সেন্ত্রেল এদমিনিস্ত্রেতিব ত্রাইব্যুনেলগী প্রিন্সিপাল বেঞ্চনা এ.সি.আর. রেকোর্দিংগী মতাংদা তোঙান তোঙানবা এপ্লিকেসন কয়া ফাইল তৌখিবা এ.আই.আই.এম.এস.তা দীপ্যুতেসন্দা লৈবা উত্তরাখন্দ কেদরগী আই.এফ.এস. ওফিসার শ্রী সঞ্জিব চতুর্বেদীগী কেস পায়রিঙৈগী থৌওংগী মনুংদা এদভোকেৎ শ্রী মেহমুদ পরাচাগী থৌওংশিংগী মতাংদা সুও মোতো অমা লৌখৎখ্রে। মসিগী মখা তাবা ওইনা এপ্লিকান্ত অসিবু মহাক্কী হৌরকফমগী কেদরদা অমুক থাখ্রে। শ্রী মেহমুদ পরাচা অসি এপ্লিকেন্ত অসিনা নেকপনি অমসুং ৮/২/২০১৯দা মহাক্না এ.আই.আই.এম.এস.না ফাইল তৌখিবা কেস অমা লুপা ২৫,০০০গী শেনফম থীহন্দুনা সুপ্রীম কোর্তনা ককথৎখি হায়খি। মহাক্কী মফমদা হায়খিবদা উত্তরাখন্দ হায় কোর্ত অমসুং সুপ্রীম কোর্তনা হীরম অমগী ৱায়েল পীবগী মরী লৈননা ত্রান্সফরগী এপ্লিকেসন অমা থেংনরিঙৈ মনুংদা করিগুম্বা থৌওং অমবু লেপহন্দুনা থম্বগী ৱায়েল অসি এদমিনিস্ত্রেতিব ত্রাইব্যুনেল এক্ত, ১৯৮৫গী সেক্সন ২৫গী মখাদা চেয়রমেন্না পীবা ঙমগনি অদুবু হায়রিবা হীরম অসিদি কোর্তশিং অসি চৎনদ্রে হায়না হায়খিবনি। মঙোন্দা মসিগী মতাংদা ৱাফম কয়া হায়রবসু মহাক্না তাখিদে। মহাক্না অতোপ্পা নাকল অদুদা মখোয়না ত্রাইব্যুনেলগী মমাংদা সুপ্রীম কোর্তকী ওরদর অমগী মতুং ইন্না এপ্পীল তৌবগী হক লৈতে হায়না পল্লদুনা থওই উইশিত্তবা তৌখি। মহাক্কী থৌওংশিং অসিনা চেয়রমেন অমসুং রেস্পোন্দেন্তপু থওই উইশিত্তবগী মওং কয়া ওইহন্দুনা কোর্ত্তা থোকহন্নিংদবা থৌদোক কয়া থোকহনখি। মহাক্না পাঙথোক্লিবা থৌওং অসি মহৈ য়ান্দ্রে হায়বা উবদগী মতাং অসিদা পল্লইবা রেস্পোন্দেন্ত অসিনা চেয়রমেন্দা লন্নাইগী ওইবা খৎনবা হৌবগী থবক পাঙথোকখি। পি.তি.শিং অসি চেয়রমেন খক্তনা য়েংশিনগদবনি হায়বগী এক্ত অসিগী সেক্সন ২৫গী মতাংদা মঙোন্দা লৌশিং লৈরবসু মহাক্না মরু ওইরিবা হীরম অসিদগী নাথৈদুনা থওই উইশিত্তবগী থৌওং মখা তানা চত্থখি। মসিগী মরম ওইদুনা অরোইবা উপায় ওইনা নুমিত্তুমক্তদা মহাক্কী মায়োক্তা অকুপ্পা ৱারোল অমগা লোয়ননা শো-কোজ নোতিস ওফ কন্তেম্পত অমা থোকখি। হায়রিবা ৱারোল অসিগী মতুং ইন্না ভারতকী সংবিধান অমসুং কন্তেমপ্ত ওফ কোর্ত এক্তকী মখাদা পায়খৎফম থোকপা থবকশিং পায়খৎনবা হায়দুনা হীরম অসি দিল্লী হাই-কোর্তকী চীফ জস্তিস্কী মফমদা থাংগৎখি। পি.তি.