২০২০গী সেপ্তেম্বর ২১ নিংথৌকাবা নুমিৎতা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিহারদা লুপা করোর ১৪,০০০গী হাইৱেজ প্রোজেক ৯ উরেপ-উয়ুং তমগনি।

বিহারগী খুঙ্গং ৪৫,৯৪৫ পুম্নমক ওপ্তিকেল ফাইবর ইন্তরনেৎ সর্বিসকী খুৎথাংদা শম্নগদবা ওপ্তিকেল ফাইবর ইন্তরনেৎ সর্বিসসু প্রধান মন্ত্রী শ্রী নরেন্দ্র মোদীনা শঙ্গাগনি।

হাইৱেজ প্রোজেকশিং

হাইৱেজ প্রোজেক ৯ অসিদা লুপা করোর ১৪,৩৫৮ চঙনা কিলোমিতর ৩৫০ রোমগী লম্বী শেমগৎকনি।

বিহার চাউখৎনবা লম্বী শেম্লদুনা, হায়রিবা লম্বীশিং অসিনা রাজ্য মনুং অমসুং অকোয়দা চৎথোক-চৎশিন নুংঙাইবা হেনগৎহনগনি অমসুং শেন-থুমগী ফিবম ফগৎহনগনি। য়ুম্লোন্নরিবা রাজ্যশিং উত্তর প্রদেস অমসুং ঝারখান্দগা মী চৎথোক-চৎশিন অমসুং পোৎ-চৈ পুথোক-পুশিনগী থবক শিংথাবা য়ানা ফগৎহল্লগনি।

২০১৫দা প্রধান মন্ত্রীনা বিহারগী ইনফ্রাস্ত্রকচর শেমগৎনবা অখন্নবা পেকেজ অমা লাউথোকখ্রে। মসিদা লুপা করোর ৫৪,৭০০গী প্রোজেক ৭৫ য়াওখি, মখোয়গী মনুংদা প্রোজেক ১৩ লোইশিনখ্রে অমসুং ৩৮ থবক পায়খৎলি অমসুং অতোপ্পশিংনা দি.পি.আর/বিদ্দিং/সেঙ্কসনগী তাঙ্কক্তা লৈরি।

হায়রিবা প্রোজেকশিং অসি লোইশিল্লকপা মতমদা, বিহারগী তুরেল খুদিংমক ২১সুবা চহিচাগী থোঙশিং লৈরগনি অমসুং মরুওইবা নেসনেল হাইৱেজ পুম্নমক পাকথোক্লগনি অমসুং মপাঙ্গল কনখৎলগনি।

প্রধান মন্ত্রীগী পেকেজ মখাদা, গঙ্গা তুরেল মথক্তা অপুনবা ওইনা থোং ১৭ লৈরগনি, মসিদা লেন ৬২ লৈগনি। মসিগা লোয়ন্না, রাজ্য অসিদা কিলোমিতর ২৫ খুদিংগী তুরেলশিংগী মথক্তা থোঙ অমা লৈরগনি।

প্রোজেকশিং অসিগী মনুংদা য়াওরিবশিংদি এন.ঐচ-৩১গী বাখতিয়ারপুর-রাজৌলি সেক্সনগী কিলোমিতর ৪৭.২৩ লুপা করোর ১১৪৯.৫৫ চঙনা লেন মরি ওন্থোকপা, এন.ঐচ-৩১গী বাখতিয়ারপুর-রাজৌলি সেক্সনগী কিলোমিতর ৫০.৮৯ লুপা করোর ২৬৫০.৭৬ চঙনা লেন মরি ওন্থোকপা, ই.পি.সি মোত্তা লুপা করোর ৮৮৫.৪১ চঙনা এন.ঐচ-৩০গী অরা-মোহানিয়া সেক্সনগী কিলোমিতর ৫৪.৫৩ লেন মরি ওন্থোকপা, ই.পি.সি মোত্তা লুপা করোর ৮৫৫.৯৩ চঙনা এন.ঐচ-৩০গী অরা-মোহানিয়া সেক্সনগী কিলোমিতর ৬০.৮০ লেন মরি ওন্থোকপা, হাম মোত্তা লুপা করোর ২২৮৮ চঙনা এন.ঐচ-১৩১এগী নরেনপুর-পুর্নিয়া সেক্সনগী কিলোমিতর ৪৯ লেন মরি ওন্থোকপা, ই.পি.সি মোত্তা লুপা করোর ৯১৩.১৫ চঙনা এন.ঐচ-১৩১জিগী কিলোমিতর ৩৯ শাংবা পাতনা-রিং রোদ(কনহৌলি-রামনগর) লেন তরুক ওন্থোকপা, লুপা করোর ২৯২৬.৪২ চঙনা পাতনাদা এন.ঐচ-১৯দা গঙ্গা তুরেল মথক্তা কিলোমিতর ১৪.৫গী লেন মরিগী অনৌবা থোঙ(হৌজিক লৈরিবা এম.জি সেতুগা পরেলেল ওইনা) অমা শাবা, ই.পি.সি মোত্তা লুপা করোর ১৪৭৮.৪০ চঙনা এন.ঐচ-১০৬দা কোসি তুরেল মথক্তা অনৌবা কিলোমিতর ২৮.৯৩গী লেন মরিগী থোঙ শাবা অমসুং লুপা করোর ১১১০.২৩ চঙনা এন.ঐচ-১৩১বিগী গঙ্গা তুরেল মথক্তা অনৌবা কিলোমিতর ৪.৪৪৫গী লেন মরিগী থোঙ শাবা য়াওরি।

ওপ্তিকেল ফাইবর ইন্তরনেৎ সর্বিসশিং

অচৌবা প্রোজেক অসিনা বিহারগী খুঙ্গং ৪৫,৯৪৫ খুদিংমক কোনশিন্দুনা রাজ্য অসিগী খ্বাইদগী মনুং হুঞ্জিনবা মফমশিংদা দিজিতেলগী অওনবা পুরকপা ঙমহনগনি।

মসিগী প্রোজেক অসি ইলেকত্রোনিক্স অমসুং ইনফোর্মেসন তেক্নোলোজি মিনিস্ত্রিগী তেলিকোম দিপার্তমেন্ত অমসুং কমন সর্বিস সেন্তর(সি এস সি)শিংনা পুন্না পায়খৎকনি।

বিহার রাজ্য শীনবা থুংনা সি.এস.সি ৩৪,৮২১ লৈরি। মসিগী প্রোজেক অসি পায়খৎনবা মখোয়না সি.এস.সিশিং শীজিন্নবা খক নত্তনা সেন্তরশিং অসিনা বিহারগী খুঙ্গং খুদিংমক্তা মীয়ামদা ওপ্তিকেল ফাইবর ইন্তরনেৎ সর্বিসশিংগী খুদোংচাবশিং ফংহনগনি। প্রোজেক অসিনা সরকারগী প্রাইমারি স্কুলশিং, অঙ্গনৱাদি সেন্তরশিং, অসা ৱার্করশিং, জিবিকা দিদি অসিনচিংবদা ৱাই-ফাই ১ অমসুং কন্নেক্সন ৫ লেম্না পীগনি।

মসিগী প্রোজেক অসিনা দিজিতেলগী থবকশিং হায়বদি ই-ইজুকেসন, ই-এগ্রিকলচর, তেলি-মেদিসিন, তেলি-লো অমসুং অতোপ্পা সোসিএল সেকুরিতিগী স্কিমশিংগী থবকশিং বত্তম অমা নম্বদা বিহারগী মীয়ামদা য়াম্না লাইনা ফংহনগনি।

*****