হকশেল অমসুং য়াইফ য়ুম্বাল মন্ত্রালয়গী কেন্দ্র মন্ত্রী অমসুং এম্সকী প্রসিদেন্ত দা. হর্শ ভর্ধন্না, হকশেল অমসুং য়াইফ য়ুম্বাল মন্ত্রালয়গী কেন্দ্রগী রাজ্য মন্ত্রী এস.ঐচ. অশ্বিনি কুমার চৌবে য়াওবা এম্স নই দিল্লীগী ৬৫শুবা মপোক কুমওন পালন হৌদোকখ্রে। ঙসিগী নুমিৎ অসিদা এম্সতা অন্দর গ্রেজ্যুৎকী মহৈ তম্বা হৌখি অমসুং ১৯৫৬তা এম.বি.বি.এস.কী অহানবা বেচকী ক্লাস নুমিৎ অসিদা হৌখি। 

হ্যুমেন রিসোর্স অমসুং দিবেলপমেন্ত মন্ত্রালয়গী নেস্নেল ইন্সতিত্যুৎ রেঙ্কিং ফ্রেমৱার্ক (এন.আই.আর.এফ.)কী মেদিকেল ইন্সিত্যুসনশিংগী মরক্তা অহানবা রেঙ্ক তারকপদা এম্সকী ফ্রেতর্নিতীবু থাগৎপা ফোঙদোক্লদুনা, দা. হর্শ বর্ধন্না এম্স, নই দিল্লী লিংখৎখিবা মতমদা ১৯৬৫তা ভারতকী পার্লিয়ামেন্তনা মসি লিংখৎপদা থমখিবা পান্দমশিং অদু থুংবা ঙমহনবদা অমসুং মসিনা মখা তানা হেল্থক্যের সর্ভিসশিং, এজুকেসন অমসুং রিসর্চকী অৱাংবা থাক অমা ফংবা ঙম্নবা লেপ্তনা হোৎনরিবা অসিদা অপেনবা ফোঙদোকখি।

দা. হর্শ বর্ধন্না ইন্সতিত্যুসন অসিনা কোবিদ লায়চৎ মনুংদা অচৌবা থৌদাং লৌখিবা অসিগীদমক থাগৎপা ফোঙদোকখি। মহাক্না হায়খি, “কোরোনাভাইরসনা মীওই মিলিয়ন ৫গী মথক্তা নাহল্লি অদুবু ভারতকী হেল্থক্যের সিস্তেম অসনা দাইগনোস্তিক তৌবা অমদি মেনেজমেন্ত ফেসিলিতীশিংগী লমদা মপুং ফানা মথৌ তৌবদা নত্তনা শীবগী চাং তানা থম্লি অমসুং নাবা ফগৎলকপগী চাংনা ৱাংহল্লি।” “হৌখিবা থা ৬ অসিদা এম্সনা কোবিদ-১৯না নারবা মীওইশিং লায়েংবদা, রিসর্চকী লমদা অনৌবা পুথোকপদা, লৈবাক অসিদা লৈরিবা কয়া লমজিংবদা অমসুং তাকপী তম্বীবগী অমদি কম্ম্যুনিকেসন্দা অচৌবা থৌদাং অমা লৌরি।” হায়না মহাক্না মখা তাখি।

ভারতনা কোবিদ-১৯গী মায়োক্তা লান্থেংনবগী মতাংদা, দা. হর্শ বর্ধন্না হায়খি, “ভারতকী নাবা ফগৎলকপগী চাং মখা তানা ৱাংখৎলকপা অমসুং লৈখিদবগী চাংনা লেপ্তনা হন্থরকপা অসিনা ঐখোয়গী প্রধান মন্ত্রী শ্রী নরেন্দ্র মোদীগী থৌনা লৈবা লুচিং মখাদা রাজ্য অমসুং য়ু.তি. পুম্নমক্না লৌখৎলিবা কোবিদ-১৯ লাকশিন্নবা লালোং অসি মাই পাক্লে হায়না উৎলি। ঐখোয়না তেস্ত তৌবা অসি মাই পাক্না হেনগৎহল্লি মসিনা ঙসিদি লাখ ১৫গী ময়া য়ৌবগা লোয়ননা লৈবাক অসিদা তেস্তিং লেব ১৮০০ হেন্না লৈহনবা ঙমখ্রে। কোবিদ-১৯গী লায়েংবগী অমদি বেক্সিনশিংগী লম অসিদা সাইন্তিফিক্কী ওইবা দিবেলপমেন্তশিং অসিদা ঐহাক্না থাজবা থম্লি অমদি ভারতনা অথুবদা কোবিদ-১৯গী মায়োক্তা লান্থেংনবা অসিদা মাই পাকপা ঙমগনি।”

