ফার্ম মেছিনরী তেস্তিং ইন্সতিত্যুতশিংগী সর্ভিস হেন্না ফনবা অমসুং মেছিনশিং তেস্তিং তৌদুনা য়েংশিনবগী থৌওংদা ময়েক শেংনা তৌননবগীদমক এগ্রিকলচর , কোওপরেসন অমসুং লৌমীশিংগী য়াইফ থৌরাংগী দিপার্তমেন্তনা শেমখ্রিবা “সেন্ত্রেলাইজ ফার্ম মেছিনরী পর্ফোমেন্স তেস্তিং পোর্তেল” লৌউ শিংউ অমসুং লৌমীশিংগী য়াইফ থৌরাংগী কেন্দ্রগী মন্ত্রী শ্রী নরেন্দ্র সিংহ তোমারনা পব্লিক দোমেন্দা ঙসি লোঞ্চ তৌখ্রে৷

থৌরম অদুদা শ্রী নরেন্দ্র সিংহ তোমারনা ৱা ঙাংলদুনা অসুম্না ফোংদোকখ্রে মদুদি লৌমীশিংগী য়াইফনবগীদমক অমসুং লৌউ শিংউগী সেক্তর অসি হেন্না চাওখৎননবগীদমক সরকার অসিনা প্রধান মন্ত্রী শ্রী নরেন্দ্র মোদীগী মখাদা মপুং ফানা হোৎনরি৷ সরকার অসিনা হোৎনরিবা অসি য়েংলগা লৌউ-শিংউগী সেক্তরগী বদজেৎ এলোকেসন অদু চাং ৱাংনা হেঙ্গৎখ্রে৷ লৌউ-শিংউবদা মেছিনশিং শিজিন্নবগী চাং অসি চাং ৱাংনা হেঙ্গৎলকপনা মহৈ-মরোং থাবগী লম, মহৈ-মরোং মখলশিং অমসুং লৈবাক অসিগী লৌউ-শিংউবগী পোত্থোক কা হেন্না ৱাংলে হায়দুনা শ্রী তোমারনা ফোংদোকখ্রে৷ মখাতানা লৌউ-শিংউবদা মেছিন শিজিন্নবা অসি য়োকখৎননবগীদমক লৌউ-শিংউগী কেন্দ্রগী মন্ত্রীনা অপিকপা অমসুং লৌ য়াম্না উজদবা লৌমীশিংনা শিজিন্নবা য়ারবা মমল য়াম্না চংদবা ফার্ম ইক্যুইপমেন্তশিং শানবা ইন্দস্ত্রী রিপ্রজেন্তেতিবশিংদা অপিল তৌখ্রে৷

মসিগী পোর্তেল অসি মফম অমা হেক্তদগী য়াম্না লাইনা শিজিন্নবা য়াবনা অমসুং ইন্তরনেত শম্বা য়াবা দিভাই অমা হেক্তদগী শিজিন্নবা য়াবা অসিনা মেনুফেকচরশিংনা এপ্লাই তৌবদা, পাউ ফাওনবদা অমসুং মখোয়গী মেছিনশিং অদু তেস্ত তৌবা মতমদা লৈরিবা প্রোগেস অদু য়াম্না লাইনা য়াহল্লগনি৷ মসিনা ওর্গনাইজেসন অদুগী মনুংদা য়ুনিফাইদ ওইবা মওং অমদা ইন্তিগ্রেতেদ মেনেজমেন্তগী ওইথোকপা য়াবা অদু পীরগনি অমসুং মসিনা তেস্তিং ইন্সতিত্যুতশিংগী ইফিসিয়েন্সী ফগৎহনবদা মতেং পাংলগনি অমসুং তোঙান তোঙানবা লৌউ-শিংউবদা শিজিন্নরিবা মেছিনশিং অমসুং ইক্যুইপমেন্তশিং তেস্ত তৌবদা চংবা মতম অদু হন্থহল্লগনি৷ মসিগী পোর্তেল অসিনা মখাগী কান্নবশিং অসি শিজিন্নরিবা মীওইশিং অদুদা পীরি খুদম ওইনা মেনুফেকচররশিং, এফ.এম.তি.তি.আই.এস. অমসুং দি.এ.সি. অমসুং এফ. দবল্যু:

1. সরকারগী পোলিসী “করবার তৌবদা লাইথোকহনবা” অসিগুম্না মসিনা মেছিনশিং ওনলাইন্দা তেস্ত তৌবদা লাইহল্লগনি৷
2. তেস্তিং অদুগী শরুক পুম্নমক্তা ময়েক শেংনা তৌবা৷
3. ফিদবেক থুনা ফংবা
4. তেস্ত তৌবদা চংবা মতম হন্থহনবদা মতেং পাংবা
5. এগ্রিকলচরেল মেনুফেকচররশিংগী ব্যুজিনেস চাদিং হন্থহনবা
6. তেস্তিং ইফিসিয়েন্সী ফগৎহনবা
7. তেস্ত তৌবদা ময়েক শেংনা তৌবা
8. ফ্লেক্সিবল ওইহনবা – মন্ত্রালয়দা লৈরিবা ওফিসরশিং অমসুং মেনুফেকচররশিংনা ইন্তরনেত শিজিন্নরগা মফম অমা হেক্তদগী তেস্তিংগী থবকশিং য়েংবা য়াবা৷

