লৌউ-শিংউ মন্ত্রালয়
লৌমীশিংগী শেন্থোক হেনগৎলকপা
Posted On:
21 SEP 2020 2:16PM by PIB Imphal
“লৌমীশিংগী শেন্থোক শরুক অনি হেনগৎপা” অসিগা মরী লৈনবা ৱাফমশিং য়েংশিন্নবা অমসুং পান্দম অসি ফংনবা লাল্লোংশিং তাক্নবা ২০১৬গী এপ্রিলদা সরকারনা ইন্তর-মিনিস্তরিএল কমিতি অমা শেমখ্রে। ২০২২ ফাওবগী মনুংদা লৌমীশিংগী শেন্থোক শরুক অনি হেনগৎনবা লাল্লোং য়াওবা মসিগী রিপোর্ত অমা ২০১৮গী সেপ্তেম্বরদা কমিতিনা সরকারদা পীখৎখ্রে। শেন্থোক শরুক অনিদা হেনগৎহন্নবা কমিতিনা পীখিবা লাল্লোং অদুদা শেন্থোক হেনগৎনবা থবক ৭ য়াওখি হায়বদি (১) মহৈ-মরোংগী পোৎথোক হেনগৎহনবা (২) শা-ষনগী পোৎথোক হেনগৎহনবা (৩) মহৈ-মরোং থাবা হেনগৎপা (৪) মমল ৱাংবা মহৈ-মরোং মখল কয়া থাবা (৫) পোৎথোক পুথোকপদা চঙবা শেনফম হন্থহনবা (৬) লৌমীশিংনা ফংবা অশেংবা মমল হেনগৎহনবা (৭) লৌউ-শিংউগী থবক্তগী অতোপ্পা শীনফমদা হোংবা অসিনি। কমিতিগী রিপোর্ত সরকারনা য়ারবা মতুংদা, থবক অসি হন্না য়েংশিন্নবা অমসুং খুমাংচাউশিনবা য়েংশিন্নবা সরকারনা ‘ইমপ্বার বোদি’ অমা শেম্লে।
লৌউ-শিংউ অসি রাজ্যগী থবক অমা ওইবনা, হিরম অসি চাউখৎহন্নবা রাজ্য সরকারশিংনা তোঙান তোঙানবা স্কিমশিং পায়খৎলে। তোঙান তোঙানবা স্কিমশিংগী মখাদা ভারত সরকারনা রাজ্য সরকারশিংগী মতেং পাংলি। ভারত সরকারগী স্কিমশিং অসিগী পান্দমদি পোৎথোক হেনগৎহন্দুনা, শেন্দোং য়াম্না ফংহন্দুনা অমসুং লৌমীশিংদা ইনকমগী মতেং পাংদুনা লৌমীশিং নুংঙাইহনবনি। সরকারনা পায়খৎলিবা থবকশিংগী পরেং অমা এন্নেকজরদা য়াওরে।
এগ্রিকলচর, কোরপোরেসন অমসুং ফার্মরস ৱেলিফয়ার দিপার্তমেন্তনা রাজ্যশিংদা আর.কে.ভি.ৱাই স্কিম পায়খৎলি অমসুং হেন্না শেন্দোং ফংবা মহৈ-মরোংশিং থানবা পুক্নিং থৌগৎনবা প্রোজেকশিং শেম্নবা রাজ্যশিংদা স্কিম অসিনা মনিংতম্বা পীরে। হায়রিবা প্রোজেকশিং অসি রাজ্যগী চীফ সেক্রেতরিনা চিয়রমেন ওইবা স্তেৎ লেবেল সেঙ্কসন্নিং কমিতিনা অয়াবা পীরে। লৌমীশিংগী শেন্থোক হেনগৎনবা চু, লশিং অমসুং লিমোন থাবদা এন.এফ.এস.এম স্কিমগী মখাদা এগ্রিকলচর, কোরপোরেসন অমসুং ফার্মরস ৱেলিফয়ার দিপার্তমেন্তনা মতেং পাংলি অমসুং এম.আই.দি.ঐগী মখাদা হোর্তিকলচরগী মহৈ-মরোংশিংদা মতেং পাংলি। ফৌগী মহুত্তা অতোপ্পা মহৈ-মরোংশিং হায়বদি থাউ থোকপা মরু, হৱাইশিং, লশিং অমসুং চুজাক্না মহুৎশিন্নবা আর.কে.ভি.ৱাইগী সব-স্কিম অমা পঞ্জাব, হরিয়া, অমসুং উত্তর প্রদেসতা পায়খৎলে।
