কোবিদ-১৯ কেসশিং নীয়ম চুম্না লাকশিন্নবা ভারত সরকারনা রাজ্য সরকারশিংদা কোবিদ খক্তংগী ওইবা তায়র অহুমগী হকশেল ফেসিলিতীশিংগী শেমগৎনবা খংহনখ্রে।

মদুদি-

(i) মাইল্দ নত্রগা প্রি-সিম্তমেতিক কেসশিংগী আইসোলেসন ফমুংশিং য়াওবা কোবিদ ক্যের সেন্তর;

(ii) ময়াই ওইরপ কনবা কেসশিংগী ওক্সিজেন পীবা আইসোলেসন লৈবা দেদিকেতেদ কোবিদ হেল্থ সেন্তর (দি.সি.ঐচ.সি.) অমসুং 

(iii) কাহেন্না ফীভম শোকপা কেসশিংগী আই.সি.য়ু. ফমুংশিং লৈবা দেদিকেতেদ কোবিদ হোস্পিতাল (দি.সি.ঐচ.)। 

কোবিদ কেসশিংদগী কোবিদ নত্তবা অনাবশিংগী লায়েংনবা এদমিৎ তৌরিবা অনাবশিংদা লায়না শন্দোক্তনবা মসিগী ফমুংশিং অসি কোবিদ নত্তনা অতোপ্পা অনাবশিং লায়েংবদা শীজিন্নরোই।

হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.), ভারত সরকারনা তাঙ্কক নাইবা খোঙথাং অমা ঙাক্না চৎলি অমসুং মসিগী মতুং ইন্না কোবিদ-১৯ দেদিকেতেদ হোস্পিতাল ইনফ্রাস্ত্রকচরশিং চাউথোকপদা রাজ্যশিং লুচিংলি। রাজ্যশিংদা হৌজিক ওইরিবা অমসুং ওইরকপা য়াবা কেস হেনগৎলকপগী চাংদা য়ুম্ফম ওইরগা মথৌ তাবগী মতুং ইন্না আইসোলেসন, ওক্সিজেন সপ্পোর্ততেদ অমসুং আই.সি.য়ু. ফমুংশিংগী মশিং শেম শানবা খংহনখ্রে।

কোবিদ-১৯ পোর্তেলদা রাজ্যশিং/য়ু.তি.শিংনা পীবা ই-পাউগী মতুং ইন্না সেপ্তেম্বর ১৮, ২০২০ ফাওবগী রাজ্য-রাজ্যগী ওইনা কোবিদ দেদিকেতেদ ফেসিলিতীশিংগী (সরকারগী অমসুং লনাইগী অনিমক্কী) হোস্পিতালশিং, ফমুংশিংগী অকুপ্পা ৱারোল এনেক্সরদা পীরি। অদুম ওইনমক ফীভম অসি লেপ্তনা ফগৎলক্লি অমদি বেদ শীজিন্নবগী মশিং অসি হৌজিক-হৌজিক অদুমক হোংলি।

মসি রাজ্যগী মন্ত্রী (হকশেল অমসুং য়াইফ য়ুম্বাল) শ্রী অশ্বিনি কুমার চৌবেনা রাজ্য সভাদা ঙসি অইবা পাউখুম অমদা ফোঙদোকখিবনি।

*****