ঙসি অনিরকসুবা ওইনা সন্দে সমবাদ থৌরমদা কেন্দ্রগী হকশেল অমসুং য়াইফ-য়ুম্বালগী মন্ত্রী দোক্তর হর্শ বর্ধন্না সোসিএল মেদিয়া শীজিন্নরিবশিংনা হংলকপা ৱাহংশিংগী পাউখুমশিং পীখ্রে। হায়রিবা ৱাহংশিং অদুদা হৌজিক ওইরিবা কোবিদকী ফিবম অসি খক নত্তনা লাইচৎ অসিগী মতাংদা সরকারনা পায়খৎলিবা থবকশিং অমসুং সাইন্সকী লমদা ভারতনা চাউখৎলকপগী মতাংদা মরী লৈনবা হিরমশিংগী ৱাহং কয়া হংলকখি।

থৌরম হৌরকপদা, ভারত বাইওতেক ভেকশিনগী তিকা চাংয়েং তৌবদা মশামক অমসুং মহাক্কী মচানুপী শরুক য়াখিবা মীওই অমা দোক্তর হর্শ বর্ধন্না থাগৎপা ফোঙদোকখি।

থৌরম অদুদা য়ুনিয়ন মিনিস্তরনা হায়খি অতোপ্পা লাইচৎ অমা য়াওনা তুংদা লাক্কদবশিং থেংন্নবা ‘অত্মানির্ভর ভারত অভিয়ান’না লৈবাক অসি মপাঙ্গল কনখৎহনগনি। ২০২০গী মে ১২দা প্রধান মন্ত্রী মোদী জিনা মীয়ামদা ৱা ঙাংবদা কোরোনাভাইরসকী অৱাবা লাকশিন্নবা আমসুং ভারত ‘অত্মানির্ভর’ ওইহন্নবা লুপা ত্রিল্লিলয়ন ২০গী ইকোনোমিক পেকেজ অমা লাউথোকখি। ভারতনা তুংগা লাক্কদবা লাইচৎশিংগী থৌরাং তৌনবা মীয়ামগী হকশেলদা শেন থাদবা হেনগৎহন্নবা অমসুং অতোপ্পা হকশেলগী অওনবশিং পুরক্নবা অত্মা নির্ভর ভারতগী মখাদা সরকারনা থবক পায়খৎলে

মহাক্না হায়খি এক্সপেন্দিচর ফাইনান্স কমিতি থাক্তা খন্নবদা মখাগী থবকশিং অসি পায়খৎনবা খন্নরে:

· চঙলকপা মফমশিং য়েংশিনবা য়াওনা লৌনগনবা লায়নাশিং থিজিনবা অমসুং শন্দোকরকপা মতমদা লাকশিন্নবা থবকশিং মপাঙ্গল কনখৎহনবা।

· দিস্ত্রিক হোস্পিতালশিংদা লৌনগনবা লায়নশিং লায়েংনবা তোখাইবা ব্লোকশিং লিংখৎপা।

· অপুনবা মীয়ামগী হকশেলগী লেবোরেতোরিশিং লিংখৎপা।

ভারত্তা পোলিও মুৎথৎনবা হোৎনবদা মহাক্কী মাইপাকপগী মতাংদা হংলকপা ৱাহং অমগী পাউখুমদা মহাক্না হায়খি কোবিদ কোরোনাভাইরস অসি অনৌবা লায়না থোকহনবা মহিক অমনি অমসুং পোলিওগুম্না মসিগী মতাংদা অইবা চেরোল অমতা লৈতে। ভারতনা মমাংদা সার্স, ইবোলা অমসুং প্লেগ লাইচৎশিং থেংনখিবা অদুনা কোবিদ লাকশিনবদা মরুওইবা থৌদাং অমা লৌগনি। হৌজিক ভারত্তা সার্স-কোভ-২ মিউতেসন লৈতে। হৌখিবা থা ৭দা তোঙান-তোঙানবা মফমশিংদগী খোমজিনবা সার্স-কোভ-২ ভাইরসকী স্ত্রেনশিং পাক-চাউনা সিক্বেন্সিং তৌবগী থবক আই.সি.এম.আরনা পাংথোক্লি অমসুং ভারত অসি মিউতেন অমসুং ইভোলুসনগী মতাংদা অকুপ্পা মরোলশিং ওক্তোবরদা ফংলগনি।

মহাক্না হায়খি তিনদা কোবিদ-১৯ তেস্ত তৌনবা আই.সি.এম.আরনা চাংয়েং খর পাংথোকখ্রে অদুবু চপ চাবা অচুম্বা তেস্ত অমতা ফংবা ঙমদ্রি অমসুং য়ু.এস-এফ.দি.এনা অয়াবা পীরবা কম্পেনিশিংগী তেস্তশিং ভারত সরকারনা খন্নবা লৈত্রি। মসিগী তেস্ত মখল অসি আই.সি.এম.আরনা কন্না থিজিল্লি অমসুং চৎনবা য়ারবা মতমদা মীয়ামদা অথুবদা খঙহনগনি।

