অঙাংশিংদা নমজা নমথেক্নবগা মরী লৈননা তোঙান-তোঙানবা প্লেৎফোর্মশিংদা মার্চ ২০২০দগী রিপোর্ত তৌরকখিবগী কেসকী পাউদম মখাদা পীরিঃ

১) নেস্নেল ক্রাইম রেকোর্দস ব্যুরো (এন.সি.আর.বি.)না পীরকপা রিপোর্তকী মতুং ইন্না নেস্নেল সাইবর ক্রাইম রিপোর্তিং পোর্তেল (এন.সি.আর.পি.)দা ০১.০৩.২০২০দগী ১৮.০৯.২০২০ ফাওবদা থাংগৎলকপা চাইল্দ পোর্নোগ্রাফী/রেপ অমসুং গেং রেপকী ৱাকৎ মশীং ১৩২৪৪নি।

২) নেস্নেল কম্মিসন ফোর প্রোতেক্সন ওব চাইল্দ রাইৎস (এন.সি.পি.সি.আর.)না পীরকপা পাউদমগী মতুং ইন্না চাইল্দ সেকচুএল এব্যুজকী কেস ৪২০ লাকপগী পাউ এন.সি.পি.সি.আর.না মার্চ ১, ২০২০দগী ওগস্ত ৩১, ২০২০ ফাওবদা ওনলাইন পোর্তেল, হেল্পলাইন অমসুং অতোপ্পা মীদিয়াশিংগী থোংদা লাকখি।

৩) চাইল্দলাইন ইন্দিয়া ফাউন্দেসন (সি.আই.এফ.)না পীরকপা পাউদমগী মতুং ইন্না, সি.আই.এফ.না চাইল্দ সেকচুএল কেস মার্চ ১, ২০২০দগী সেপ্তেম্বর ১৫, ২০২০ ফাওবদা কোল ৩৯৪১ লাকখি।

"পুলিস" অমসুং "পব্লিক ওর্দর" অসি ভারত সংবিধানগী সেদ্যুল তরেৎশুবগী মতুং ইন্না  রাজ্যগী থবক্নি। চাইল্দ সেকচুএল এব্যুজগী কেসতা লৌখৎকদবা থবক অসি আইনগী মতুং ইন্না লো ইনফোর্স্মেন্ত এজেন্সী (এল.ই.এ.)না লৌখৎলি।

কেন্দ্র সরকারনা অঙাংদা নমজা নথেক্নবগী কেসশিং অথুবদা লোইশিন্নবা খোংথাং কয়া লৌখৎখি। খোংথাংশিং অসিগী মনুংদা চাইল্দ সেকচুএল এব্যুজ কেসশিং ওনলাইন্দা রিপোর্ত তৌবগী মেকানিজম, রিপোর্ত তৌরকখ্রবা কেসশিং মরী লৈনবা লো ইনফোর্স্মেন্ত এজেন্সীশিংনা পায়বগী মতাং, সাইবর ফোরেন্সিক ফেসিলিতী ফগৎহনবা, লো ইনফোর্স্মেন্ত ওফিসর/জজ/পব্লিক প্রোজিক্যুতর, এৱেইয়রনেস হেনগৎহনবা অসিনচিংবশিংনি।

সরকার অসিনা ত্রাইএল থুজিলহন্নবা অমসুং রেপ অমসুং পোক্সো এক্তকা মরী লৈনবা কেসশিং অথুবদা পায়নবগী ফাস্ত ত্রেক স্পিসিএল কোর্ত (এফ.তি.এস.সি.)শিং লিংখৎনবগী স্কিম থবক্তা ওন্থোক্লি। তাং ২৬.০৮.২০২০ ফাওবদা, এফ.তি.এস.সি.গী থবক ৫৯৭ লাকখি মসিদা পোক্সো কোর্তকী ৩২১ থাদ্রি।

পোক্সো এক্তকী সেক্সন ৪৩না হায়রি মদুদি কেন্দ্র সরকার অমসুং রাজ্য সরকার খুদিংমক্না এক্ত অসিদা পল্লিবশিং মীয়াম হুপ্না খঙহন্নবা হোৎনগদবনি। মসিগী মতুং ইন্না, সরকারনা পোক্সো এক্তকী প্রোবিজনশিং ইলেক্ত্রোনিক অমসুং প্রিন্ত মীদিয়া, কন্সলতেসন ৱার্কশোপ অমসুং ত্রেনিং প্রোগ্রামশিং মরী লৈনবা স্তেকহোল্দরশিংগা লোইননা মতম মতমগী মতুং ইন্না এৱেইয়রনেস কয়া পায়খৎলি।

অতোপ্পা খোংথাংশিংদা তেলিকোম সর্বিস প্রোবাইদরশিংগী থোংদা মেসেজ থাবা, সরকারগী ত্বীত্তর হেন্দল @CyberDostকী থোংদা মেসেজ পীবা, তোঙান-তোঙানবা শহরশিংদা সাইবর এৱেইয়রনেস পাঙথোকপা, এফ.এম. রেদিওশিংদা রেদিও স্পোৎ/জিঙ্গল, ইনখৎলক্লিবা/মহৈরোইশিংগীদমক হেন্দবুক ফোংবা, অমসুং সি.বি.এস.ই.গী সিলেবস্তা সাইবর সেক্যুরিতীগী মতাংদা চেপ্তর হাপ্পা অসিনচিংবশিংনি।

পোক্সো এক্ত পায়খৎপা য়েংশিন্নবগীদমক লৈরিবা নেস্নেল কম্মিসন ফোর প্রোতেক্সন ওব চাইল্দ রাইৎ (এন.সি.পি.সি.আর.) অ মসুং স্তেৎ কম্মিসন ফোর প্রোতেক্সন ওব চাইল্দ রাইৎ (এস.সি.পি.সি.আর.)না ই-পাউ, পোক্সো এক্তকী মতাংদা এজুকেসন অমসুং কম্ম্যুনিকেসনশিং শন্দোক্লি অমসুং হায়রিবসি www.ncpcr.gov.inদা ফংবীগনি।

পাউদম অসি কেন্দ্রগী নুপী অমসুং অঙাংগী চাউখৎথৌরাং মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা পীখি।

*****