২০২০গী সেপ্তেম্বরগী তাং ১৭তা ভর্চুয়েল ফোর্মেত্তা ব্রিক্স কম্মুনিকেসন মন্ত্রীশিংগী ৬শুবা মীফম অদুদা ভারত সরকারগী কম্মুনিকেসন, ইলেক্ত্রোনিক্স অমসুং ইনফোর্মেসন তেক্নোলোজী অমসুং ইজুকেসনগী রাজ্যগী মন্ত্রী শ্রী সঞ্জে ধোত্রিনা ভারতকী মহুৎ শিন্দুনা শরুক য়াখি৷ মীফম অদু রসিয়াগী দিজিতেল দিভেলপমেন্ত, কম্মুনিকেসন অমসুং মাস মেদিয়াগী দিপুতী মন্ত্রী শ্রী মেক্সিম পর্শিননা হৌদোকখি৷ মীফম অদুদা ফেদেরেতিব রিপব্লিক ওফ ব্রজিলগী কম্মুনিকেসনগী মন্ত্রী শ্রী ফেবিও সেলস্তিনো মেসক্যুইতা দি ফারিয়া, পিপল্স রিপব্লিক ওফ চাইনাগী ইন্দস্ত্রী অমসুং আই.তি. মন্ত্রালয়গী মন্ত্রী শ্রী জিয়াও য়াকিং অমসুং রিপব্লিক ওফ সাউথ অফ্রিকাগী কম্মুনিকেসন, তেলিকম্মুনিকেসন অমসুং পোস্তেল সর্ভিসেসকী মন্ত্রী শ্রীমতি স্তেল্লা তেমবিসা নদবেনি-অব্রাহমনা মখোয় মখোয়গী লৈবাকশিংগী মহুৎ শিন্দুনা শরুক য়াখি৷

ব্রিক্স লৈবাকশিংনা য়াম্না মরু ওইবা হিরম খুদম ওইনা কোবিদ-১৯ থেংনবদা ইনফোর্মেসন অমসুং কম্মুনিকেসন তেক্নোলোজীগী থৌদাং, আই.সি.তি.শিং শিজিন্নবদা থজবা অমসুং শোইদনবা হোৎনবা, অঙাংশিংদা ওনলাইন প্রোতেক্সন পীবা অমসুং খুঙ্গংগী মফমশিংদা লৈরিবা মীওইশিং অমসুং নাম্মা শোইরবা মীওইশিংগা মরী নকশিন্নবা হোৎনবা অমসুং সস্তেন্নেবল দিভেলপমেন্ত গোলশিং ফংন্নবগীদমক দিজিতেল ইকোনোমীগী থৌদাং হায়রিবা হিরমশিং অসিদা লেপ্পা লৈতনা মতেং পাংন্নবা ব্রোদ কন্সেনসস শেমখিবনি৷

শ্রী সঞ্জে ধোত্রি না কোবিদ-১৯ ৱারিয়রশিং ওইনা থবক তৌরিবা ফিল্দ ফোর্স অমসুং তেলিকোম নেতৱর্ক্কী মেনেজরশিংবু থাগৎপা ফোংদোকখ্রে৷ কোবিদ থেংন্নবা ভারত সরকারনা লৌখৎখিবা তোঙান তোঙানবা খোংথাংশিং খুদম ওইনা অরোগ্য সেতু এপ, কোবিদ ক্বারেন্তিন এলর্ত সিস্তেম(সি.ক্যু.এ.এস.), কোবিদ সবধান, মাইগ্রেন্ত ৱর্করশিংবু ময়ুমদা হনহলবা য়ানবা আই.সি.তি. সোলুসনশিং, য়ুমদগী থবক তৌবা অমসুং মহৈ তম্বা য়ানবা ভিদিও কনফরেনসিং সোলুসন পুথোকপা হায়রিবা হিরমশিং অসি মন্ত্রী অদুনা পুথোকখি৷

দিজিতেল কন্নেক্তিবিতীগী কান্নবশিং অসি মীপুং খুদিংমক্তা য়ৌহন্দুনা ভারতপু দিজিতেল্লী ইনক্লুসিপ অমসুং ইমপৱার ওইবা সমাজ অমা ওইননবগীদমক প্রধান মন্ত্রী শ্রী নরেন্দ্র মেদিগী ফেগশিপ প্রোগ্রাম “দিজিতেল ইন্দিয়া”গী মখাদা তেলিকোম অমসুং আই.সি.তি.বু হেন্না চাউখৎন্নবগীদমক ভারত সরকারনা লৌখৎখিবা তোঙান তোঙানবা খোঙথাংশিং অদু শ্রী সঞ্জে ধোত্রিনা ব্রিক্স লৈবাকশিংদা খঙহনখ্রে৷ ইন্নোভেতিব পি.পি.পি. মোদেলশিং শিজিন্নরগা গ্রাম পঞ্চয়ত ২৫০,০০০ শম্নহনগদৌরিবা প্রোজেক “ভারত নেত” অমসুং অৱাং নোংপোক লমদমগী চিংগী মফমশিং শম্নহনগদৌরিবা অতোপ্পা প্রোজেকশিং অমসুং অন্দামন অমসুং নিকোবর ইথৎকী তোখায় তানা লৈরিবা মফমশিং শম্নহনগদৌরিবা প্রোজেকশিং অদু মহাক্না পুথোকখি৷ অসিদসু নত্তনা পর্সোনেল দাতা ঙাক শেন্নবগীদমক ভারত সরকারনা লৌখৎখিবা তোঙান তোঙানবা খোংথাংশিং অদুবুসু মহাক্না পুথোকখি৷

ব্রিক্স কম্মুনিকেসন্স মন্ত্রীশিংগী মীফম অসি মেম্বর ওইরিবা লৈবাক( ব্রজিল, রসিয়া, ভারত, চাইনা অমসুং সাউথ অফ্রিকা)শিং চহি খুদিংগী চাং নাইনা শিন্দুনা য়ুম্বু ওইদুনা পাঙথোকই৷ ভারতনা ২০২১দা পাঙথোক্কদৌরিবা মথংগী ব্রিক্স কম্মুনিকেসন্স মন্ত্রীশিংগী মীফম অসিদা য়ুম্বু ওইদুনা পাঙথোক্লগনি।

*****