প্রধান মন্ত্রী গরিব কল্যান পেকেজগী শরুক অমা ওইনা, ২০২০গী এপ্রিল ১দগী হৌরগা মথং থা অহুম চুপ্না পি.এম.য়ু.ৱাই.গী কান্নবা ফংলবশিংদা লেম্না এল.পি.জি. পীনবা স্কিম অমা পায়খৎলে। হায়রিবা স্কিম অসি গ্যাস হান্নবা মাংজৌন্না শেন ফংখ্রবা অদুগা ২০২০গী জুন ৩০ ফাওবদা গ্যাস হানবা ঙমদ্রিবা বেনিফিসরিশিংগী ওইনা ২০২০গী সেপ্তেম্বর ৩০ ফাওবা শাংদোক্লে। ২০২০গী সেপ্তেম্বর ১৬ ফাওবদা, স্কিম অসিগী মখাদা পি.এম.য়ু.ৱাইগী কান্নবা ফংলবশিংদা গ্যাস হাল্লবা সিলিন্দর করোর ১৩.৫৭ ফংহনখ্রে।

ওইল মার্কেত্তিং কম্পেনি(ও এম সি)শিংনা হায়খি মদুদি মখোয়না লৈরিবা এল.পি.জি সিলিন্দরশিং অসি ভারত্তা পুথোকপনি অমসুং মপান্দগী পুশিল্লকপা নত্তে। লৈবাক অসিদা এল.পি.জি পুথোকপা অসি দরকার ওইবা চাংদগী হন্থরকখি, মরম অদুনা লৈবাক অসিদা এল.পি.জি মরাংকাইনা ফংহন্নবা ও.এম.সিশিংনা মপান্দগী এল.পি.জি পুশিল্লকখি। ২০২০গী এপ্রিলদগী জুন ফাওবগী মনুংদা, লৈবাক অসিগী দরকার ওইবা এল.পি.জি চাদা ৪৪ লৈবাক অসিদা পুথোকপা এল.পি.জি ওইনা শীজিন্নখি অমসুং লেমহৌরবা চাদা ৫৬না মপান্দগী পুশিল্লকপদগী শীজিন্নখি।

মালেমগী কৈথেলদা এল.পি.জি মমল হেনগৎলকপা অসিগী চৈথেং লৈবাক অসিগী এল.পি.জি শীজিন্নরিবশিংদা ফংহন্দনবা লৈবাক অসিদা অতাবা মমলদা সরকারনা এল.পি.জি য়োনখি। পাহাল স্কিমগী মখাদা মালেমগী এল.পি.জিগী মমল অসি য়েংলগা থা খুদিংগী এল.পি.জি সবসিদি অসি অমুক হন্না য়েংশিল্লবা মতুংদা লৈবাক অসিগী এল.পি.জিগী মমল থা খুদিংগী লেপ্পি। ফংফম থোকপা সবসিদি অসি বেনিফিসরিশিংনা সবসিদি য়াওদবা মমলদা লৈরবা মতুংদা মখোয়গী বেঙ্ক একাউন্তশিংদা হাপচিল্লি অমসুং সবসিদিগী শেনফম অসি সরকারনা পুথোকপনি। হৌজিক দিল্লিগী কৈথেলদা কে.জি ১৪.২গী এল.পি.জি রিফিলগী মমল লুপা ৫৯৪নি।

মসিগী ৱাফম অসি ঙসি রাজ্য সভাদা অইবা ওইনা পীবা পাউখুম অমদা পেত্রোলিয়ম অমসুং নেচরেল গ্যাসকী য়ুনিয়ন মিনিস্তর ধরমেন্দ্র প্রধান্না ফোঙদোকখিবনি।

*****