এগ্রিকলচর অমসুং ফার্মরস ৱেলফিয়ার, রুরেল দিবলপমেন্ত, পঞ্চায়াতি রাজ অমসুং ফুদ প্রোসেসিং ইন্দস্ত্রিগী য়ুনিয়ন মিনিস্তর নরেন্দ্র সিংহ তোমারনা ঙরাং অসামগী গোগামুখতা ইন্দিয়ান এগ্রিকচরেল রিছর্স ইন্সতিতুৎকী অনৌবা কেম্পস অমা লৈবাক মীয়ামদা কৎথোকখ্রে। থৌরম অদুদা নরেন্দ্র সিংহ তোমারনা আই.এ.আর.আই অসাম পন্দিৎ দীনদয়াল উপধ্যায়গী মমিং থোল্লগনি হায়না লাউথোকখি।

মিনিস্তরনা হায়খি প্রধান মন্ত্রী নরেন্দ্র মোদীগী পান্দম অমা ওইনা মসিগী ইন্সতিতুৎ অসি লিংখৎপদা অরুনাচল প্রদেস, মেঘলয়, মনিপুর, মিজোরম, নাগালেন্দ, ত্রিপুরা, সিক্কিম অমসুং অসামদা এগ্রিকলচরেল ইজুকেসন অমসুং রিছর্সকী থবক চাউখৎহনগনি।২০৫০ ফাওবদা লৈবাক্কী অপুনবা মীশিং হেনগৎলকপা অমসুং অইং-অশাগী খল কাইরকপগী শিংনবা কয়া মায়োক্নবা হেনগৎলক্লগনি। হায়রিবা অহোংবশিং অসি লাকপা মতমদা লৈবাক অসিগী লৌউ-শিংউগী থবকশিংনা মায়োক্নবা ঙম্নবা অমসুং চীঞ্জাক মতিক চানা পৈশিন্দুনা থম্নবা মাইকৈদা সরকারনা থবক পায়খৎলে।

চাথোক য়াম্না লৈবা মহৈ-মরোং মখলশিং পুথোক্তুনা গ্রিন রিভোলুসন পুরকপদা লৈবাক অসিগী এগ্রিকলচরগী সাইন্তিস্তশিংনা লৌরিবা থৌদাং থাগৎলদুনা য়ুনিয়ন মিনিস্তরনা হায়খি লৈবাক অসিনা মশাগী ওক্নবা পুথোকপা খক নত্তনা অহেনবা মহৈ-মরোং পুথোকপা ঙম্লে। চাউখৎ-থৌরাংগী অৱাৎপা লৈরিবশিং মেনখৎপা ওইনা সরকারনা ঝরাখান্দ অমসুং অসামদা অনৌবা এগ্রিকচরেল রিছর্স ইন্সতিতুৎশিং লিংখৎলে।হৌজিক সিক্কিম ওর্গনিক স্তেৎ ওইরে অমসুং অতোপ্পা রাজ্যশিং মসিগী মাইকৈদা চঙশিল্লে। অইং-অশাগী খল কাইরকপা অমসুং ঈশিং ফংদবা অসি য়েংলগা ঈশিং য়াম্না চঙদবা মহৈ-মরোং মখলশিং থানবা থবক পায়খৎপা য়াম্না মরুওই। লৌমীশিংগী শেন্থোক হেনগৎহন্নবা অমসুং মপান্দা থাদোক্নবা খুদোংচাবশিং লৌনবা মফম অসিদা হৌবা মহৈ-মরোংশিংদা মরুওইবা মিৎয়েং থমগদবনি।

আই.এ.আর.আই অসাম লিংখৎপগীদমক প্রধান মন্ত্রী শ্রী নরেন্দ্র মোদী অমসুং অসামগী চীফ মিনিস্তর সরবানন্দা সোনোৱাল থাগৎখি অমসুং ইন্সতিতুৎ অসিগী পান্দমশিং ফংবা ঙমগনি হায়বগী থাজবা থমখি। মহাক্না হায়খি অপীকপা অমসুং লায়রবা লৌমীশিংগী শেন্থোক হেনগৎহন্নবা মফম অসিদা হৌবা হোর্তিকলচরগী মহৈ-মরোংশিংদা থিজিনবগী থবকশিং পায়খৎকদবনি। আই.সি.এ.আর- আই.এ.আর.আই অসামগী মতেংগা লোয়ন্না অৱাং-নোংপোক রাজ্যশিং অমুক হন্না “বোল ওফ রাইস” হায়না খঙনরগনি হায়না মহাক্না থাজবা থমখি। শঙ্গাবা থৌরম অদুদা এগ্রিকলচরগী রাজ্য মন্ত্রী শ্রী কাইলাস চৌধুরি, সাইন্তিস্তশিং অমসুং সরকারগী ওফিসিএলশিং শরুক য়াখি। অৱাং-নোংপোক রাজ্যশিংদা জুনদগী সেপ্তেম্বর থা ফাওবদা ঈশিং ফজনা শীজিন্নবা অমসুং মফম অসিদা ফংবা মহৈ-মরোশিং ওর্গনিক ফার্মিং পাংথোকখিবগী পাউদম অমা ইন্সতিতুৎ অসিনা পীখি।

