লৌউ-শিংউ মন্ত্রালয়
লৌউ-শিংউগী লমদা লাইচৎকী চৈথেং
Posted On:
21 SEP 2020 2:18PM by PIB Imphal
লোকদাউন মনুংদা লৌউ-শিংউগী সেক্তর মথৌ নীংথিনা তৌখি। নোংজু মমাঙ অমসুং নোংজু মনুংগী মতমদা থবক থৌরম অপনবা লৈতনা চত্থবা য়াননবা ভারত লৈঙাক্না মথৌ তাবা থৌরাং পুক্নমক লৌখৎখি। লোকদাউন মনুংদা লৌউ-শিংউগী থবক থৌরমশিংদা মথৌ তাবা পুম্নমক কোমথোকখি।
স্তেতিস্তিক্স অমসুং প্রোগ্রাম ইম্প্লিমেন্তেসন মন্ত্রালয়গী সেন্ত্রেল স্তেতিস্তিক্স ওফিস (সি.এস.ও.)না ওগস্ত ৩১, ২০২০দা ফোঙবা প্রোভিজনেল এস্তিমেত ওফ নেসনেল ইনকম ২০১৯-২০গী মতুং ইন্না, লৌউ-শিংউ অমসুং মরী লৈনবা সেক্তরশিংগী তশেংবা গ্রোস ভেল্যু এদেদ (জি.ভি.এ.)গী গ্রোথ রেত ২০২০-২১গী অহানবা ক্বার্তরদা (এপ্রিল-জুন) চাদা ৩.৪ ওইখি।
এম.জি.এন.আর.জি.এ. অমসুং পি.এম.জি.কে.এ.ৱাই.গী মখাদা লৌউ-শিংউগী শিন্মীশিংদা তেংবাংনচিংবা পীরি।
প্রধান মন্ত্রী কিসান সম্মান নিধি (পি.এম.-কিসান) স্কিম হৌদোরকপা মতুংদগী মসিগী মখাদা ১৫/০৯/২০২০ ফাওবদা লৌমী ইমুং করোর ১০.১৯দা কান্নবা পীদুনা লুপা করোর ৯৪,১৩০৫ থাদোকখ্রে। লোকদাউন মনুংদা, স্কিম অসিগী মখাদা তোঙান তোঙানবা ইন্সতোলমেন্তশিংদা বিনিফিয়রি কয়াদা লুপা করোর ৪১০৮৬ (১৫-০৯-২০২০ ফাওবদা) থাদোকখ্রে।
লৈঙাক্না লৌমীশিংদা মহৈ মরোং, শা-ষন লোইবা অমদি ঙা য়োকপদা শেন থাদনবগীদমক কিসান ক্রেদিত কার্দ ফংহনখ্রে। হৌজিক্তি পি.এম.-কিসান স্কিমগী বিনিফিসিয়রীশিংনা কিসান ক্রেদিত কার্দকী কান্নবশিংসু ফংলি। হৌজিক্তি লুপা লাখ ১.৬০ ফাওবগী লোন লৌনবগীদমক বন্ধান থম্বগী মথৌ তাদ্রে।
প্রধান মন্ত্রী ফসল বিমা য়োজনা (পি.এম.এফ.বি.ৱাই.)গী মখাদা লোকদাউন মনুংদা লুপা করোর ৫,৩২৬.৭গী ক্লেম পীথোকখ্রে, পি.এম.এফ.বি.ৱাই.বু হেন্না মতিং লৈবা অমদি লৌমীশিংগী কান্নবা অমসুং লৌমীশিংনা অপামবগী মতুং ইন্না য়াওবা য়াবা ওইহল্লে। ভারত লৈঙাক্না অৱাং নোংপোক স্তেতশিংগী প্রিমিয়ম সবসিদী লাইএবিলিতীগী হান্না লৈরমবা চাদা ৫০দগী হেনগত্তুনা চাদা ৯০ পুথোক্লগনি। মখা তানা বেঙ্কশিংদা চাদা ২গী ইন্তরেস্ত সবভেন্সন (আই.এস.) অমসুং লৌমীশিংদা চাদা ৩গী প্রোম্প্ত রিপেমেন্ত ইন্সেন্তিব (পি.আর.আই.) লুপা লাখ ৩ ফাওবগী মনুংদা লৌবা লোনদা পীরমবদু ৩১/০৮/২০২০ ফাওবা শাংদোকখি।
ৱাফম অসি কেন্দ্রগী লৌউ-শিংউ অমসুং লৌমীগী য়াইফ থৌরাং মন্ত্রী শ্রী নরেন্দ্র সিংহ তোমারনা ঙরাং লোক সভাদা অইবা পীবা অইবা পাউখুম অমদা ফোঙদোকখিবনি।
****
(Release ID: 1657235)
Visitor Counter : 230