মশামক দোক্তর অমা ওইনা মিনিস্তরনা কোবিদ-১৯ লায়েংবগী মতাংদা ৱাহংশিংগী পাউখুম ফজনা পীখি। মহাক্না কোবিদ-১৯ লায়েংনবদা হায়দ্রোজিক্লোরোকুইন অমসুং প্লাজমা থেরাপিগী মতাংদা লৈরিবা অরানবা থাজবশিং কোকহনখি। কমদৌনা কোরোনাভাইরসনা অহলশিং অমসুং অতোপ্পা লায়না লৈবশিং খুদোংথিনিঙাই ওইরিবনো হায়বগী মতাংদা শন্দোক্না তাকখি। মহাক্না হায়খি অহলশিংগী মরক্তা ভাইরস য়াম্না চঙখিবা অমসুং সাইতোনকিন স্ত্রোমশিং শেমগৎলকপা অসিনা মরম ওইদুনা সেলশিংগী তোল-লাইক রিসেপ্তরশিংদা জিনেতিক পোলিমোরফিজম থেংনৈ।

কোবিদ-১৯না অহল ওইরবা অনাবশিংগী ভাইরেল তিতরশিং হন্থহনবা ঙম্মি অমসুং মসিনা লায়না ঙাকথোকপা ঙম্বগী শক্তি অসি কাহেন্না থবক তৌহনবদগী ৱান্থবা য়াওরকই অমসুং অপীকপা ঈ উতোংশিংদা ঈ ফমজিনবা থোকহল্লি। মসিনা কোবিদ-১৯না নহা ওইরিবা মীওই অমা শিহল্লোইবা হায়বা নত্তে, নহা ওইরিবা মীওইশিংদা মসিগী কেস অসি য়াম্না হন্থনা থেংনৈ।

মহাক্না হায়খি লৈবাক অসিদা ওক্সিজেন মরাংকাইনা পুথোক্লি অমসুং মিনিস্ত্রিনা ফিবম অসি কুপ্না য়েংশিল্লি। লৈবাক অসিগী খুঙ্গংগী শরুকশিংদা হেল্থ মিনিস্ত্রিনা ওক্সিজেন কন্সেন্ত্রেতরশিং য়ৌহনখ্রে। মসি পুথোক-পুশিনগী খুদোংচাদবশিং কোকহন্নবা পায়খৎপনি।

ওক্সফোর্দ অস্ত্রা জেনেকা ভেকসিনগী মতাংদা লৈরিবা অকিবশিং কোকহল্লদুনা মহাক্না হায়খি তিকা পুথোকপা অসি অরুবা থবক অমনি অমসুং মনিংতম্বা অখঙ-অহৈ কাংবু অমনা মখোয়দা মখা চৎথনবা অয়াবা পীরবা মতুংদা চাংয়েং অমুক হন্না পাংথোকপা হৌরে। ভারত্তা ক্লিনিকেল ত্রাইএল পাংথোক্লিবা তোঙান তোঙানবা তিকাশিংগী মরক্তা লৈরিবা খেন্নবশিংগী মতাংদা মহাক্না শন্দোক্না তাকখি অমসুং হায়খি তিকাগী মচলশিং, দোজশিং অমসুং মীওইবদা থানবগী লম্বীশিং তিকাশিং তোঙানবগী মতুংইন্না তোঙাল্লি অমসুং মখোয়না মথৌ পাংথোকপসু তোঙাল্লি। অদুবু তিকা খুদিংমক্কী পান্দমদি অমতনি হায়বদি হকচাং ফনা লৈরিবা মীওই অমা কোরোনাভাইরসতগী ঙাকথোকপনি।

হৌজিক ওইরিবা ফিবম অসিদা মমাংঙৈগী লায়েং-কাংলোনগী থৌদাংগী মতাংদা য়ুনিয়ন মিনিস্তরনা হায়খি হৌজিক ফাওবদা কোবিদ-১৯ ফহনবা ঙম্বা হিদাক মচল অমা ফাওবা পুথোকপা ঙমদ্রবদু কোবিদ-১৯ লায়েংনবা অয়ুসকী দোক্তরশিংনা ক্লেম তৌরবশিং অসি অচুম্বা খঙদোক্নবা অয়ুস মিনিস্ত্রিনা সি.এস.আই.আর অমসুং আই.সি.এম.আরগা লোয়ন্না রিছর্স প্রোতোগোলশিং পুথোক্লে। অয়ুসকী লমদা থবক তৌরিবশিংনা কোবিদ-১৯গী মরমদা থিজিন্নবা অমসুং কোবিদ-১৯গী অয়ুর্বেদাগী হিদাক-লাংথকশিং পুথোকপগী মতাংদা সেন্ত্রেল দ্রগস স্তেন্দার্দ কন্ত্রোল ওর্গনাইজেসন্না অয়াবা পীরে। মহাক্না দব্লিউ.ঐচ.ওগী ইজুকিউতিপ বোর্দকী চিয়রমেন ওইবনা মহাক্না ঙমজবা থাক্তা অয়ুর্বেদা য়াওনা ভারতকী খ্বাইদগী ফবা লায়েং মখলশিং খঙহন্নবা মহাক্না হোৎনগনি হায়না মহাক্না থাজবা পীখি। মহাক্না হায়খি মালেমগী মীয়াম্না য়েংনবা দব্লিউ.ঐচ.ওগী ৱেবসাইত্তা ধারাবিদা পায়খৎলিবা কোবিদ-১৯ লাকশিন্নবা অমসুং লায়েংনবা পায়খৎলিবা থবকশিং থাগৎতুনা থম্লে।