আই.এ.আর.আই অসামগী নুঙগীৱারোল

ইন্দিয়ান এগ্রিকলচরেল রিছর্স ইন্সতিতুৎ(আই.এ.আর.আই) অসি “গ্রিন রিভোলুসন”গী  হৌরকফম ওইনা খঙনদুনা সাইন্সতা য়ুম্ফম ওইবা তেক্নোলোজিশিং শেমগৎপা অমসুং মগুন লৈবা মীওইশিং পুথোকপদা য়াম্না চাউনা থৌদাং লৌরি। হায়রিবা হিরম অনি অসিদা ভারতকী নোংপোক থংবা শরুক অসি লৈবাক্কী অতৈ মফমশিংদগী শোৎথনা লৈরি। আই.এ.আর.আইগী মাইপাকপশিং লৈবাক অসিগী নোংপোক থংবা শরুকশিংদা শন্দোক্নবগী মতাং চারবা মতম অমা ওইরে। মসি য়েংলগা ২০১৪গী জুলাই ১০দা য়ুনিয়ন ফাইনান্স মিনিস্তরনা মহাক্কী বজেৎকী ৱারোলদা ঝারখান্দ অমসুং অসামদা আই.এ.আর.আই লিংখৎলগনি হায়না লাউথোকখি।মসিনা লৈবাক অসিগী নোংপোক থংবা শরুক্তা এগ্রিকলচর, এনিমেল সাইন্স, ঙা য়োকপা, হোর্তিকলচর অমসুং উমং শেমগৎপগী থবকশিং চাউখৎহল্লগনি।

ইন্সতিতুৎ অসি লিংখৎনবা অসাম সরকারনা অসামগী ধেমাজি জিলাদা, গোগামুখ র্সকলগী দিরপাই চাপোরিদা লম একর ৫৮৫ পীরে। মফম অসি রাজ্যগী কোনুং দিসপুরদগী কিলোমিতর ৪৩০, ধেমাজি তাউন্দগী কিলোমিতর ৪৫ অমসুং অসামগী অনিসুবা খ্বাইদগী চাউবা সহর দিব্রুগরদগী কিলোমিতর ১০০ লাপ্পী।

আই.এ.আর.আই অসাম লিংখৎনবা মরুওইবা তারিখশিং :

· মন্ত্রীমন্দলনা অয়াবা পীখিবা-মে ১৭, ২০১৭

· আই.এ.আর.আই অসাম লিংখৎনবা সেঙ্কসন লেত্তর পীখিবা- মে ২৩, ২০১৭

· প্রধান মন্ত্রী নরেন্দ্র মোদীনা উরেপ-উয়ুং তমখিবা- মে ২৬, ২০১৭

· ২০১৭-১৮দগী ২০১৯-২০ ফাওবগী মনুংদা লুপা করোর ১৫৫.২৯ চঙনা আই.এ.আর.আই অসাম লিংখৎনবা লৈঙাক্কী অয়াবা চেরোল পীখি।

· পীরবা লমগী ঙমখৈ ওনবা অমসুং দিজিতেল সর্ভেগী থবক ২০১৭গী সেপ্তেম্বরদগী হৌখি অমসুং ২০১৮গী জুলাইদা লোইশিনখি।

· অহানবা তাঙ্কক্কী(একর ৪৫) মাস্তর প্লান অয়াবা পীরে।

· ২০১৮দগী সেপ্তেম্বরদগী শাবা হৌখিবা চেকপল, প্রি-ফেব্রিকেতেৎ বিল্দিং অমসুং গেৎশিং লোইশিল্লে।

· হৌজিক চৎথরিবা থবকশিং

- এদমিনিস্ত্রেতিপ অমসুং একাদেমিক বিল্দিং: লুপা করোর ৪১.০(ইসক্বার মিতর ৮৫৫০)

- লম্বী শেম্বা: লুপা করোর ১৪.৭২

২০১৫-১৬দগী হৌনা আই.এ.আর.আই অসামগী এ.এস.সি মহৈরোইশিংগী কোতা আই.এ.আর.আই,নিউ দিল্লিদা মিংচন্দুনা লাক্লি। আই.এ.আর.আই. অসামদা সাইন্তিস্তকী পোস্ত ৫৯ অমুক হন্না শীজিন্নরে অমসুং হৌজিক কেম্পস অসিদা সাইন্তিস্ত মরি লৈরে। বিল্দিং অসি শাবা হেক লোইবগা আই.এ.আর.আই অসামদা ২০২০-২১গী সেসনগী মহৈরোইশিংগী ক্লাসশিং হৌরগনি। অহানবদা দিবিজন অহুম হায়বদি ক্রোপ ইমপ্রুপমেন্ত দিবিজন, হোর্তিকলচর দিবিজন অমসুং এনিমেল সাইন্স অমসুং ফিসরিজ দিবিজন লৈগনি।

******