তুরিজম মন্ত্রালয়গী দেখো অপনা দেশ ৱেবিনার সেরিজকী “মশক খঙলবা চানবা লৈফমদা কোইবা চৎপদা খুমাং চাউশিলহনবা” মিংথোনবা ভারত-তোঙান তোঙানবা চাবগী মখল লৈবা লৈবাক হায়বা হীরম অসিদা মিৎয়েং চঙবা ৱেবিনার অমা সেপ্তেম্বর ১৯, ২০২০দা পাঙথোকখ্রে। রাজ্য অমসুং তোঙান তোঙানবা মফম খুদিংদা অইং-অশা, মহৈ-মরোং, উহৈ-ৱাহৈ অমসুং হিদাক ওইনা শিজিন্নবা পাম্বীগা চান্নবা মশাগী চৎনবীদা য়ুম্ফম ওইদুনা তোঙান তোঙানবা মওংদা থোং-থাকপা তোপ তোপ্পা চান-থক্নবগী মথেল ময়াম অমা লৈ। হায়রিবশিং অসি মহাউ লৈবতা নত্তনা মসিদা থাক্লিবা হিদাক্কী পাম্বীশিং অমসুং মরু-মরাং অসিনা মখোয়শিংবু হকশেলদসু য়াম্না কান্নহন্দুনা হকচাং ফনা অমসুং ইম্ম্যুন সীস্তেম কনখৎহনবদসু তেংবাংই। দেখো অপনা দেশ ৱেবিনার সেরিজ অসিনা বর্চুএল প্লেৎফোর্মগী খুত্থাংদা এক ভারত শ্রেস্থ ভারতকী মখাদা ভারতকী তোঙানব তোঙানবা চৎনবীশিংবু মীয়ামদা খঙহনবতা নত্তনা এক ভারত শ্রেস্থ ভারতকী ইথিল অসি লেপ্তনা শন্দোক্লি।

ৱেবিনার অসিনা উত্তরাঞ্চল, পঞ্জাব অমসুং দিল্লীগী রাজ্য অহুমগী তোঙান তোঙানবা নাৎকী ওইবা চানবশিংদা মিৎয়েং চঙই। ৱেবিনার অসি বর্দ গ্রুপকী চেয়রপর্সন শ্রীমতি রধা ভাতিয়া, নই-দিল্লীগী রোসিএৎ হাউসকী একজেক্যুতিব ছেফ শ্রী অনুজ ৱাধাৱন, রোসিএৎ গঞ্জেসকী একজেক্যুতিব সৌস ছেফ শ্রী চেতন রানা অমসুং নই-দিল্লীগী দি রোসিএৎকী একজেক্যুতিব পেস্ত্রী ছেফ শ্রী অনন্দ পাৱরনা লান্থোকখি।

মালেমগী গর্মান্দ মনা ফংখ্রবী “ভারতকী লসসি- স্মুথি ৱিথ এ ত্বিস্ত”কী অইবী ওইরিবী শ্রীমতি রধা ভাতিয়ানা ৱেবিনার অসিবু লান্থোকখি। মহাক্না থৌওং অসিবু চিঞ্জাক থোংবা-থাকপগী মওংদা মরু ওইবা থৌদাং লৌবা মফম অমগী চাউখৎপা, নাৎ, চৎনবী, ধর্মা, অইং-অশাগী ফিভম অমসুং মহৌশাগী মতাংদা ৱা ঙাংদুনা হৌখি। ভারতকী চাউখৎপা অসি নুঙগী য়ুগকী মতমদগী হৌরক্লবনি অমসুং মখোয়না মখোয়গী চারোন শুরোন্দা চিঞ্জাক থোংবা-থাকপগী মওং কয়া অসি পীথদুনা লাক্লিবনি।

ভারতপু খুদুম চল্লম্বা মুঘল, অফঘান  অমসুং পর্সিয়ানশিংনা ভারত্তা মখোয়গী চিঞ্জাক থোংবা-থাকপগী লৌশিং অমসুং মওংসিং পুদুনা লাকখি। ভারত্তা হৌরিবা মরু-মরাংশিং অসি য়ুরোপকী মীওই অমসুং ব্রিতিশশিংনা লল্লোন-ইতিক তৌনবা য়াম্না পাম্নবা পোৎশক অমা ওইখি। ভারত অসি তোঙান তোঙানবা অইং-অশা, মনা-মশিং, লৈহাউ, মহৌশাগী রিসোর্স, থোংবা-থাকপগী মওং লৈবা অঙকপা লৈবাক অমনি হায়না শ্রীমতি ভাতিয়ানা থৌরম লান্থোকপা মতমদা হায়খি।

