বাইতেক্নোলোজী বিভাগনা (দি.বি.তি.) নেস্নেল কোবিদ-১৯ বাইও-রিপোজিতরী মঙা শেমখৎখ্রে।  মসি লৈবাক অসিদা বাইতেক্নোলোজী বিভাগ, ইন্দিয়ন কাউন্সিল ওফ মেদিকেল রিসর্চ অমসুং কাউন্সিল ওফ সাইন্তিফিক এন্দ ইন্দস্ত্রিএল রিসর্চনা শেমগৎখিবা কোবিদ-১৯ বাইও-রিপোজিরী ১৬কী নেৎৱার্ককী শরুক অমনি। বাইওরিপোজিতরীশিংগী লিস্ত অদু মসিদা ফংগনি https://www.icmr.gov.in/cbiorn.html। রিপোজিতরীশিং অসিনা ক্লিনিকেল অমসুং ভাইরেল সেম্পলশিং খোমজিল্লি। হৌজিক ফাওবদা ক্লিনিকেল সেম্পল ৪৪৪৫২ অমসুং ভাইরেল আইসোলেৎ ১৭ খোনগৎখ্রে মসি দাইগনোস্তিক্স, থেরোপ্যুতিক্স অমসুং বেক্সিনশিং পুথোক্নবা রসর্চররশিং অমসুং ইন্দস্ত্রীদা ফংহল্লি।

পান ইন্দিয়াগী সার্স-কোব-২ আর.এন.এ. ১০০০গী জিনোম সিক্বেন্সিং মাই পাক্না তৌবা ঙমখ্রে অমসুং বাইতেক্নোলোজী বিভাগনা ওগস্ত ১, ২০২০দা লাঊথোকখ্রে। মসি অতোপ্পা নেস্নেল ক্লসতর মঙা; ক্লিনিকেল ওর্গনাইজেসনশিং অমসুং অতোপ্পা হোস্পিতালশিংগা লোয়ননা বাইতেক্নোলোজী বিভাগকী ওতোনোমস ইন্সতিত্যুত অমা ওইরিবা ৱেস্ত বেঙ্গলগী নেস্নেল ইন্সতিত্যুত ওফ বাইওকেমিকেল জিনোমিক্স (এন.আই.বি.এম.জি.-কল্যানি)না লুচিংদুনা পাঙথোকখি।

সিক্বেন্সশিং অসি মালেমগী মফম কয়াদা লৈরিবা রিসর্চররশিংনা শীজিন্নবা য়ানবা গ্লোবেল ইনিসিএতিব ওন সিয়রিং ওল ইন্দিয়া ইনফ্লুয়েঞ্জা দেতা (জি.আই.এস.এ.আই.দি.)দা অপলোদ তৌখি।হায়রিবা সিক্বেন্সশিং অসি ‘পান ইন্দিয়া ১০০০ সার্স-কোব-২ আর.এন.এ. জিনোম সিক্বেন্সিং কন্সোর্তিয়ম’গী মখাদা অপলোদ তৌখি। জি.আই.এস.এ.আই.দি.গী ৱেবসাইদকী লিঙ্ক অসি https://www.gisaid.orgনি। হৌজিক্তি মসি রিসর্চররশিংদা ফংহল্লে।

লৈবাক অসিগী ওইনা কোবিদকী বেক্সিন কেন্দিদেৎ ৩০ ময়াদি ইন্দস্ত্রী অমসুং একাদেমিয়ানা পুথোকপগী তোঙান তোঙানবা তাঙ্ককশিংদা লৈরি। বেক্সিনশিং অসি প্রি-ক্লিনিকেল অমসুং ক্লিনিকেল দিবেলপমেন্তগী তোঙান তোঙানবা তাঙ্কক্তা লৈরি মসিগী মনুংদা কেন্দিদেৎ ৩দি ফেস I/II/III ত্রাইলশিংগী এদভান্স স্তেজতা লৈ অমসুং ৪না এদভান্স প্রি-ক্লিনিকেল দিবেলপমেন্ত স্তেজতা লৈরি। বেক্সিন পুথোকপগা মরী লৈনবা রিসর্চ রিসোর্সশিং, ক্লিনিকেল ত্রাইএলশিং তৌনবা মফমশিং শেমগৎপা আমসুং ঙাক্না চৎকদবা গাইদলাইনশিং খঙহন্নবা মতেংসু ফংহল্লি।

বেক্সিন য়েন্থোকপা অমসুং ইম্ম্যুনাইজেসনগা মরী লৈনবা হিরমশিংদা অৱাংবা থাক্কী এক্সপর্ত গ্রুপ অমনা য়েংশিল্লি। কোরোনা ভাইরস বেক্সিন য়েন্থোকপা অমসুং ইম্ম্যুনাইজেসন তৌবা অসি ফংবগী মখা পোল্লি। ফংবা তারবদি মসি য়ুনিভর্সেল ইম্ম্যুনাইজেসন প্রোগ্রাম (য়ু.আই.পি.)গী মকাদা হৌজিক চত্থরিবা বেক্সিব য়েন্থোকপগী চপ মান্নবা পথাপ অসি ঙাক্লগা কোরোনা ভাইরস বেক্সিন অসি য়েন্থোক্কনি।

মসিগী ই-পাউ অসি সাইন্স অমসুং তেক্নোলোজী, অর্থ সাইন্সেস অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দা হর্শ বর্ধন্না লোক সভাদা ঙসি অইবা পাউখুম ওইনা পীখি।

*****