শিং অসি এপ্লিকেন্ত অসিদা হন্দোকখিনবা অমসুং মখা তাবা ওইনা মহাক্না এদমিনিস্ত্রেতিব ত্রাইব্যুনেল এক্ত, ১৯৮৫গী সেক্সন ২৫গী মখাদা নত্তবা অতোপ্পা উপায়গী মতেংনা মহাক্কী থৌওং চুম্থোকচনবা থীজনবা য়াথং পীখ্রে। দোক্ত্রিন ওফ নেসেসিতীসু চৎনবা য়াররোই হায়বা ৱারোল অসিসু মহাক্কী মফমদা তমখি। তাং ৩০/৫/২০১৯দা তাবা অকুপ্পা রাই অমগী মতুং ইন্না দিল্লী হাই-কোর্তকী দিবিজন বেঞ্চনা তি. সুধাকর প্রসাদ অমসুং আন্ধ্র প্রদেশকী সরকারগী মরক্তা থেংনখিবা কেস (২০০১ (১) এস.সি.সি. ৫১৬) অমসুং হীরম অসিগা মরী লৈনবা অতোপ্পা কেসকী মতাংদা পল্লদুনা কন্তেম্প কেস অসিদি ত্রাইব্যুনেল খক্তনা তাদুনা রাই তাগদবনি হায়খি। রেস্পোন্দেন্ত অসিনা ফাইল তৌরিবা এস.এল.পি. (সি.আর.এল.) নম্বর ৭৮৫০/২০১৯ অসি লৌররোই হায়বা দিল্লী হাই-কোর্তকী ৱারোল অসিবু সুপ্রীম কোর্তনা অয়াবা পীবগী ওর্দর অসি ঐখোয়দা লৈরে অমসুং মসিগী মতুং ইন্না ত্রাইব্যুনেল অসিনা চত্থগদবা ক্রিমিনেল কন্তেম্প পেতিসন নম্বর ২৯০/২০১৯গী থবক পায়খৎপা হৌরে অমসুং হীরম অসিগী মতাংদা পি.তি. ২৮৬, ২৮৭ অমসুং ২৮৮/২০১৭গী পেতিস্নর অসিগী এদভোকেৎ অমা ওইনা মহাক্না ঙাংখি-শকখিবশিং অসিদা য়ুম্ফম ওইদুনা  কন্তেম্প ওফ কোর্তস এক্ত (সি.এ.তি.) রুলস, ১৯৯২গী মখাদা পীবা শক্তিগী মতুং ইন্না চার্জ শেম্বসু ১৯/৭/২০১৯দা হৌরে। রেস্পোন্দেন্ত অসিনা ৱাকৎ অহুমগা লোয়ননা এম.এ. নম্বর ২৪৭১/২০১৯ ফাইল তৌরকখিবনি – ১) পি.তি. নম্বর ২৮৮/২০১৭তা ফাইল তৌরিবা এম.এ. খরগী মতাংদা ৱায়েল পীবা, ২) চেয়রমেন অসিনা কন্তেম্প কেস অসিবু তাবা য়াবা য়াদবগী মতাংদা ৱারেপ অমা লৌবা; ৩) তাং ১৯/৭/২০১৯গী দ্রাফৎ চার্জ অসিগী মতাংদা ওর্দর অমা থোকপা। এম.এ.শিং অসি ২/৮/২০১৯দা ককথৎখিবনি। তাং ১১/১২/২০১৯দা হায়জরকপগী মতুংদা এল.দি. এত্তোর্নী জেনেরেলনা হৈ-শিংলবা এদিস্নেল সোলিসিতর শ্রী বিক্রমজিৎ বেনর্জীবু থবক অসি খুৎশিন্নখি। পার্তী অনি অসিগী ৱারোল তারবা মতুংদা ত্রাইব্যুনেল অসিনা হীরম অসি কন্তেম্প ওফ কোর্ত (সি.এ.তি.) রুলস, ১৯৯২গী রুল ১৩(বি.)গী মনুংদা চল্লি হায়খি। ঐখোয়না মসিগী মতাংদা প্রিমা-ফেসী কেস অমা লৌখৎপা য়ারে খঙবগী মতুং ইন্না চার্জশিং অসি ফোর্ম ৩গী মখাদা শেমখি। কেস অসি ১০/২/২০২০দা পরিং চনখি অমসুং রেস্পোন্দেন্ত অসিনা মরাল লৈতে হায়খি। শ্রী বিক্রমজিৎ বেনর্জীনা হায়খিবগী মতুং ইন্না হৈ-শিংলবা এদভোকেৎ অসিনা ত্রাইব্যুনেলগী শক্তিদা শিংনবা অমসুং চেয়রমেনবু থৌওই উইশিত্তবগী থৌওং পাঙথোকখি