মী পুনবা অমসুং শিন্মীশিং চৎথোক-চৎশিন তৌবদা অথিংবশিং থম্বদগী মালেমগী কোবিদ-১৯ লাইচৎনা তোঙান-তোঙানবা তেক্সতাইল সেক্তরশিংদা অকায়বা থোকহল্লে। মসিনা লৌমীশিংগী হৌরগা লল্লোনবশিং/এক্সপোর্তরশিং য়াওনা তেক্সতাইল সেক্তরগী মরী লৈনবশিং শোকহল্লে অমসুং তাঞ্জা অসিদা লাইচৎ অসিনা মমাংদা নিংথিনা খঙনরমদবা হিরমশিংদা খুদোংচাবশিংগী অনৌবা থোঙনাও অমা হাংদোক্লে।  

সেক্তর অসিনা থেংনরিবা অৱাবশিং খঙদোক্নবা ‘ভারতকী সিল্ক ইন্দস্ত্রিদা কোবিদ-১৯গী ইথিল’ হায়বা হিরম অসিদা সরকারনা থিজিল্লে। পোৎথোক হন্থরকপা অমসুং শেন মাঙবা কয়া থিজিনবা অসিদগী খঙবা ঙম্লে। পোৎথোক পুথোকপা ঙমদবা, কোকুন অমসুং সিল্ক মমল হন্থরকপা, পুথোক-পুনশিনগী অৱাবা, ৱার্কিং কেপিতেল অমসুং কেস ফ্লোগী অৱাবশিং, রো মেতরিএলশিং ফংবা, মুগাগী ফিরোল য়োনবা শিৎতবা, মপান্দা থাদোকপা অমসুং পুশিল্লকপা থিংবগী মথক্তা মপান্দা থাদোকপা অমসুং পুশিল্লকপগী ওর্দরশিং ককখিবা য়াওনা তোঙান-তোঙানবা অৱাবশিং ইন্দস্ত্রিনা থেংনখি। তেক্সতাইল সেক্তর অসি অনওর্গনাইজ সেক্তর অমা ওইবনা সেক্তর অসিদা মাঙলিবশিংগী মতাংদা সরকারনা নিংথিনা থিজিনদে। 

কোবিদ-১৯ লাইচৎ থেংন্নবা অমসুং লৈবাক্কী শেন-থুম ফগৎনবা অমসুং মশাগী ওক্নবা পুথোকপা ভারত অমা শেমগৎনবা ভারত সরকারনা অত্মানির্ভর ভারত অভিয়ান লাউথোক্লে। এম.এস.এম.ইশিং য়াওনা তোঙান তোঙানবা সেক্তরশিংদা শেন্থং পীনবা থবক কয়া পায়খৎলে। কোবিদ-১৯ লাইচৎকী লোকদাউন থমখিবদগী অৱাবা নঙলবশিং মখোয়গী ললোন-ইতিক্কী থবকশিং হিঙ্গৎহন্নবা ফিশাবশিং অমসুং খুৎহৈবশিংনা হায়রিবা কান্নবশিং অসি লৌবা য়াগনি। “অত্মানির্ভর ভারত”গী পান্দম ফংনবা লৈবাক অসিগী মফম কয়াদা লৈরিবা ইয়োংগী ফিশাবশিং অমসুং এক্সপোর্তরশিং ভর্চুএল ওইনা শম্ননবা হেন্দলুম এক্সপোর্ত প্রোমোসন কাউন্সিলনা থবক পায়খৎলে।

লৈবাক্কী তোঙান তোঙানবা মফমশিংদগী মীওই ২০০ হেন্না শরুক য়াদুনা মখোয়গী পোৎথোকশিং অমসুং অখন্নবা দিজাইনশিং অমসুং স্কিলশিং উৎনবা অগস্ত ১,১০ অমসুং ১১দা ইন্দিয়ান তেক্সতাইল সোর্সশিং ফিয়ার পাংথোকখ্রে। সো অদু মালেমগী পোৎ লৈগদবা মীওইশিংনা পাম্না পাম্নখি। ইয়োংগী ফিশাবশিং/খুৎহৈবশিং মখোয়গী কৈথেল মরাং কাইনা ফংনবা অমসুং হেন্দলুম অমসুং হেন্দিক্রাফ সেক্তরশিং শৌগৎনবা , মখোয়গী পোৎথোকশিং সরকারগী দিপার্তমেন্তশিং অমসুং ওর্গনাইজেসনশিংদা হকথেংন্না য়োনবা ঙম্নবা ফিশাবশিং অমসুং খুৎহৈবশিং গভর্নমেন্ত ই-মার্কেত (জি ই এম)দা য়াওহন্নবা থবকশিং পায়খৎলে।