ইকং থোকপা মফমশিং অমসুং অকংবা মফমশিংদা থাংতুব(দেৎ) পুথোকপা পুক্নিং থৌগৎনবা সরকারনা মখাগী থবকশিং অসি পায়খৎলে:
১. ইন্তেগ্রেতেদ দিবলপমেন্ত ওফ হোর্তিকলচর মিসনগী মখাদা দেৎ প্লামগী তিসু কলচর পাম্বী মশিং য়াম্না পুথোক্নবা তিসু কলচর লেপ লিংখৎপদা মতেং পাংলি। লনাই ওইনা লিংখৎপদা চঙবা অপুনবা শেনফমগী চাদা ৪০ পুথোকলি অমসুং সরকারনা লিংখৎপদা(য়ুনিৎ অমদা লুপা লাখ ২৫০.০০০ ফাওবা) চাদা ১০০ মতেং পাংলি।
২.দিবলপমেন্ত ওফ হোর্তিকলচরগী মখাদা দেৎ প্লাম থাবদা নেসনেল হোর্তিকলচর বোর্দনা মতেং পাংলি।
৩. আই.সি.এ.আরগী মখাদা লৈবা সেন্ত্রেল ইন্সতিতুৎ ওফ এরিদ হোর্তিকলচরনা ইথৈ-লৌখোঙগী খুদোংচাবা লৈবা লৈবাক অসিগী অকংবা মফমশিংদা দেৎ প্লাম থাবদা পুক্নিং থৌগৎলি অমসুং দেৎ প্লাম পুথোকপা, পোল্লিনেসন অমসুং পোৎথোক য়োম্বগী মতাংদা রাজস্থান, গুজরাত, পঞ্জাব, হরিয়ানা অমসুং তামিল নাদুগী খনখৎলবা জিলাশিংদা লৌমীশিংদা ত্রেনিং পীখ্রে।
ৱাফম অসি ঙরাং লোক সভাদা অইবা ওইনা পীবা পাউখুম অমদা এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর নরেন্দ্র সিংহ তোমারনা ফোঙদোকখিবনি।
****
এন্নেকচর
লৌমীশিংগী য়াইফনবা পায়খৎলিবা তোঙান তোঙানবা স্কিমশিং
(১) লৈবাক অসিগী লৌমীশিং শেন্থোক হেনগৎহনবদা মতেং পাংনবা, লৌউ-শিংউগী অমসুং ইমুং-মনুংগী চাদিং তৌবা ঙম্নবা প্রধান মন্ত্রী কিসান সম্মান নিধি(পিএম-কিসান)কৌবা অনৌবা স্কিম অমা কেন্দ্র সরকারনা হৌদোক্লে। স্কিম অসিনা লৌমীশিংগী ইমুংশিংদা চহি অমদা লুপা ৬০০০, হায়বদি ইন্তোলমেন্ত অহুম থোক্না থা মরি খুদিংগী লুপা ২০০০ পীগনি।
(২) শেন তুংশিনবা ঙমজদবা অপীকপা অমসুং লায়রবা লৌমীশিং অহল ওইরকপা মতমদা মতেং পাংনবা অমসুং হিংনবা লম্বী লৈরক্তবা মতমদা মতেং পাংনবা হায়রিবা লৌমীশিংদা ওল্দ এজ পেন্সন পীনবা প্রধান মন্ত্রী কিসান মনধন য়োজনা(পিএম-কে এম ৱাই) কৌবা অনৌবা স্কিম অমা পায়খৎনবা ৱারেপ লৌরে। স্কিম অসিগী মখাদা খুদোংচাবা ফংবা য়ারবা চহি ৬০শুরবা লায়রবা অমসুং অপীকপা লৌমীশিংদা থাদা লুপা ৩০০০গী পেন্সন অমা পীগনি।