হায়বসি কোর্তকী ৱারোলশিংদগী ময়েক শেংবা উবা ফংলবনিনা মহাক্কী মথক্তা ক্রিনিমেল কন্তেম্পকী থৌওং পাঙথোকপা য়াই হায়খি। রেস্পোন্দেন্ত অসিনা হায়খিবদা য়েৎনখিবশিং অসি রেকোর্দশিংদা য়ুম্ফম ওইদুনা য়েৎনখিবনি অমসুং কোর্ত্তা থৌওই উইশিত্তবগী ৱারোল অমত্তা পনখিবা লৈতে হায়খিবগা লোয়ননা চেয়রমেন অসিনা উত্তরাখন্দ হাই-কোর্তকী ৱায়েল অমগী মতাংদা ৱাফম খরা ফোঙদোকখিবগী মহাক্কী মথক্তা উত্তরাখন্দ জাই-কোর্ত্তা কন্তেম্প কেস অমা ফাইল তৌদুনা লৈরিবনি হায়না মখা তানা ফোঙদোকখি। হায়রিবা কেন্তেম্প কেস অসিগী মতাংদা সুপ্রীম কোর্ত্তা চেয়রমেন অসিগী মায়োক্তা পন্দুনা লৈরিবা এস.এল.পি.গী মতাংদসু পনখি। হৈ-শিংলবা এদিস্নেল সোলিসিতর জেনেরেলনা হায়খিবগী মতুং ইন্না রেস্পোন্দেন্ত অসিনা নিংঙমক্তবা লৈরবদি কেস অসি তুমিন্না লোইশিনবা য়াগনি হায়খিবদা রেস্পোন্দেন্ত অসিনা মহাক্না ত্রাইব্যুনেলদা হায়খিবা অদুদা অদুমক লেপ্লি অমসুং মসিগী মতাংদা নিংঙমদবগী ৱাফম লৈতে হায়খি। রেকর্দনা উৎপগী মতুং ইন্নদি মহাক্না কা-হেনবা লিচৎ চৎখি অমসুং তাঞ্জা খুদিংদা ত্রাইব্যুনেল অমসুং চেয়রমেনবু থৌওই উইশিৎখিদে হায়বা তাক্লি। অসিগুম্বা থৌওং অসিগী মতুং ইন্না মহাক্কী মায়োক্তা কন্তেম্পকী থবক চত্থবা য়াই হায়না মঙোন্দা হায়খিবসু লৈখি। মদুগী মতুংদা মহাক্না মহাক্কী রেস্পোন্দেন্তপু মহাক্কী কাউন্সেল ওইহনখি। পার্তী অনিমক্না য়াম্না নুংঙাইনরক্তবা মতমদা কাউন্সেলনা মখোয়দা হায়দুনা কোর্ত নত্ত্রগা ত্রাইব্যুনেলদা লাল্লে হায়জগদবনি অমসুং মসি মতাং অসিদা মতিক চানা তৌফম থোকপনি। হীরম অসিগী মতাংদদি রেস্পোন্দেন্ত অসিনা মহাক্কী ক্লাইএন্তগী হেন্না থৱাই য়াওনা অকনবা থৌওং শিজিন্নবা অসি য়াম্না লাইবক থীবনি। পি.তি.শিং অসি খ্বাইদগী লীরবনি অমসুং মখোয়শিং অসি মিনিৎ খরগী মনুংদা লোইশিনবা য়াবনি হায়না হঞ্জিন হঞ্জিন্না হায়বদা মহাক্না তাখিদবনি। নাকল অমরোমদা মহাক্না চেয়রমেনবু অচৌবা অরানবা থবক অমা পাঙথোকখিবগুম অমসুং মথক্কী কোর্তনা য়াদবা মীওিনি হায়না উৎপগী মওংদা থৌওই-উইশিত্তবা ওইনা উত্তরাখন্দগী হাই-কোর্ত অমসুং সুপ্রীম কোর্তকী ওরদর অদুবু হন্না হন্না পনখি। মহাক্না ওপন কোর্ত্তা মসিগী থৌওশিং অসি চেম্বরদা ওইনা হায়নসি মরমদি মহাক্না চেয়রমেনগী মতাংদা করিগুম্বা খরা হায়গদবা লৈ হায়না হায়খিবা অদুদগী হীরম অসি য়াম্না লুবা ওইখিবনি। মসিগী থৌওং