ওরিশাগী বালোসোরগী ইন্তরিম তেস্ত রেঞ্জদগী অভ্যাসকী মায় পাক্লবা ফ্লাইৎকী চাংয়েং-(হাই স্পীদ এক্সপেন্দেবল এরিল তার্গেৎ(ঐচ.ই.এ.তি.) অসি ঙসি দিফেন্স রিসর্চ অমসুং দিভেলপমেন্ত ওর্গনাইজেসন(দি.আর.দি.ও.)না  পাংথোকখ্রে। চাংয়েং পাংথোকখিবা মতমসিদা দেমোন্সত্রেতরগী ভিহিকল অনি মায় পাক্না পাইহনখ্রে। ভিহিকল অসি তোঙান-তোঙানবা মিশাইল সিস্তেমশিং অসি ইভালুএসন তৌবগী তার্গেৎ ওইনা শিজিন্নবা য়াই।

অভ্যাস অসি দি.আর.দি.ও.গী এরোনোতিকেল দিভেলপমেন্ত ইস্তাব্লিসমেন্ত(এ.দি.ই.)না দিজাইন শেমখিবনি। এয়র ভিহিকল অসি মখাদা য়ান্থবা বুস্তর পুংবা অমা শিজিন্নদুনা লোঞ্চ তৌখি। মসি  লমজিং লমতাক্নবা অমদি লাকশিন্নবা ফ্লাইৎ কন্ত্রোল কম্প্যুতর(এফ.সি.সি.)গা কোন্ননা অপিকপা গ্যাস তর্বাইন ইঞ্জিন অমা অমসুং এম.ই.এম.এস.গী ইনর্সিএল নেভিগেসন সিস্তেম(আই.এন.এস)না পাঙ্গল হাপখি।  ভিহিকল অসি মপুং পানা ওতোনোমস ওইবা ফ্লাইৎ ওইহন্নবা প্রোগ্রাম শেমখিবনি। ভিহিকল অসি লেপতোপ্তা গ্রাউন্দ কন্ত্রোল স্তেসন(জি.সি.এস.) শিজিন্নদুনা চেক আউৎ তৌখি।

চাংয়েং পাংথোকপগী কেম্পেন অসিগী মতমদা কি.মি.৫গী অল্তিচুদ ৱাংনা পাইবা, মেক ০.৫ য়ংবা ভিহিকল, মিনিৎ ৩০গী এন্দুরেন্স অমসুং ২.জি.গী তর্ন তৌবা ঙম্বগী মঙমগী মথৌ তাবা ভিহিকল চাংয়েং তৌবা অসি মায় পাক্না ফংবা ঙমখি।  

*****