সরকারনা হায়খ্রে মদুদি দ নেস্নেল ফার্মসিতিকেল প্রাইসিং ওথোরিতী (এন.পি.পি.এ.)না নেস্নেল লিস্ত ওফ ইসেন্সিয়েল মেদিসিন্স (এন.এল.ই.এম.), ২০১৫গী মখাদা হিদাক- লাংথকশিংগী সেদ্যুল তৌরবা ফোর্ম্যুলেশন ৮৭১গী অকক্নবা মমল লেপখ্রে।

অকক্নবা মমল লেপ্পদা দ্রগ প্রাইস কন্ত্রোল ওর্দরস (দি.পি.সি.ও.), ২০১৩গী পেরে ১৯গি মখাদা কার্দিয়েক স্তেন্তসকী অকক্নবা মমল লেপ্পসু য়াওরি, মসিনা মরম ওইরগা কোরোনরী স্তেন্তসকী মমল অদু বেয়র মেতাল স্তেন্তসকীদমক ৮৫% ফাওবা অমসুং দ্রগ ইলুতিং স্তেন্তসকীদমক ৭৪% ফাওবা হন্থহনখ্রে।

মসিগী ইনফোর্মেশন অসি কেন্দ্রগী কেমিকেলস অমসুং ফর্তিলাইজর্সকী মন্ত্রী, শ্রী দি.ভি. সদানন্দা গৌদানা অইবা পাউখুম ওইনা ঙসি রাজ্য সভাদা পীখি। শ্রী গৌদানা কার্দিয়েক স্তেন্তস, নী ইমপ্লান্তস, এন্তি-দাইবেতিক ১০৬ অমসুং কার্দিয়োভাস্কুলরগী ওইবা হিদাকশিং অমসুং নন-সেদ্যুল ওইবা এন্তি-কেন্সরগী হিদাকশিং অসিসু দি.পি.সি.ও., ২০১৩গী মখাদা হেন্দোক-থোইদোকপা পাৱরশিং শিজিন্নদুনা ময়ামগী য়াইফনবগীদমক্তা প্রাইস রেশনেলাইজেশনগী মখাদা য়াওহনখি হায়না মহাক্না ফোংদোরকখি।

এন.পি.পি.এ.না অকক্নবা মমল লেপথোকপা অসি হৌজিক চত্থরিবা থৌওংনি হায়না মহাক্না হায়খি। তঙাইফদবা হিদাক-লাংথকশিংগী নেস্নেল লিস্ততা ফোর্ম্যুলেশনশিং অসিনা য়াওবা নত্রগা য়াওবা মতমদা মখোয়গী মমলশিং অদু এন.পি.পি.এ.না লেপখিগনি।

*****