অসিনা তিল্লিবা মীয়ামদা চেয়রমেনগী মতাংদা করিগুম্বা ফজদবা থৌওং লৈ হায়না খলহনবগী ফিভম অমা শাগৎখি। মঙোন্দা কোর্তকী মনুংদা অদুমক হায়নিংবা হায়য়ু হায়খ্রবা মতুংদা মহাক্না ৱাকোই শুদুনা মরু ওইবা ৱারোলদি অমত্তা ঙাংখিদে। হায়রিবশিং অসি এপ্লিকেন্ত অমসুং মহাক্কী কাউন্সেল, মতাং অসিদনা রেস্পোন্দেন্ত ওইরিবা অসিগী থৌওংশিংনি অমসুং কোর্ত্তা থোকখিবা থৌওংশিং অসি পি.তি.দবু ওইরো নত্ত্রগা মসিগী মতুং তারকপবু ওইরো, মসিদি খুদক্কী ওইনা লাকখিবা ইথিলদগী থোকখিবা নত্তে। মসিগী কেস অসিমক্তসু মখোয়না এপ্লিকেসন, কাউন্তর এফিদেবিৎ অমসুং লমায় ৪০০মুক্কী চে-চাংশিং পীশিনখি। মখোয়না কোর্ত্তা থোকখ্রিবা থৌওংশিং অদুদা মখোয়না চুম্মি হায়না থেংখাং খুদিংদা উৎনবা হোৎনবতা নত্তনা এপ্লিকেন্ত অসিনা মহাক্কী কেরিয়রদা মীওই কয়া অমা ইন্থখ্রে হায়বগী ৱাফম উৎনবসু হোৎনখি। মসিদা মেগসেসে মনা ফঙখিবা, মহাক্কী সস্পেন্দ তৌবগী মরম, অচৌবা চৈরাক পীবগী থৌওংশিং, হরয়ানাগী কেদরদা লৈরিঙৈদা চহি ৫গী মনুংদা থৌরম ১২দা ত্রান্সফর তৌখিবা, মহাক্কী কেদরবু উত্তরাখন্দদা হোংখিবা, মহাক্কী চার্জ হন্দোকখিবগী ৱারোল কয়া অমা য়াওরি। পি.তি.শিংদা থোকখিবা ওর্দরশিং অমসুং মসিগী কন্তেম্প কেস অসি মহাক্না সোসিএল মীদিয়াদা থাংগৎলকখি অমসুং মসিদা ফংখিবা রিএক্সনশিং অসি কেস অসিগী ওইনা রেস্পোন্দেন্তকী পাউখুমগী শরুক ওইনসু শিজিন্নখি। মহাক অমসুং মহাক্কী ক্লাইএন্তনা ত্রাইব্যুনেল অসিবু থাক খুদিংদা নম্থাক তৌখি। কন্তেম্পকী ৱারোল অমা হেক থোকপগা মখোয়না উত্তরাখন্দ হাই-কোর্ত্তা চেয়রমেনগী মথক্তা কন্তেম্পকী কেস অমা থাংগৎলকখি। হৈ-শিংলবা জজ অমনা মসিগী অয়াবা পীদুনা নোতিস থোকখি। সুপ্রীম কোর্তনা মসিগী নোতিস অসিবু ককথৎখি। মতম মতমগী মতুং ইন্না থারকখিবা কাউন্তর এফিদেবিৎ অমসুং এপ্লিকেসনগী ৱারোলগী খোলহৈ-খোন্দা অমসুং লমায় য়াম্বা চে-চাংশিং অসিনা রেস্পোন্দেন্ত অসিনা হায়রিবশিং অসি শোইদনা হায়খিবা নত্তে হায়বা খঙবা ঙম্মি। নাকল অমরোমদদি মসি য়াম্না খন্থরবা তুংদা পাঙথোকপা থৌওং অমনি হায়বা উবা ঙম্মি। মসিনা তাকপদি মখোয়না অতম্ননা পান্দম থম্লিবা কোর্ত নত্ত্রগা ওথোরিতীশিংবু মিংচৎ থীহন্নবা থৌওং খুদিংমক পাঙথোকপা ঙমগনি হায়বনি। মখোয়না অসিগুম্বা থৌওং লেপখিবা অসিদি মখোয়না অপাম্বগী মতুং ইল্লে হায়বনি। মসিগী মতৌ অসিদি কোর্তনা খাঙদুনা লৈবা ঙম্লোই। মখোয়না