কাউন্সিল ওফ সাইন্তিফিক এন্দ ইন্দস্ত্রিএল রিছর্চ (সি.এস.আই.আর.)না মখোয়গী ৭৯সুবা মপোক কুমওন থৌরম ঙসি মফমসিদা লৈবা এস.এস. ভতনগর সভাঘরদা পাঙথোকখ্রে‍। সাইন্স এন্দ তেক্নোলোজী, আর্থ সাইন্সেস, হকশেল অমসুং য়াইফ য়ুম্বালগী কেন্দ্র মন্ত্রী অমদি সি.এস.আই.আর.গী ভাইস প্রেসিদেন্ত দোক্তর হর্শ বর্ধন্না থৌরম মপু ওইনা থৌরমদুদা শরুক য়াখি‍। হৌজিক লৈরিবা কোবিদ-১৯ লাইচৎকী য়েংলগা পীক্না সোসিএল দিস্তেন্সিং মতিক চানা ঙাক্তুনা পাঙথোকখিবা থৌরম অদুদা সি.এস.আই.আর. দি.জি. অমসুং দি.এস.আই.আর. (দিপার্তমেন্ত ফোর সাইন্তিফিক এন্দ ইন্দস্ত্রিএল রিছর্চ) সেক্রেতরী দোক্তর শেখর সি. মান্দে, ঐচ.আর.দি.জি. হেদ মিস্তর এ চক্রবোর্তী অমসুং সি.এস.আই.আর. লেব পুম্নমক অমদি অতৈ কয়ানা তোঙান তোঙানবা সোসিএল মেদিয়া ফম্বাকশিংদগী শরুক য়াখি‍।

অপুনবা সি.এস.আই.আর.না কোবিদ-১৯ লাংফম মনুংদা তৌখিবা থবকশিংগীবু মন্ত্রীনা তৌবিমল খঙবা উৎখি‍। মথৌ তারকপা মতমদা সি.এস.আই.আর. লেবশিংনা লেপখৎলক্তুনা দাইগ্নোস্তিক্স, দ্রগ অমসুং ভেন্তিলেতরনচিংবা কয়া দেলিভর তৌখি‍ হায়না মহাক্না হায়খি‍। দোক্তর হর্শ বর্ধন্না কোবিদ-১৯ লান্থেংদা তোঙান তোঙানবা সি.এস.আই.আর.গী থৌরাংশিংগী মরুমদা লৈরিবা মীওইশিং উৎপা দিজিতেল লাইরিক অমসুং অতেনবা ফিল্ম অমসু ফোঙদোকখি‍।

থৌরম অদুদা, সি.এস.আই.আর. ইনোভেসন এৱার্দ ফোর স্কুল চীল্দ্রেন-২০২০, সি.এস.আই.আর. য়ং সাইন্তিস্ত এৱার্দ-২০২০, সি.এস.আই.আর. তেক্নোলোজী এৱার্দ-২০২০, সি.এস.আই.আর. এৱার্দ ফোর এস. এন্দ তি. ইনোভেসন ফোর রুরেল দেভেলপমেন্ত (সি.এ.আই.আর.দি.)-২০১৭, ২০১৮,২০১৯, সি.এস.আই.আর. দাইমন্দ জুবিলি তেক্নোলোজী এৱার্দ-২০১৯ অমদি জি.এ. রামাচন্দ্রন গোল্দ মেদল ফোর এক্সেলেন্স ইন বাইওলোজিকেল এস. এন্দ তি.-২০২০ য়াওনা তোঙান তোঙানবা সি.এস.আই.আর. এৱার্দশিং ভর্চুএল ওইনা লাউথোকখি‍।

অকোনবদা, দি.জি.-সি.এস.আই.আর. দোক্তর শেখর মান্দেনা মমীং লৈরবা সান্তি স্বরুপ ভতনগর এৱার্দ ২০২০ ফংগদবশিংসু লাউথোকখি‍।

মহাক্কী ৱারোলদা দোক্তর হর্শ বর্ধন্না লাইচৎ অসিনা হান্না খন্নরুদবা খুদোংথিবা অমদি শাথিবা শীংনবা খরা থোকহনখি হায়রদুনা হায়রিবা শীংনবশিং অদুবু সি.এস.আই.আর.না খুদোংচাবা ওন্থোক্তুনা পুৱারীদা অহানবা ওইনা এরোস্পেস নৎত্রগা ওসিনোগ্রাফী, শউন নৎত্রগা গেনোমিক্স ওইজরবসু সি.এস.আই.আর.গী লেবোরেতরী পুম্নমক্না মখোয়গী মপাঙ্গল পুনশিন্নদুনা মখোয়গী মথৌনা পুম্বা কোবিদ-১৯ হায়ারিবা প্রোব্লেম অসিদা মায় ওনশিনখিবদা নুংঙাইবা ফোঙদোকখি‍। “লেব পুম্নমক্তা শিংগী মরক্তা খুৎশম্ননা থবক তৌমিন্ননিংবগী ইথিল অমা পোকখি,” হায়না মহাক্না হায়খি‍। “লেবশিংগী স্পিসিএলাইজেসনগী ৱাফম থমদনা লেব পুম্নমক পুনশিন্দুনা সি.এস.আই.আর.না পুথোরকখিবা মায়কৈ ৫ লোঙবা খোঙজঙ অদুনা সি.এস.আই.আর. লেবশিংনা তোঙান তোঙানবা তেক্নোলোজী ১০০ শেমখি,” হায়না মহাক্না মখা তাখি‍।