ছেফ চেতন রানানা মাইরেন মনাগী ভাজি, চত্নী শেম্বগী মওং তাকখি অমসুং মীয়াম মাংদা য়েংনবা অমসুং তম্নবা হায়রিবা মথেল অসি থোংখি। মহাক্না মপুম ওইবা এন্সাং অসি তঙাই ফদনা চঙগদবা মরু-মরাংশিং থাক্তুনা য়োৎকী খাংদা থোংখি অমসুং মাইরেন মনাগী মহাও মাঙদনবা মরু-মরাং য়াম্না হাপ্লোইদবনি হায়খি। নুঙনা তকখায়বা মরু-মরাংশহিং অসিনা মশাগী মহাও মাংহন্দনা মহাও হেন্না লৈহল্লি হায়খি। মহাক্না কফুলি, চত্নী, ফানু, বারি, চাক, কুমাওনি রাইতা, দুবোক, ঝঙ্গোরাগী খের য়াওবা উত্তরাখন্দগী ফজরবা সতবিক উত্তরাখন্দ থালিসু মীয়ামদা উৎখি।

ছেফ অনন্দ পাৱরনা রাম লদ্দু, দাউলৎকী চাৎ শেম্বগী মওং তাকখি অমসুং মীয়াম মাংদা য়েংনবা অমসুং তম্নবা হায়রিবা মথেল অসি থোংখি। চান্দনী চোক অমসুং মসিগী লম্বীদা ফংবা চানবশিং অসিগী মতাংদা ৱা ঙাংলদুনা মহাক্না পরাথাগী লৈরক, চাৎকী লৈরক্কুম্বা তোঙানব তোঙানবা লৈরকশিংদা মিৎয়েং চঙখি। চনা অমসুং মুং হৱাইনা শিং, কম্মিন, থাউদা তাওবা থুম শিজিন্নদুনা শাবা রাম লদ্দু শাবা অমসুং মসিদা সোস, তিলহৌ অহিংবা, হঙ্গাম-মুলা অমসুং কফোয় চায়শিনবগী মতাংদা তাকখি। চান্দনী চোক্তা য়াম্না মমিং চৎপা দাউলৎ কি চাৎ কৌবা দেসসর্ত অসি অহানবা ওইনা মোরাদবাদকী শ্রী খেম চান্দনা মিংথোনখিবনি। মসিগী মথেল অসি শঙ্গোমগী ক্রীম, চিনি, উহৈ অকঙবা অমসুং সেফ্রোন শিজিন্নদুনা শাবনি।

ছেফ অনুজ ৱাধাৱন্না অবধকী চিঞ্জাক অমসুং দম থোংবগী মতাংদা ৱা ঙাংখি। মহাক্না মীয়াম মাংদা     মেনিনেৎ তৌরবা য়েন থোংবগী মথেল, মুর্গজামেন্দোজ অসি রুমালি রোতিদা য়োম্লবা তুংদা দম ওইনা থোংবগী থৌওং পাঙথোকখি।

মসিদা য়াওরিবা ছেফশিং অসি মখোয়গী মমাশিংনা থোংবা-থাকপা তৌবগী থৌওংশিংনা ইথিল পীদুনা মশাগী পুন্সিগী লম্বী ওইনা খনখিবনি।

ভারতনা অতিথি দেবো ভবা, য়ুমদা লাকপা মীওইশিংবু ইশ্বরনি হায়না খনবগী ৱাখল্লোন্দা থাজবা থম্মি অমসুং ইল্লি। ৱেবিনার অসিবু লোইশিনবা ওইনা ভারত সরকারগী দাইরেক্তর জেনেরেল মিস রুপিন্দর ব্রারনা মীয়ামদা থোংবা-থাকপগী থবক পাঙথোকপীয়ু অমসুং মসিগী নুংঙাইবা লৌবীয়ু হায়খি। ঐখোয়না মহৌশাবু ইকায় খুম্নদুনা মসিগা পুন্না হিংমিন্নবগী তঙাই ফদবা লৈবগী মতাংদা ৱা ঙাংখি।

দেখো অপনা দেশকী ৱেবিনার সেরিজ অসি ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী নেস্নেল ই.-গোবর্নেন্স বিভাগকা খুৎশম্নদুনা পুথোকপনি। ৱেবিনারশিং অসিগী সেসনশিং অসি https://www.youtube.com/channel/UCbzIbBmMvtvH7d6Zo_ZEHDA/featured অমসুং ভারত সরকারগী তুরিজম মন্ত্রালয়গী সোসিএল মীদিয়া হেন্দলশিংদা ফংগনি।

মথংগী ওইনা “খুঙ্গং কোইবাঃ হান্নগী মতৌ অদুদগী তুংগী মহৌশাদা” মিংথোনবা ৱেবিনার অসি সেপ্তেম্বর ২৬, ২০২০গী অয়ুক্কী পুং ১১দা পাঙথোক্কনি। মাঙজৌননা রেজিস্তর তৌবীয়ু।

https://digitalindiagov.zoom.us/webinar/register/WN_6ydAovSPQtaSCTwzaaNwtw

******