দোক্তর হর্শ বর্ধন্না হায়খি প্রধান মন্ত্রী গরিব কলয়ান য়োজনাগী মখাদা কোবিদ লান্মীশিংগী ইমুং ১৫৫দা মতেং পীখ্রে। মখোয়গী মনুংদা লৈখিদ্রবা দোক্তর ৬৪, এন.এন.এম অমসুং হেল্থ ৱার্কর ৩২, অসা ৱার্কর ১৪ অমসুং অতোপ্পা মাংজিল থাবা শিন্মী ৪৫ য়াওরি।

কোবিদ-১৯ লাইচৎ অসিনা মীওই খুদিংমক্কী পুক্নিং-ৱাখলগী হকশেলগী ফিবমদা অকায়বা থোকহল্লে। মসিনা অহলশিংদনা ওইনা অকায়বা থোকহল্লি। সন্দে সমবাদ মনুংদা, অহলশিংনা মখোয়গী ৱাখল নুংঙাইনা লৈনবা পাউতাক কয়া মহাক্না পীখি।

মহাক্না হায়খি অপুনবা মীশিংগী চাদা ৭০ রোম কোনশিন্দুনা হর্দ ইম্মুনিতি লৈহন্নবা হোৎনবদা মতম য়াম্না চঙগনি। মরম অদুনা ভারত সরকারগী লাল্লোংদি লাইচৎ লাকশিনবা আমসুং হোস্পিতালদা লায়েংবা অসিনি।

সাইন্সতা হুমেন রিছোর্স হেন্না থাদনবা অমসুং লোকদাউন মনুংদা অকোয়বগী ফিবম ফজনা থম্বা ঙম্নবা সরকারগী থৌদাংগী মতাংদা হংলকপা ৱাহংশিংগী পাউখুমশিং মহাক্না পীখি।

মহাক্না হায়খি ভারত অসিদা চহি অমদা ইঞ্জিনিয়ারিং অমসুং সাইন্স গ্রেজুয়েদ মশিং য়াম্না পুথোকপা মালেমদা মকোক তারিবা লৈবাক অমনি। ভারত্তা ফুল-তাইম ইকুইবলেন্ত রিছর্সচর লাখ ৩.৪২ রোম লৈরি, মখোয়গী মনুংদা চাদা ৫০ নহারোল অমসুং চহি ৪৫গী মখাদা লৈবা মীওইশিংনি, চাদা ১৬না নুপীশিং(চাউরাক্না ৫৬,০০০)নি; হৌখিবা চহি ৬ অসি রিছার্স তৌবা মীওই মশিং চাদা ৪০ হেনগৎলে; হৌখিবা চহি ৬ অসি নুপী সাইন্তিস্ত মশিং শরুক অনি হেনগৎলে। ভারতনা অনৌবা নেসনেল সাইন্স, তেক্নোলোজি অমসুং ইন্নোবেসন পোলিশিং শেম্লে অমসুং মসিনা সাইন্স অমসুং তেক্নোলোজি চাউখৎহন্নবা পান্দম থম্বা খক নত্তনা লৈবাক অসিগী শেন-থুম অমসুং খুন্নাই চাউখৎহন্নবা সাইন্স ময়াইদা থম্লি।

মহাক্না হায়খি লোকদাউন মনুংদা থেংনখিবা মৈখু চেন্দবা অকোয়বগী ফিবম অদু লৈহন্নবা সরকারনা মাইপাক্নবা থবক পায়খৎকনি। হৌখিবা চহি ২-৩ অসিদা নুংশিৎকী ফিবম খর ফগৎলক্লবা মরুওইবা সহরশিংগী নুংশিৎ শেংদবা হন্থহন্নবা ইনভাইরোনমেন্ত অমসুং ফোরেস্ত অমসুং ক্লাইমেত চেঞ্জ মিনিস্ত্রিনা থবক কয়া পায়খৎলে।

 ‘সন্দে সমবাদ’গী অনিসুবা ইপিসোৎ য়েংনবা মখাগী লিঙ্কশিং অসিদা চঙবীয়ু :

তুইতর : https://twitter.com/drharshvardhan/status/1307583211510231041?s=20

ফেসবুক : https://www.facebook.com/watch/?v=2762717827332810&extid=w4EiYCzwejHsjcCw

য়ুতুব: https://youtu.be/0xwKC77wgxQ

দি.ঐচ.ভি  এপ্প :http://app.drharshvardhan.com/download

*****