থৌরম অসিদা ৱা ঙাংবদা, শ্রী আশ্বিনি কুমার চৌবেনা কোবিদগী মনুং অসিদা মেদিকেল কম্ম্যুনিতীনা হনবা লৈতনা অমদি চোকথবা লৈতনা হোৎনরিবশিং অসি থাগৎখি। মহাক্না হায়খি, “এম্সনা অৱাংবা মিংচৎ উরোন খিন্দুনা একাদেমিক, রিসর্চ অমসুং অনাবা মীওইশিং লায়েংবদা চাউনা মতেং পাংখ্রে। মসিনা য়ু.এস.এ., য়ু.কে., ওস্ত্রেলিয়া, জর্মনীগুম্বা অতোপ্পা লৈবাক মখল কয়াদগী মহৈরোয়শিং পুশিল্লক্লি অমদি মসি অচৌবা মাই পাকপা অমনি”। মহাক্না মখা তারদুনা হায়খি এম্স অসি খ্বাইদগী নৌবা ফেসিলিতী লৈবা ইন্সতিত্যুসন মখল অমনি। সরকার অসিনা লৈবাক অসিগী কাচিন কোয়া খুদিংদা এম্সকী কান্নবা ফংহন্নবা হোৎনরি।

থৌরম অসিদা দা বর্ধন অমসুং শ্রী চৌবেনা ফেকল্তী মেম্বরশিং অমসুং গ্রেজ্যুৎ তৌরিবা মহৈরোয়শিংদা এৱার্দশিং অমসুং মেদলশিং পীখি। দা বর্ধন্না হায়খি, “মেদিকেলগী মহৈরোয় খুদিংমক্না এম্সকী মহৈরোয় অমা ওইনিংবগী অপাম্বা পোকই। ঙসি ৬৫শুবা মপোক কুমওনগী নুমিৎ অসিদা, ভারতকী মেদিকেল সর্ভিসশিং মপাঙ্গল কনখৎনবা অমদি মকোক থোংবা সাইন্তিফিক নেসনশিংগী মরক্তা ভারত য়াওবা ঙমনবা ৱাখল লৌশিং পুথোক্তুনা মতেং পাংনবা কন্না হোৎনৌ হায়না ঐহাক্না নখোয় পুম্নমক্তা হায়জরি। ”

কেন্দ্রগী হকশেল মন্ত্রীনা রিসর্চ সেক্সন মেন্যুল ফোঙখি অমদি পব্লিক হেল্থ ইমর্জেন্সী করম্না থেংনগনি হায়বগী মতাংদা এম্স, নই দিল্লীদা ‘এম্স ইন কোবিদ তাইম্স’ হায়বা হীরম অসিগী একজিবিসন অমা হৌদোকখ্রে। কোবিদ তেস্তিং অমসুং ইভাল্যুএসন, সেম্পল কলেক্সন তৌবগী মওং অমসুং লেবোরেতরীগী থবক থৌরম, কোবিদ তাস্ক ফোর্স, মেনপাৱরগী পাকশন্না ত্রেনিং পীবা, কোবিদকা চান্নবা লমচৎ শাজৎ য়াওনা তোঙান তোঙানবা ৱাফমশিংদা বিভাগ পুম্নমক্না একজিবিৎশিং উৎখি।

পি.জি.আই.এম.ই.আর., চন্দিগরগী প্রোফেসর দিগম্বর বেহেরা, এম্সকী দিরেক্তর প্রোফেসত রন্দীপ গুলেরিয়া, এম্স নই দিল্লীগী দীন (একাদেমিক্স) দা অনিতা সক্সেনা, সাইন্তিফিক একজিবিসন কম্মিতীগী চ্যেরমেন দা পিয়ুশ সহনি অমসুং অতোপ্পা মকোক থোংবা দোক্তরশিংনা থৌরম অসিদা শরুক য়াখি।

*****