কোবিদ-১৯গী লায়চৎ শন্দোরকপা অসিনা মরম ওইরগা, তোঙান তোঙানবা সাই স্পোর্তস প্রমোস্নেল স্কিমশিংগী মখাদা লৈবাক অসিদা লৈরিবা স্পোর্তস ওথোরিতী ওফ ইন্দিয়া (সাই) সেন্তর পুম্নমক্তা পাঙথোক্লিবা চৎনবী ওইনা লৈরিবা ত্রেনিং প্রোগ্রামশিং অসি মতম খরা লেপখি অমসুং ভারতজী শান্নরোয়শিং মপালদা ত্রেনিং তৌবদসু হন্থহনখি। অদুম ওইনমক হোম পুবা মন্ত্রালয়না থোকপা গাইদলাইনশিংগী মতুং ইন্না ত্রেনিং অসি অমুক হৌখি।

কোবিদ-১৯ লায়চৎ অসি য়েংলগা, সাই সেন্তরশিংদা ত্রেনিং তৌরিঙৈদা চেকশিল থৌরাং ওইনা মখাদা পীরিবা খোঙথাংশিং অসি লৌখৎখি:

সাই ত্রেনিং সেন্তরশিংদা শান্নখোৎনবগী থবক থৌরমশিং হৌনবা “খেলো ইন্দিয়া-ফির সে”গী মমিং মখাদা স্তেন্দর্দ ওপরেতিং প্রোসিজর (এস.ও.পি.) শেমখ্রে। এস.ও.পি. অসিনা শান্নরোয়শিং, তেক্নিকেল অমসুং নন-তেক্নিকেল সপ্পোর্ত স্তাফ, এদমিনিস্ত্রেসন স্তাফ, হোস্তেল অমসুং ফেসিলিতী মেনেজমেন্ত স্তাফ অমসুং সেন্তর অসিদা মী উনবা লাকপা মীওইশিং য়াওনা ত্রেনিং সেন্তরশিং অসিগী স্তেকহোল্দর পুম্নমক কোনশিল্লি।

ত্রেনিং সেন্তর পুম্নমক্তা গাইদলাইনশিং অসি মপুং ফানা ইমপ্লিমেন্ত তৌবা ঙমহন্নবা কোবিদ তাস্ক ফোর্স কম্মিতী অমা শেমখ্রে। কম্মিতী অসিনা কেন্দ্র অমদি মশা-মশংগী রাজ্য/য়ুনিয়ন তেরিতরীগী সরকারনা থোকপা হকশেমগী প্রোতোকলশিং অসি মপুং ফানা ইমপ্লিমেন্ত তৌহন্নবা হোৎনরি।

সাই ত্রেনিং সেন্তরশিং অসি শান্নরোয়শিং চেকশিল থৌরাংগীদমক জোন ৩ থোক্না খায়দোকখ্রে মদুদি রেদ, ব্ল্যু অমসুং য়েলো অসিনি। লোয়ননা নেস্নেল কেম্পরশিং, কোচশিং অমসুং মতেং পাংলিবা স্তাফশিংগা লোয়ননা কোবিদ-১৯ ক্যেরগা মরী লৈনবা হকশেলগী সমস্যা অমা হেক্তগী মাংদা ৱারী শানবা অমসুং মতেং পাংনবা হাইজিন তাস্ক ফোর্স ওইনা নর্সশিং, ফিজিওথেরাপিস্ত, সাইকোলোজিস্ত, ন্যুত্রিসনিস্ত য়াওনা মতেং পাংনবা স্তাফকা লোয়ননা হাইজিন ওফিসর অমা থমখ্রে।

লোকদাউন মনুংদা লৈবাক অসিদা লৈরিবা সাই সেন্তরশিং অমসুং সাইগী মখাদা লৈবা শান্নবুংশিং শেমজিন্নবা পুন্না লুপা করোর ২৮.৭৫ চাদিং তৌখ্রে।

ৱারোল অসি ঙসি রাজ্য সভাদা য়ুথ এফিয়র্স অমসুং স্পোর্তকী রাজ্য মন্ত্রী(ইন-চার্জ) শ্রী কিরেন রিজিজুনা অইবা পাউখুম ওইনা পীখিবনি।

*****