कोविड-19 च्या सुयोग्य व्यवस्थापनासाठी केंद्र सरकारने सर्व राज्य सरकारांना कोविडसाठी विशेष अशी एक त्रिस्तरीय उपचार सुविधा तयार करण्याचे निर्देश दिले आहेत. 

या उपचार सुविधा म्हणजे

(i) कोविड केअर सेंटर- सौम्य किंवा लक्षणपूर्व स्थितीतील रुग्णांसाठी अलगीकरण खाटांची व्यवस्था असलेले केंद्र;

(ii) समर्पित कोविड आरोग्य केंद्र (DCHC) ज्यात, मध्यम स्वरुपाची लक्षणे असलेल्या रुग्णांसाठी ऑक्सिजन आधारित अलगीकरण खाटांच्या सुविधेचे केंद्र.   आणि,

(iii) समर्पित कोविड रुग्णालय: गंभीर रुग्णांसाठी आयसीयु खाटांच्या सुविधेसह. 

जे कोविड व्यतिरिक्त इतर आजारांवर उपचार घेण्यासाठी रुग्णालयात दाखल झाले आहेत, अशा रूग्णांना कोविड रूग्णांमुळे होणारा संसर्ग टाळण्यासाठी, कोविड रुग्णांसाठीच्या खाटा कधीही इतर रुग्णांसाठी वापरल्या जाऊ नयेत. 

आरोग्य आणि कुटुंब कल्याण मंत्रालयाने, या उपचारपद्धती बाबत टप्याटप्याने विकसित होत जाण्याचा दृष्टीकोन सुरुवातीपासूनच ठेवला असून त्यानुसार, राज्यांनाही कोविडसाठी समर्पित रुग्णालयांमध्ये पायाभूत सुविधा विकसित करत जाण्याचे निर्देश दिले आहेत. अपेक्षित आणि अंदाजित रुग्णसंख्येचा विचार करुन त्यानुसार, अलगीकरण खाटा, ऑक्सिजन आधारित आणि आयसीयु  खाटांची पुरेशी व्यवस्था करण्याची सूचना सर्व राज्यांना देण्यात आली आहे. 

सर्व राज्ये/केंद्रशासित प्रदेशांनी कोविड-19 च्या पोर्टलवर दिलेल्या माहितीनुसार, रुग्णालये, कोविड समर्पित केंद्रांमधील उपलब्ध खाटा (सरकारी आणि खाजगी) यांची 18 सप्टेंबर 2020 पर्यंतची राज्यनिहाय आकडेवारी  खालील परिशिष्टात देण्यात आली आहे. मात्र, असे असले तरी, सध्याची बदलती परिस्थिती बघता, खाटांच्या उपलब्धतेविषयीच्या आकडेवारीत रोज बदल होण्याची शक्यता आहे.

केंद्रीय आरोग्य राज्यमंत्री अश्विनीकुमार चौबे यांनी आज राज्यसभेत ही माहिती दिली.

****

B.Gokhale/R.Aghor/P.Kor

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com