কেন্দ্রগী অৱাং নোংপোক লমদম চাউখৎ থৌরাং মন্ত্রালয়গী রাজ্যগী মন্ত্রী (ইন্দিপেন্দেন্ত চার্জ), এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন, এতোমিক ইনর্জী অমসুং স্পেসকী  কেন্দ্রগী মন্ত্রী দা. জিতেন্দ্র সিংহনা হায়খি মদুদি কোবিদ-১৯ লাইচৎকী মনুংদা সেন্ত্রেল ইনফোর্মেসন কম্মিসন্না তেক্নোলোজী মতীক চানা শীজিন্নদুনা ওদিও/ভিদিওগী ফেসিলিতীগী থোংদা অনীশুবা আপিল/ৱাকৎকী হিয়রিং চত্থনবা খোংথাং পায়খৎখি। রাজ্য সভাদা অইবা পাউখুম ওইনা পীরদুনা মহাক্না হায়খি মদুদি সেন্ত্রেল ইনফোর্মেসন কম্মিসনগা মরী লৈনবশিংদি মার্চ ২০২০দগী ১৭.০৯.২০২০ ফাওবদা অপুনবা ওনলাইন্স রিক্বেস্ত ৪৪৯১ প্রোসেস তৌখি।

আর.তি.আই. ওনলাইন পোর্তেল (https://rtionline.gov.in) অসি মাংজৌননা দিপার্ত্মেন্ত ওব পার্সনেল এন্দ ত্রেনিংনা ওগস্ত ২০১৩দগী ইরৈচাশিংদা আর.তি.আই. এপ্লিকেসন, ফার্স্ত অমসুং সেকেন্দ আপিলশিং মসিগা শম্নরিবা পব্লিক ওথোরিতীশিংগা লোইননা ৱাকৎ থাংগৎপদা মতেং পাংনবা হোৎনখ্রে। মখা তানা, সেন্ত্রেল ইনফোর্মেসন কম্মিসন্না কোবিদ-১৯ লাইচৎকী মমাংদগী হৌনা ওদিও/ভিদিও ফেসিলিতী থমখ্রে অমসুং দিল্লীগী ৱাংমদা লৈবা সেকেন্দ আপিল/ৱাকৎ খুদিংমক্কী কেসশিং এন.আই.সি. স্তদিওগী থোংদা রাজ্যশিংগী তোঙান-তোঙানবা দিস্ত্রিক্ত হেদক্বার্তরশিংদা, এপেলেন্ত অমসুং রেস্পোন্দেন্তশিংগী খুদোংচাবা য়েংদুনা পায়খি।

*****