা অয়াবা পীরবা অতোপ্পা ওফিসরশিংগী আইদেন্তিতী অদু পোর্তেলদা হাপকৎকদবনি। মসিনা গারীদা মরম চাদনা হন্না চেক তৌবা নত্ত্রগা ইন্সপেক্সন তৌবদা মতেং পাংগনি অমসুং মখা তানা দ্রাইবরশিংদা অৱাবা পীবা হন্থগনি।

মখা তানা নোতিফিকেসন জি.এস.আর. ৫৮৬ (ই) তাং ২৫ সেপ্তেম্বর ২০২০গী থোংদা খুৎনা পায়বা য়াবা খুৎলাই, ইলেক্ত্রোনিক ফোর্মদা দোক্যুমেন্ত ইন্সপেক্সন তৌবা অসিনচিংবগী মতাংদা চুন্ননবা মোতোর ভেহিকল (দ্রাইবিং) রিগুলেসন ২০১৭দা এক্ত অমসুং সি.এম.ভি.আর. ১৯৮৯গা চান্ননবা শেমদোক শেমজিন খরা তৌরে।  

এস.ও. (ই) ৩৩১১ তাং ২৫, সেপ্তেম্বর ২০২০গী নোতিফিকেসন্না মোতোর ভেহিকল (এমেন্দমেন্ত) এক্ত ২০১৯গী প্রোবিজন খরা ওক্তোবর ১, ২০২০দগী মমাংগী কাংলোনশিং চৎনবা হৌনবা ফোংলি।

এস.ও. (ই) ৩৩১০ তাং ২৫, সেপ্তেম্বর ২০২০না রাজ্য সরকারশিংনা পেনালতীশিংগী শেলদা হেনগৎনবগী খন্ননবগী কন্দিসনশিং পীরি।

এস.ও. (ই) তাং ২৫, সেপ্তেম্বর ২০২০না মোতো ভেহিকল (দ্রাইবিং) রিগুলেসন, ২০১৭ থুগাইবগী দন্দিশিং অসি সেক্সন ১৭৭ এ.গী মতুং ইন্না পীন্বা অমসুং অসিগুম্বা থুগাইবগী দন্দিশিং অসি এক্ত অসিগী তোখাইবা মওংদা পীদনবা হায়রি।

*****