ৱার্লদ রাইনো দেগী থৌরমদা, এনভাইরোনমেন্ত, ফোরেস্ত অমসুং ক্লাইমেতকী রাজ্য মন্ত্রী, শ্রী বাবুল সুপ্রিয়োনা  ফ্রোন্তলাইন ফোরেস্ত স্তাফ অমসুং ওফিসিয়েলশিংবু রাইনোশিংবু অৱাবা থিদনা কনবগীদমক নুঙাইবা ফংদোকখি অমসুং তৌবীমল খংবগী মতৌ উৎখি অমসুং ভারতনা মা্ পাক্না রাইনোশিংবু কল্লি অমসুং লৈবাক অসি মখোয়গীদমক খ্বাইদগী ফবা লৈফম অমনি হায়না মহাক্না হায়খি।

২০সুবা চহি চাদা উমংদা মশিং ২০০দগীসু হেন্না লিক্না মাংবগী ফিভমদা য়ৌরুরবা গ্রেতর ৱান-হোর্ন্দ রাইনোসেরসকী মশিংগী মতাংদা ৱা ঙাংবদা, শ্রী বাবুল সুপ্রিয়োনা হায়খি মদুদি ইন্দিয়াগী অমসুং রাজ্যগী সরকারশিংনা মতম চানা হোৎনবা অমসুং কন্নবা অকনবা খোংথাং অমসুং মেনেজমেন্ত তৌদুনা লৈবাক অসিদা রাইনোগী মশিং হেনগৎহনবা ঙম্লিবনি অমসুং অসিগুম্বা য়াম্না অতাংবা মখলগী স্পেসীস অসিগীদমক ঐখোয়না তুংগীদমক হেন্না ফবা অচুম্বা মাইকৈদা চৎলি। ঙসি, গ্রেতর ৱান হোর্ন্দ রাইনোসেরসকী  অপুনবা মশিংগী চাউরাক্না ৭৫%দি ভারতকী রাজ্য অহুম মিং ওইনা পল্লবদা, অসাম, উত্তর প্রদেস অমসুং ৱেস্ত বেঙ্গালদা লৈরি। মশা-মশাগী রাজ্য সরকারনা মতম-মতমদা রাজ্যগী থাক্তা রাইনোসেরসকী সেন্সস পাংথোক্লি।

ৱার্লদ রাইনো দে অসি চহি খুদিংগী সেপ্তেম্বরগী ২২দা রাইনোসেরসকী স্পেসীস অমসুং মখোয়গী হেবিতেতপু কনবগী মরু ওইবশিং খংহন্নবগীদমক পাংথোকই। ভারত সরকারগী, এনভাইরোনমেন্ত, ফোরেস্ত অমসুং ক্লাইমেত চেঞ্জকী মন্ত্রালয়না ভর্চুৱল প্লেতফোর্মগী খুত্থাংদা, এনভাইরোনমেন্ত, ফোরেস্ত অমসুং ক্লাইমেত চেঞ্জকী রাজ্যগী মন্রী, ইকাইখুম্নরবা শ্রী বাবুল সুপ্রিয়ো য়াওনা ৱার্লদ রাইনো ২০২০ পাংথোকখ্রে। মন্ত্রালয় অসিগী সেনিয়র ওফিসিয়েলশিং , স্তেত ফোরেস্ত দিপার্তমেন্তশিং অমসুং সেন্ত্রেল জু ওথোরিতী, দবল্যু.দবল্যু.এফ.-ইন্দিয়া, আরানায়াক, অমসুং য়ু.এন.দি.পি.নচিংবা ওর্গনাইজেশনশিংসু মীফম অদুদা শরুক য়াখি।

মন্ত্রী অসিনা বিহারগী মুখ্য মন্ত্রী, নিতিস কুমারবুসু সেন্ত্রেল জু ওথোরিতীনা অল্ফা রাইনো লাব অমা পতনা জুদগী দিল্লীগী জুদা পুরকপগী হায়বদা য়াবিরকপগীদমক্তসু  থাগৎ ৱাহৈ ফোংদোখ্রে।

লৈবাক অসিদা হৌজিক-হৌজিক লৈরিবা রাইনোগী মশিং অসি ঙাকশেন্ননবা অমসুং ইন্দিয়ন রাইনো ভিসন (আই.আর.ভি.) ২০২০ প্রোগ্রামগী খুত্থাংদা স্পেসিস অসিবু শন্দোকপা হেনগৎহন্নবগীদমক্তসু হোৎনরি। ৱার্ল্দ হেরিতেজ সাইত মানস নেস্নেল পার্কতা রাইনো পোপুলেসন উমং অমদগী অমদা পুথোক-পুশিন তৌবগী খুত্থাংনা অমুক্কা হন্না মফম অদুদা লৈহনবা ঙমখি। ৱান-হোর্ন্দ রাইনোসেরস অসিসু মন্ত্রালয়না খ্বাইদগী হেন্না খুদোং থিরবা স্পেসিসকীগীদমক রোকোভরী প্রোগ্রামগীদমক্তা মশক খঙদোকখিবা স্পেসিস ২১গী মনুংদা অমনি। মন্ত্রালয় অসিনসু সাইন্তিফিক ওইবা অমসুং এদমিনিস্ত্রেতিবকী পাম্বৈশিংগী খুত্থাংদা লৈরিবা কঞ্জার্ভেশন এফর্তশিং ফগৎহন্দুনা অমসুং কনখৎহন্দুনা মমাংদা রাইনোসেরস লৈরম্বা মফমশিংদা রাইনোসেরসকী পোপুলেশন অমুক হন্না লৈহন্নবগী পান্দমগা লোইননা “নেস্নেল কঞ্জার্ভেশন স্ত্রেতেজী ফোর ইন্দিয়ন ৱান-হোর্নদ রাইনোসেরস” হৌদোকখি।

মন্ত্রালয় অমসুং অতোপ্পা ওর্গনাইজেশনদগী মতেংগা লোইননা অসাম, উত্তর প্রদেশ অমসুং ৱেস্ত বেঙ্গালগী রাজ্যগী ফোরেস্ত দিপার্তমেন্তনা এম.ও.ই.এফ. অমসুং সি.সি., নই দিল্লীদা ২০১৯গী ফেব্রৱারী ২৬-২৮ ফাওবা পাংথোকখিবা অনিশুবা এসিয়ন রাইনো রেঞ্জ স্তেত কঞ্জার্ভেশনগী মীতিংগী মতুংদা খুৎয়েক পীনখিবা “ন্যু দিল্লী দিক্লেরেশন”গী মতুং ইন্না মতিক চাবা খোথাংশিং লৌখৎলক্লি, মসিদা ভারত খক্তা নত্তনা ভুতান, ইন্দোনেসিয়া, মলেসিবা অমসুং নেপাল মীফম অসিদা শরুক য়াখি।

রাজ্য সরকারশিংনা অনৌবা খোংথাংশিং পাইখৎলকখ্রে খুদম ওইনা ৱেস্ত বেঙ্গাল অমসুং বিহারনসু হৌখিবা দিকেদ খরদা রাইনো লৈরম্বা মফমশিংদা রাইনোসেরস অমুক হন্না পুরক্নবগীদমক্তা কন্না হোৎনরি।

*****