এগ্রিকলচরেল মেকানাইজেসন অসি ফার্ম ওপরেসনশিং মাই পাক্না অমসুং প্রদক্তিব ওইনবা হোৎনবা মতমদা তঙাই ফদনা চংদ্রবা য়াদ্রবা সপোর্ত অমা ওই৷ মসিনা তোঙান তোঙানবা ফার্ম ওপরেসনশিংদা লৌমীশিংগী পাঙ্গলনা থবক কন্না শুজবা অদু হন্থহনবগী মথক্তা মহৈ-মরোং পুথোকপদা শিজিন্নরিবা দাইরেক অমসুং ইন্দাইরেক ইনপ্যুতশিংগী ইফিসিয়েন্সী  অমসুং প্রদক্তিবিতী হেঙ্গৎহনবদা মতেং পাংই৷ ফার্ম মেকানাইজেসন্দা লৈরিবা প্রোগ্রামশিং অমসুং ভারত সরকারগী স্কিমশিং অসিনা তোঙান তোঙানবা এগ্রিকলচরেল ওপরেসনশিং পাংথোকপদা য়ুনিৎ এরিয়া অমদা ফংলিবা ফার্ম পৱার অদু কা হেন্না হেঙ্গৎহল্লি৷ শিফত অসিনসু লৌউ-শিংউবদা লৈরিবা কনভেস্নেল অমসুং কম্মরসিয়েলগী মহৈ-মরোংশিং খন্দোকপদা মতেং পাংলগনি৷

এগ্রিকলচরেল মেছিন লৈরিবা মী হায়বদি লৌমীশিং অমসুং মেনুফেকচররশিং অনিমক কান্নবা পীরিবা ফার্ম মেছিনশিং তেস্ত তৌবা হায়বসি এগ্রিকলচরেল মেকানাইজেসনগী য়াম্না মরু ওইবা মশক অমনি৷ এগ্রিকলচরেল মেছিনশিং তেস্ত তৌবা অমসুং ইভালুয়েসন তৌবা অসিনা ক্বালিতী হেঙ্গৎহনবদা মতিক চানা মথৌ তৌহল্লি৷ মান্নবা মেছিনশিংগী কমপেরেবল দাতা মেনুফেকচররশিংদা ফংই অমসুং মসিনা মখোয়গী প্রদক্কী দিজাইন অদু হেন্না ফহনবদা মখোয়দা মতেং পাংই অমসুং এগ্রিকলচরেল মেছিনশিং অসি লৈবাক অসি খক্তা নত্তনা মালেমগী মফম খুদিংমক্তা কম্মরসিয়েলাইজেসন তৌবদা মতেং পাংই৷ এগ্রিকলচরেল মেছিনশিং অসি তেস্ত তৌবগী অমসুং ইভালুয়েসন তৌবগী কান্নবা অদু মশক খঙনবা অমসুং তেস্ত তৌবগী হেঙ্গৎলক্লিবা দিমান্দ অসি মেনশিন্ননবগীদমক লৈরিবা ফার্ম মেছিনরী ত্রেনিং অমসুং তেস্তিং ইন্সতিত্যুত মরি অসিগী মথক্তা এগ্রিকলচর, কোওপরেসন অমসুং লৌমীশিংগী য়াইফ থৌরাগী দিপার্তমেন্ত অসিনা স্তেত এগ্রিকলচরেল য়ুনিভরসিতীশিং, ইন্দিয়ন কাউন্সিল ওফ এগ্রিকলচরেল রিসর্স অমসুং রাজ্য সরকারশিংগী মখাদা লৈরিবা ইন্সতিত্যুত ৩৫ খন্দোকখ্রে অমসুং মথৌ তৌবগী অয়াবা পীখ্রে৷

বুদনি(এম.পি.), হিসর(হরিয়ানা), অনন্তপুর(আন্ধ্র প্রদেশ) অমসুং বিস্বনাথ চারিয়ালি(অসাম)দা লৈরিবা ফার্ম মেছিনরী ত্রেনিং অমসুং তেস্তিং ইন্সতিত্যুতশিং অসিনা য়াম্না মরু ওইবা থৌদাং লৌরি অমসুং প্রোগ্রামশিং শেমগৎপদা মখোয়গী কেপাসিতী, তেস্তিং অমসুং ফার্ম মেছিনরীশিং ইভালুয়েসন তৌদুনা অমসুং লৌমীশিংগী লৌফমদা মেছিনশিং/তেক্নোলোজীশিং চাংয়েং তৌদুনা ভারততা এগ্রিকলতরেল মেকানাইজেসন চাওখৎহনবদা মখোয়গী সিয়র কন্ত্রিব্যুত তৌই৷ বুদনি ইন্সতিত্যুত অসি ও.ই.সি.দি. স্তেনদর্দকী মতুং ইন্না ত্রেক্তরশিং তেস্ত তৌননবগীদমক লৈবা নেস্নেল দিজাইনেতেদ ওথোরিতীনি৷ বুদনি অমসুং হিসর অসি সেন্ত্রেল মোতোর ভেহিকল রুলশিংগী মতুং ইন্না ত্রেক্তরশিং অমসুং সেল্ফ প্রোপেল্দ মেছিনশিং তেস্ত তৌবগীদমক মশক খঙনৈ৷

লৌউ শিংউ অমসুং লৌমীশিংগী য়াইফ থৌরাংগী রাজ্যগী কেন্দ্রগী মন্ত্রীশিং শ্রী পরশোতম রুপালা অমসুং শ্রী কাইলাস তৌধরী, এগ্রিকলচর, কোওপরেসন অমসুং লৌমীশিংগী য়াইফ থৌরাগী দিপার্তমেন্তগী সেক্রেতরী শ্রী সঞ্জে অগরৱল অমসুং দিপার্তমেন্ত অদুগী অতোপ্পা সেনিয়র ওফিসিয়েলশিংসু পোর্তেল অদু লোঞ্চ তৌবগী থৌরম অদুদা শরুক য়াখি৷

*****