(৩) মহৈ-মরোংদা ইন্সুরেন্স পীনবা পান্দমদা ২০১৬গী কালেন লৌরোক্তগী হৌদুনা প্রধান মন্ত্রী ফাসাল বিমা য়োজনা কৌবা ক্রোপ ইন্সুরেন্স স্কিম অমা হৌদোক্লে। লৌমীশিংনা অপীকপা প্রেমিয়ম পীরবা মতুংদা মসিগী স্কিম অসিনা মহৈ-মরোংগী তাঙ্কক খুদিংদা অমাং-অতা থোরকপা মতমদা ইন্সুরেন্স পীরি।
(৪) লৌমীশিংগী শেন্থোক হেনগৎহন্নবা ২০১৮-১৯গী কালেন অমসুং নিংথম লৌরোক অনিমক্কী মহৈ-মরোংশিগী মিনিমম সপোর্ত প্রাইজ(এম এস পি)হেনগৎপা সরকারনা য়ারে, মসি য়ামদ্রবদা পোৎথোক পুথোকপদা চঙবা শেনফমগী চাদা ১৫০ ওইগনি।
(৫) হার চাং চানা শীজিন্নবা ঙম্নবা লৌমীশিংদা সোইল হেল্থ কার্দ য়েন্থোক্নবা স্কিম পায়খৎলে।
(৬) “ঈশিং মরিক অমনা মহৈ-মরোং হেন্না থাবা” হায়বা থৌরাংগী মখাদা ঈশিং ফজনা শীজিন্ননবা অমসুং শেন চঙবা হন্থনবা অমসুং পোৎথোক হেনগৎহন্নবা দ্রিপ ইরিগেসন শীজিন্নবা পুক্নিং থৌগৎলে।
(৭) ওর্গনিক ফার্মিং য়োকখৎনবা “পরাম্পরাগৎ কৃসি বিকাস য়োজনা(পি কে ভি ৱাই)” পায়খৎলে।
(৮) লৌমীশিংদা অরোন-অথুপ লৈতবা ইলেকত্রোনিক ওনলাইন ত্রেদিংগী খুদোংচাবা ফংহন্নবা ই-নাম হৌদোক্লে।
(৯) “হর মেধ পর পের”গী মখাদা অহেনবা শেন্থোক লাক্নবা এগ্রো ফোরেস্ত্রি য়োকখৎলে। ইন্দিয়ান ফোরেস্ত এক্ত,১৯২৭ শেমদোক্তুনা, ৱা অসি উ অমনি হায়না লৌরম্বা অদু তোক্লে। উমং নত্তবা মফমশিং অমসুং লনাই লমশিংদা ৱা থাবা পুক্নিং থৌগৎনবা ২০১৮দা নেসনেল বেম্বু মিসন হৌদোক্লে অমসুং ৱাগী পোৎথোকশিং মগুন হেনগৎহন্নবা অমসুং কৈথেলশিং শেমগৎনবা থবক পায়খৎলে।
(১০) ২০১৮গী বজেৎতা লাউথোকখিবগী মতুংইন্না লৌমীশিংনা মখোয়গী পোৎথোকশিং চুনবা মমলদা য়োনবা ঙম্নবা ‘প্রধান মন্ত্রী অন্নাদাতা আই সনরাক্ষন অভিয়ান(পিএমঅসা)’কৌবা অনৌবা স্কিম অমা সরকারনা অয়াবা পীরে। মসি লৌমীশিংগী য়াইফনবা ভারত সরকারনা মমাংদা অমুক্তা পায়খৎখিদ্রিবা থৌরাং অমনি।
(১১) পোল্লিনেসনগী খুৎথাংদা মহৈ-মরোংশিংগী পোৎথোক হেনগৎনবা অমসুং লৌমীশিংগী অহেনবা শেন্থোক লম্বী অমা ওইনা খোইহিগী পোৎথোক হেনগৎহন্নবা মিসন ফোর ইন্তেগ্রেতেদ দিবলপমেন্ত ফোর হোর্তিকলচরগী মখাদা খোই লোইবা পুক্নিং থৌগৎলে।
