ৱল্দ হেল্থ ওর্গনাইজেসন্না (দবল্যু.ঐচ.ও.) নোংমদা সেমপল ১০০০গী মনুংদা ০.১৪ অমসুং মীওই মিলিয়ন অমদা নোংমদা তেস্ত ১৪০ তৌ হায়না হায়খ্রে৷ ২০২০গী সেপ্তেম্বরগী তাং ১৯ ফাওবদা ভারতনা নোংমদা মীওই মিলিয়ন অমদা তেস্ত ৮৭৫গী চাংদা কোবিদ তেস্ত তৌরি৷ মসি দবল্যু.ঐচ.ও.না পীবা অদুদগী শরুক ৬ হেন্না ওই৷ তামিল নাদুগী ওইনা নোংমদা মীওই মিলিয়ন অমদা তেস্ত ১১৪৫ তোই৷

ইন্দিয়ন কাউন্সিল ওফ মেদিকেল সাইন্সনা মহাক্কী এদভাইজরীদা(২০২০গী সেপ্তেম্বরগী তাং ৪দা ফোংখ্রে) ‘ওন দিমান্দ’ তেস্তিংদা অয়াবা পীখ্রে৷ মসি কোবিদ তেস্ত তৌবা য়ানবা অমসুং ময়ামদা লাইনা ফংহন্ননবগীদমক তৌখ্রিবনি৷

হোস্পিতালশিংদা অনাবাশিং লাইয়েংবদা মতেং পাংলিবা মেদিকেলগী মশিং অমসুং সর্ভিলেন্স, লোজিস্তিক্তা য়াওরিবা নন-মেদিকেলগী মীওইশিং অমসুং ফিল্দ ৱরকর্সশিংগী মপাঙ্গল হেঙ্গৎনবা, দি.ও.পি.তি.না আইগোৎ-দিক্সা ওনলাইন প্লেতফোর্মদা(https://igot.gov.in/igot/ মোদ্যুলশিং ফংহনখ্রে৷ ত্রেনিং মোদ্যুলশিং অদু লম লম অদুগী মরোলদা হন্দোকই৷ তোঙান তোঙানবা কোর্সকীদমক লাখ ২৯.২৪মুক রেজিস্ত্রেসন তৌখ্রে৷ মসিগী মনুংদা দোক্তর ৫,৬৯৯ অয়ুশ প্রোফেসন্নেল ৮৬,০৮৯, নর্স ৪,১০২, এলাইদ হেল্থ প্রোফেসন্নেল ৯৬৩, ফ্রন্তলাইন ৱরকর্স ৫,৮৮১, ভোল্যুনতিয়র ২,৭০,৮৩৫ অমসুং অতোপ্পা মীওই ২৫,৭৭,৫২২ শরুক য়াখি৷ আইগোৎ- দিক্সা   প্লেতফোর্ম অসিদা কোর্স লাখ ১৮.৯৬তি মপুং ফানা লোইশিনখ্রে৷ হকশেল অমসুং য়াইফ য়ুম্বাল মন্ত্রালয়গী ৱেবসাইততা মেদিকেল অমসুং নন-মেদিকেল পর্সোনেলশিংগী ত্রেনিং রিসোর্সশিং ফংহল্লগনি৷

মসি(হকশেল অমসুং য়াইফ য়ুম্বালগী)রাজ্যগী মন্ত্রী শ্রী অশৱিনি কুমার চৌবেহনা ঙসি লোক সভাদা অইবা ৱারোল অমা ওইনা পীশিনখি৷

*****