আই.সি.দি.এস.কী থৌরমগী মখাদা চত্থরিবা মচি ওইবা চিঞ্জাক চাবা ৱাৎপগী লায়না অসি লাকশিন্নবগীদমক্তা আয়ুশকী সিস্তেমগা পুন্না থবক তৌমিন্ননবগীদমক্তা পুনশিন্নরক্নবগীমক্তা ৱিমেন এন্দ চাইল্দ দিভেলপমেন্ত মন্ত্রালয়না আয়ুর্বেদ, য়োগা অমসুং নেচরোপেথী, উনানী, সিদ্ধা অমসুং হোমিওপেথী(আয়ুশ) মন্ত্রালয়গা মেমোরেন্দম ওফ অন্দর্সতেন্দিং(এম.ও.য়ু.) অমা খুৎয়েক পীনখ্রে। এম.ও.য়ু. অসি দব্লয়ু.সি.দি.গী সেক্রতরী শ্রী রাম মোহন মিশ্রা অমসুং বৈদ্য শ্রী রাজেশ কোতেচানা ৱিমেন এন্দ চাইল্দ দিভেলপমেন্ত অমসুং তেক্সতাইল্সকী কেন্দ্র মন্ত্রী শীমতি স্মৃতী জুবিন ইরানী অমসুং আয়ুশ মন্ত্রালগী রাজ্য মন্ত্রী(মনিং তম্বা) শ্রী শ্রীপদ য়েসো নায়ক্না  ভিদিও কনফরেন্সতা য়াওবিদুনা খুৎয়েক পীনখি।

মন্ত্রালয় অনিগী এম.ও.য়ু. অসি মচি ওইবা চিঞ্জাক চবা ৱাৎপগী লায়না অসি লৈহন্দনবগী হোৎনবরিবা অসিগী মাইলস্তোন অমনি হায়না শিংথানরদুনা শ্রীমতি স্মৃতী জুবিন ইরানীনা মশক খংদোক্লবা আঙ্গনৱাদী সেন্তরশিংদা হিদাক শেম্বা য়াবা পাম্বীশিং থাবা লৈকোলসু ওইনা শেমগৎলগনিহায়না ফোংদোকখি। এ.দব্লয়ু.সি.শিংগী য়োগা ক্লাসশিংদা নুপী অমসুং অঙাংশিংনা কান্নবা ফংহল্লগনি। সাইন্স অমসুং আয়ুর্বেদ অনি পুনশিন্নবনা পান্দম থম্লিবা কাংলুপশিং অসিদা খ্বাইদগী মচি লৈবা চিঞ্জাক্কী থাক অসি ফংহনবদা মতেং পাংগনি হায়না ফোংদোকখি। শ্রী শ্রীপদ য়েসো নায়ক্না আয়ুশকী থবকশিং অসি ভারতকী মমাংঙৈদগী চৎনরকপশিং অসিদা য়াম্না মনুং হঞ্জিন্না য়াওই হায়না ফোংদোকখি। মহাক্না ৱিমেন এন্দ চাইল্দ দিভেলপমেন্ত  অমসুং আয়ুশ মন্ত্রালয় অনিনা মান্নবা পান্দম অমগা লোয়ননা পুন্না মচি ওইবা চিঞ্জাক চাবা ৱাৎপগী লায়না অসি লৈহন্দনবা অমদি মীয়ামগী হকশেল মরুওইনা নুপী অমসুং অঙাংশিংগী হকশেল অসি ফগৎহন্নবা পুনশিন্নরক্লিবা অসিদা থাগৎপা ফোংদোকখ্রে।

তেংবাং পীনবগী শরুক অমা ওইনা আয়ুশ মন্ত্রালয়না আঙ্গনৱাদী সেন্তরশিংদা শরুক য়ারিবা নুপীশিং অমসুং ৱিমেন এন্দ চাইল্দ দিভেলপমেন্ত মন্ত্রালয়গী মখাদা পাংথোক্লিবা আই.সি.দি.এস.কী থৌরম অসিগী বেনিপিসিয়রীশিংদা তেংবাং পীগনি। এম.দব্লয়ু.সি.দি. অমসুং আয়ুশ মন্ত্রালয় অনিগী মরক্তা লৈনরিবা মরি আয়ুর্বেদ, য়োগা অমসুং অতৈ আয়ুশকী সিস্তেমশিংগী প্রিন্সিপলশিং অমসুং থবকশিং অসিদগী মচি ওইবা চিঞ্জাক ৱাৎপদগী নাবা লায়না অসি লৈহন্দনবা তৌবদা মতেং পাংগনি অমসুং নুপী অমসুং অঙাংশিং নিংথিনা-তেক্ত-কাইদনা লৈনবগীদমক্তা অখন্নবা পাম্বৈ অমা ফংহনগনি। আয়ুশনা মচি ওইবা চিঞ্জাক চাবা ৱাৎপগী লায়না অসি লৈহন্দনবা তোঙান-তোঙানবা থবকশিং পাংথোকহন্নবগীদমক্তা আয়ুশ সিস্তেমশিংদগী মফমদুগী ওইবা অমদি ঈশিং নুংশিৎকা চান্নবশিং, প্রিন্সিপলশিং অমসুং থবক পাংথোক্নরকপশিংদা য়ুম্ফম ওইবা মচি ওইবা চিঞ্জাকশিং অসি ফগৎহনবগী মতাংদা য়াওবা মরুওইনা পাংথোক্কদবা তেক্নোলোজীগী লমজিং-লমতাকশিং অমসুং তেংবাংশিং পীগনি, দবল্যু.সি.দি. মন্ত্রালয়না আঙ্গনৱাদী সেন্তরশিংদগী আয়ুশকী সিস্তেমশিং অসিদগী হেন্না থবক পাংথোকপা ঙমহনগনি। অহৌবদা রাজ্য খরদা আঙ্গনৱাদী সেন্তর ১০০০দা কোন্না মথংগী তাঙ্কক্তা থাক ফগৎহনবা য়াবা মওংদা পাইলোৎ অমা ওইনা পাংথোক্কনি।

তেংবাং পীনবা অসিদা মতৌ করম্না হিদাক পাম্বিশিগী লৈকোল অসি তোঙান-তোঙানবা য়ুমদা শেম-শাদুনা থৌরাং তৌবা অসি শিজিন্নদুনা করম্না শেমগৎকনি হায়বা অসি লাইব ওইনা বেনিফিসিয়রীশিংদা তাকপা অমসু য়াওগনি।  আঙ্গনৱাদী সেন্তরশিংদা য়োগাগী সেসনশিংসু পাংথোক্কনি।

*****