“দ্রগ, ভেক্সিন, তেস্তিং, সিকুএন্সিং, পি.পি.ই. হোস্পিতাল এসিস্তিব দিভাইসশিং, মায়খুম, সেনিতাইজর, দিসইন্ফেক্সন সিস্তেমদা ওইরবসু, সি.এস.আই.আর.না অথুবা অমদি অনৌবা পাম্বৈশিং পুথোরকখি,” হায়না মন্ত্রীনা হায়খি‍। “সি.এস.আই.আর.গী সি.সি.সি.এম.বি. লৈবাকসিদা তেস্ত তৌবা হৌখিবা অহানবা লেবশিংগী মরক্তা অমা ওইখিবতা নত্তনা সেন্তর অসিনা মেদিকেল প্রোফেসনেল কয়াবু তেস্ত তৌবগী মরমদা তাকখি,” হায়না দোক্তর হর্শ বর্ধন্না হায়খি‍। “ঙসিদি, অদোম্না খঙলিবদুনি লৈবাকসিদা তেস্তি তৌবগী মশীং শরুক কয়ামরুম হেনগৎলে‍,” হায়না মহাক্না ফোঙদোকখি‍।

“সি.এস.আই.আর.দা জিনোম ২০০০ হেনবা সিক্বেন্স তৌখ্রে অমদি মখোয়না এনালাইসিস তৌনবা খুৎলায়শিং শেমখ্রে,” হায়নসু দোক্তর হর্শ বর্ধন্না হায়খি‍। মহাক্না হায়, “সি.এস.আই.আর.না অনৌবা তেস্তিং মেথদ, অমদি দাইগ্নোস্তিক্স শেমগৎপা, মমল হোঙবা দ্রগ ফেবিপিরাভির সিন্থেসাইজ তৌবা, ভেক্সিন ত্রাইএলনচিংবা তৌনা তৌনা, মসিনা খুদক্কী ওইবা হোস্পিতাল শেমগত্তুনা ময়ামদুগী মরক্তা ঐনা হন্দক্তা গাজিয়াবাদতা অমা শঙ্গাখি”‍।

লৌমীশিংদা দলালি চেন্নদনা মখোয়গী পোত্থোকশিং পুথোক পুশিন তৌনবা অমদি য়োন্নবা, সি.এস.আই.আর.না চাউনা মায় পাক্লবা কিসানসভা এপ শেমখি অমদি মতুংদা আরোগ্যপাথ এপ পুথোকখি‍।

“সি.এস.আই.আর. অসি লৈবাকসিনা শীংনবা ফীভম থেংনরকপদা মতম পুম্নমক্তা চোংথোরকপা লূপ অমনি‍। মসি মমাঙদসু থোকখ্রে অমদি কুইদ্রিঙৈ মতমদসু খুৎলৈ থুনা থৌদাং লৌরকপা থেংনখ্রে,” হায়না মন্ত্রীনা হায়খি‍।

দোক্তর হর্শ বর্ধন্না সি.এস.আই.আর.দা এস.এন্দ তি.গী খুত্থাঙদা ‘আত্মনিরভর ভারত’ ফংবা ঙম্নবা লম্বী অমদি লাল্লোং কোক চুংশিন্নদুনা পুথোরক্নবা ৱাফম থমখি‍। নহা ওইরিবা স্কুলগী মহৈরোয়শিংগী অনৌবা ৱাখল্লোনশিং উবদা মহাক্না নুংঙাইবা ফোঙদোক্লদুনা য়ং সাইন্তিস্ত এৱার্দ, তেক্নোলোজী এৱার্দ, সি.এ.আই.আর.দি. এৱার্দ ফংলবশিংবু পুক্নীং থৌগৎখি‍।

দোক্তর শেখর মান্দেনা মহাক্কী ৱারোলদা পনখিবদা, মার্চা থাদা সি.এস.আই.আর.না ফংবা ঙমদ্রিবা মথৌ তাবশিং খঙদোক্তুনা লাইচৎ অসিবু লাকশিন্নবা মখোয়গী থৌনা অমদি তৌবা ঙম্বশিং য়েংশিন্দুনা দাইগ্নোস্তিক্স, সর্ভিলেন্স, দ্রগ, হোস্পিতাল এসিস্তিব দিভাইস, পর্সোনেল প্রোতেক্তিব ইকুইপমেন্ত অমদি সপ্লাই চেন অমসুং লোজিস্তিক্সকী মতাঙদা মায়কৈ কয়াগী ওইবা থবকশিং লৌখৎখি‍। হায়রিবা লাল্লোং অসি হৌজিক্তি পাম্বৈ অমা ওইনা মহৈ য়ানবা হৌরক্লে‍।

(লিঙ্ক য়েংউ) *** সান্তি স্পরুপ ভতনগর প্রাইজ (এস.এস.বি.) ফোর সাইন্স এন্দ তেক্নোলোজী ২০২০ ফংগদবশিংগী লিস্ত

(লিঙ্ক য়েংউ) ***** তোঙান তোঙানবা সি.এস.আই.আর. মনা ফংগদবশিং

(লিঙ্ক য়েংউ) ****** দিজিতেল বুক সি.এস.আই.আর. ফাইত

*****