মাই পাক্লবদি কোর্তকী মগুন অমত্তা য়াওরোই অমসুং লৈবগী কান্নবসু লৈররোই। মসিগী থৌওংশিং অসি কোর্ত্তা থোকখিবনি অমসুং মসিগীদমক্তা এক্ত অসিগী সেক্সন ১৪গী মখাদা মখোয়গী মথক্তা ক্রিমিনেল ওইবগী কন্তেম্প ওফ কোর্তকী থবক লৌখৎফম থোকই। এক্ত অসিগী সেক্সন ১৪ লৈখ্রিবা অসি অসিগুম্বা থৌওংশিং মায়োক্ননবনি। অসিগুম্বা থৌওংগী মতাংদা  থেংনদুনা সুপ্রীম কোর্তনা ৱায়েল পীখিবা অসি লৈলা দেবিদকী কেসতনি। সুপ্রীম কোর্ত্তা উইশিৎ থৌওইদবগী মওং চত্থখিবা এদভোকেৎ অমসুং পার্তীশিং অদু ৱায়েল চত্থদনা কৈশুম-শঙদা লৈবগী ৱারোল থোকখি। বেঞ্চ অদুগী শরুক ওইবা হৈ-শিংলবা জজ অমনা মদুবু য়ানিংখিদে। অদুদগী হীরম অসি অতোপ্পা জজ অমনা অমুক পায়খি। এক্ত অসিগী সেক্সন ১৪ চৎনহল্লবসু অচুম্বা ৱায়েল নত্ত্রগা থিজিন হুমজিনবগী থবক পাঙথোকপগী তঙাই ফদবা লৈ হায়বগী মতুং ইন্না সুপ্রীম কোর্তনা হীরম অসিগীদমক্তা য়েংশিনবা অসিনা ত্রাইব্যুনেল অসিবু মীওই খরনা অতম্নবা পান্দম থম্নরি। হৌজিক্কী মতমদা লীগেল লমদা চাংয়েংনবা অসুক য়াম্না লৈরবা ফাওবদা অসিগুম্বা থৌদোকশিং অসি অদুমক থোক্লি। ওফিসার অমগী থৱাই চঙনা হোৎনবা অসিবু মীয়াম্না খঙবদা মতম কুইনা চঙই। মসিগা মান্নবা ওইনা কন্না হোৎনজবা এদভোকেৎ অমনসু মিংচৎ ফঙবদা মত্ম কুইনা অদুমক চঙগনি। অদুবু মীওই খরনা অশম্বা লম্বী শিজিন্নদুনা মসিবু ফংনবা হোৎনরি অদুবু অশম্বা লম্বী অসিনা মখোয়গী কেরিয়রবুসু তেলহনগনি হায়বদি খন্দে। থৌদোক অমা থোকপদা মতম খরা থেংথবা য়াই অদুবু মদু শোইদনদি অদুম থোক্কনি। মসিদা লাইবক থিবদি থৌওংশিং অসিদা ইইন্সতিত্যুসন অসিদা অশোকপা কয়া নঙহৌবা অসিনি। হীরম অসিগী মতাংদা রেস্পোন্দেন্ত অসিনা পাঙথোক্লিবা থৌওই উইশিত্তবগী থৌওংশিং অসিগী অচুম্বা ওইবা ফিভম অমত্তা য়াওদে। মহাক্কী কাউন্তর এফিদেবিৎ অমসুং য়েৎনবশিংদা মঙোন্দা হায়রিবশিং অসি লাল্লি হায়নসু মহাক্না হায়দে। মহাক্কী মথক্তে শেম্লিবা চার্জ অসিগী মতুং ইন্না ঐখোয়না মহাকপু কন্তেম্প ওফ কোর্ত এক্ত, ১৯৭১গী সেক্সন ১৪গী মখাদা মহাকপু কোর্তপু থওই উইশিত্তবগী মরাল লৈরে হায়না লৌরে। মহাক্কী থৌওংশিং অসিগী মায়োক্তা ঐখোয়না মঙোন্দা চৈরাক পীবদা চুম্মি হায়বগী মরম কয়া অমা ঐখোয়না পীবা ঙমগনি। অদুবু হন্দক্কী মতাং অসিনা মহাক্কী অহানবা ওইবনা অসিগুম্বা থৌওং অসি ত্রাইব্যুনেলদা অমুক হন্না তৌদনবা অকনবা চেকশিনৱা অমা পীদুনা থাদোক্লি।

*****