ইলেক্ত্রিক মোবিলিতিগী লমদা য়াম্না মাংজিন থানা চংশিনবা খোঙথাং অমদা সরকারনা এফ.এ.এম.ই. ইন্দিয়া স্কীমগী ফেজ-২ মখাদা স্তেতশিং হায়বদি মহারাস্ত্র, গোৱা, গুজরাত, চান্দিগরদা ইলেক্ত্রিক বস ৬৭০ অমসুং মধ্যা প্রদেশ, তামিল নাদু, কেরালা অমসুং পোর্ত ব্লাইয়রদা চার্জিং স্তেসন ২৪১ কাইথখ্রে।

ত্বীত মেসেজদা মথং মথং লাওথোক্লদুনা, য়ুনিয়ন হেভী ইন্দস্ত্রীজ মিনিস্তর শ্রী প্রকাশ জাবাদেকরনা হায়খি মদুদি লৌরিবা ফিরেপ অসিনা সরকারনা থমখিবা ফুসিল ফুইলদা মপাল তাংবা হন্থনবা অসিদা মমি তারি অমসুং গারিদগী থোক্লকপা মৈখু হন্থহনবনি। শ্রী জাবাদেকরনা হায় মদুদি লৌরিবা ফিরেপ অসি প্রধান মন্ত্রী শ্রী নরেন্দ্র মোদীগী মিয়েং ইকো ফ্রেন্দলি পব্লিক ত্রান্সপোর্তেসনগী পরিংদনি।

Happy to announce sanction of 670 Ebuses in Maharashtra, Goa, Gujarat & Chandigarh & 241 Charging Stations in MP, TN, Kerala, Gujarat & Port Blair under Phase-II of #FAME India Scheme.This is in line with PM @narendramodi ji’s vision to push for eco-friendly public transportation pic.twitter.com/A76yokEYg2

— Prakash Javadekar (@PrakashJavdekar) September 25, 2020

মিনিস্ত্রী ওফ হেভী ইন্দস্ত্রীজ অমসুং পব্লিক ইন্তরপ্রাইসেসগী মখাদা দিপার্তমেন্ত ওফ হেভী ইন্দস্ত্রীজ (দি.ঐচ.আই.)না ইন্দিয়াদা ইলেক্ত্রিক/হাইব্রিদ ভেহিকলস (এক্স.ই.ভি.এস.) চাওখৎননবা ফাস্তর এদোপ্তেসন এন্দ মেনুফেক্চুরিং ওফ (হাইব্রিদ এন্দ) ইলেক্ত্রিক ভেহিকলস ইন ইন্দিয়া (এফ.এ.এম.ই. ইন্দিয়া) স্কীম অসি ২০১৫গী এপ্রিলদগী শিন্দুনা লাক্লি।

২০১৯গী মার্চ ৩১দা স্কীম অসিগী অহানবা ফেজদা হাইব্রিদ ২,৮০,৯৮৭ অমসুং ইলেক্ত্রিক ভেহিকলস অসি অপাম্বা ইন্সেন্তিব লুপা করোর ৩৫৯ রোমগী পীখি। মখা তানা দি.ঐচ.আই.না পুন্না লুপা করোর ২৮০দী মমল ওইবা ইলেক্ত্রিক অমসুং হাইব্রিদ বস ৪২৫ লৈবাক অসিগী সহর কয়াদা কাইথখ্রে। দিপার্তমেন্ত ওফ হেভী ইন্দস্ত্রীজনসু লুপা করোর ৪৩ রোম ওইবা চার্জিং স্তেসন ৫২০ সহরশিং হায়বদি বেঙ্গলোর, চান্দিগর, জাইপুর, দিল্লীগী এন.সি.আর.দা এফ.এ.এম.ই. ইন্দিয়া স্কীমগী ফেজ-২গী মখাদা কাইথখি।

হৌজিক্কী ওইনা এফ.এ.এম.ই. ইন্দিয়া স্কীমগী ফেজ-২ অসি চহি ৩গী ওইনা ২০১৯গী এপ্রিলগী ১দগী লুপা করোর ১০,০০০ চংনা শিজিন্নবা হৌরগনি।

ফেজ অসিনা পান্দম থম্লিবা অসি ইলেক্ত্রিফিকেসন ওফ পব্লিক অমসুং সেয়র ত্রান্সপোর্তেসন অমসুং চাওরাক্না ই-বসেস ৭০০০, ই-থ্রী হ্বীলর লাখ ৫, ই-ফোর হ্বীলর পেসেনজর কার ৫৫০০০ অমসুং ই-তু হ্বীলর লাখ ১০ পান্দম থম্লি। লোয়ননা চার্জিংগী মচাক-মথুম অসি ইলেক্ত্রিক ভেহিকলস শিজিন্নরিবশিংগী অপাম্বগী মতুং ইন্না পুথোক্কনি।

***