(১২) লৌউ-শিংউগী থবকশিংদা চহি ওইনা শেন্থং পীনবা থম্লিবা পান্দমশিং ফংবা ঙম্নবা বেঙ্কশিংনা চহিগী পান্দমশিং হেন্দোক্না শেন্থং পীরে। শেনবা চহি ২০১৯-২০দা লুপা করোর লাখ ১৩.৫০ লৌউ-শিংউগী শেন্থং পীনবা পান্দম থমখি অমসুং শেনবা চহি ২০২০-২১দা লুপা করোর লাখ ১৫.০০ পান্দম থমখি।
(১৩) লৌমীশিংদা শেন্থং হেন্না ফংহনবা অসি সরকারগী মরুওইবা পান্দমনি অমসুং মসি ফংনবা লুপা লাখ ৩ ফাওবগী মহৈ-মরোংগী লোন পীবদা সরকারনা চাদা ২ শেন্দোইগী সবসিদি পীরে। হৌজিক লৌমীশিংদা চহিদা চাদা ৪গী শেন্দোইগী চাংদা লোন পীরি।
(১৪) ইন্তরেস্ত সবভেন্সন স্কিম ২০১৮-১৯গী মখাদা, মহৌশাগী ওইবা অমাং-অতা থোরকপা মতমদা লৌমীশিংদা চাদা ২গী ইন্তরেস্ত সবভেন্সন মখা তানা পীগনি। লৌমীশিংনা মমল তানা য়োনবা পুক্নিং থৌগৎতনবা অমসুং মখোয়গী পোৎথোকশিং লিদুনা থম্নবা কিসান ক্রেদিৎ কার্দ পায়বা লৌমীশিংদা লৌ লোক্লবা মতুং থা ৬ ফাওবা মখা তানা ইন্তরেস্ত সবভেন্সনগী খুদোংচাবা পীগনি।
(১৫) শা-ষন লোইবা অমসুং ঙা য়োকপা লৌমীশিংদা সরকারনা কিসন ক্রেদিৎ কার্দকী খুদোংচাবা পীরে। কিসন ক্রেদিৎ কার্দ অমুক নৌথোকহনবদা চঙবা শেনফমশিং অমতা লৌদ্রে। গরেন্তি য়াওদনা অতেনবা মতমগী লোনগী শেনফম লুপা লাখ ১.০০০দগী লুপা লাখ ১.৬০দা হেনগৎলে। মপুংফারবা এপ্লিকেসন ফংলবা নুমিৎ ১৪গী মনুংদা কিসন ক্রেদিৎ কার্দ পীগনি।
(১৬) কৈথেলগী অওনবা কয়া পুরক্লে। মখোয়গী মনুংদা য়াওরিবশিংদি :
ক. মোদেল এ.পি.এল.এম.সি(প্রোমোসন এন্দ ফেসিলিতেসন)এক্ত,২০১৭
খ. গ্রামিন এগ্রিকলচর মার্কেত(গ্রাম) ২২,০০০ লিংখৎপা
গ. ২০২২ ফাওবদা এগ্রি-এক্সপোর্ত শরুক অনি হেনগৎনবা এগ্রি-এক্সপোর্ত পোলিসি
ঘ. দি ফার্মরস প্রদুস ত্রেৎ এন্দ কমর্স(প্রোমোসন এন্দ ফেসিলিতেসন)ওর্দিনান্স, ২০২০
ঙ. দি ফার্মরস(ইমপ্বারমেন্ত এন্দ প্রোতেক্সন)এগ্রিমেন্ত ওন প্রাইজ এসুরেন্স এন্দ ফার্ম সর্বিস ওর্দিনান্স,২০২০
চ. ইসেন্সিএল কম্মোদিতিস এক্ত, ১৯৫৫ শেমদোকপা
ছ. ২০২৪ ফাওবদা এফ.পি.ও ১০,০০০ য়োকখৎপা
(১৭) কোর্পস ফন্দশিং শেমগৎপা
ক. মাইক্রো ইরিগেসন ফন্দ-লুপা কোরোর ৫,০০০
খ. ই-নাম অমসুং গ্রামশিং মপাঙ্গল কনখৎহন্নবা লুপা করোর ২,০০০গী এগ্রি-মার্কেত্তিং ফন্দ
গ. লৌউ-শিংউগী পোৎথোকশিং পুথোক-পুশিনগী লুপা করোর লাখ ১গী এগ্রিকলচরেল ইনফ্রাস্ত্রকচর ফন্দ(এ আই এফ)
*****
(Release ID: 1657246)
Visitor Counter : 191