ভারতকী হেন্দলুমগী থবকশিং য়োকখৎনবা অমসুং ফিশাবশিং মীয়াম্না শৌগৎনবা ৬সুবা নেসনেল হেন্দলুম দে থৌরমদা সরকারনা #Vocal 4 handmade কৌবা সোসিএল মেদিয়া কেম্পেন অমা হৌদোকখ্রে।

মখোয়গী য়ুমশিং দরকার ওইরকপা মতমদা শীজিন্ননবা মখোয়গী মখুৎতা শেনফম খরা লৈনবা ইয়োংগী ফিশাবশিং/খুৎহৈবশিংগী শাবা লোইরবা পোৎথোকশিং লৈনবা মখোয়গী রাজ্যগী হেন্দলুম কোরপোরেসনশিং/কো-ওপরেতিপশিং/এজেন্সিশিংদা য়াথং পীনবা রাজ্যশিং অমসুং য়ু.তিশিংগী চীফ মিনিস্তরশিংদা হায়জখ্রে।

লাইচৎকী অৱাবা থেংন্নবা, ঐখোয়গী ফিশাবশিং অমসুং হেন্দলুমগী পোৎথোক পুথোক্লিবশিংদা ওনলাইনদা য়োনবগী খুদোংচাবশিং পীনবা সরকারনা থবক পায়খৎলে। মখোয়দা খুদোংচাবা পীগদবা ভারত সরকারগী স্কিমশিংগী মতাংদা ফিশাবশিংদা খঙহন্নবা লৈবাক শীনবা থুংনা লৈরিবা ৱিভর্স সর্বিস সেন্তরশিংনা ফিশাবশিং মশিং য়াম্না লৈবা মফমশিংদা চাউপালশিং/ই-চাউপালশিং শীনখ্রে।

হেন্দলুমগী পোৎথোকশিং ই-মার্কেত্তিং য়োকখৎনবা পোলিসি ফ্রেমৱার্ক অমা শেম্লে, মসিগী মখাদা থবক ফজনা পাংথোকপগী রেকোর্দ লৈরবা ই-কমর্স প্লেতফোর্মনা হেন্দলুমগী পোৎথোকশিং ওনলাইন্দা য়োন্নবা শরুক য়াবা য়াগনি। হেন্দলুমগী পোৎথোকশিং ওনলাইন্দা য়োন্নবা ই-কমর্স ফার্ম ২৩ নেক্লে।

তেক্সতাইল ইন্দস্ত্রি চাউখৎহনবদা মতেং পাংনবা সরকারনা তোঙান তোঙানবা থৌশিলশিং অমসুং স্কিমশিং পায়খৎলে। হায়রিবা থৌশিলশিং অমসুং স্কিমশিং অসিনা তেক্নোলোজি ফগৎহনবা, মচাক-মথুমশিং শেমগৎপা, স্কিল দিবলপমেন্ত, তেক্সতাইল সেক্তরদা লৈরিবা সেক্তরশিং চাউখৎহনবা অমসুং লৈবাক অসিদা তেক্সতাইল মেনুফেকচরিংগী অফবা ফিবমশিং ফংহনবগী থবকশিং শৌগৎকনি। 

অসুম্না, তোঙান তোঙানবা স্কিমশিংগী মখাদা শেন থাদরকপদা সবসিদি পীদুনা ভারত  সরকারনা তেক্সতাইল ইন্দস্ত্রি চাউখৎনবা অমসুং মতমগা চুনবা থবকশিং পায়খৎনবা খুদোংচাবশিং পীরি। তোঙান তোঙানবা স্কিমশিংগী মখাদা থম্লিবা পান্দশিং ফংনবা চহি চহিগী ওইনা ফন্দশিং থাদোক্লে। তেক্সতাইলগী থবকশিং পাংথোক্লিবা রাজ্যশিংগী তেক্সতাইল এজেন্সিশিং/ওর্গনাইজেসনশিং মথক্কী স্কিমশিংগী কান্নবা ফংলবশিংনি। রাজ্যগী তেক্সতাইল দাইরেক্তোরেতনা রিকমেন্ত তৌরবা কান্নবা ফংবা য়ারবা এজেন্সিশিংগী ৱাফমশিং স্কিমশিংগী চৎন-পথাপশিংগী মতুংইন্না শেন্থং পীনবা খন্নগনি।

ৱাফম অসি ঙসি লোক সভাদা অইবা ওইনা পীবা পাউখুম অমদা তেক্সতাইলগী য়ুনিয়ন মিনিস্তর শ্মৃতি জুবিন ইরানিনা ফোঙদোকখিবনি।

*****

(Release ID: 1656426) Visitor Counter : 158