সরকারনা মীয়ামদা নুপীশিং য়াওনা মথৌ পাঙথোক্লিঙদা কোবিদ-১৯তগী ঙাকথোক্নবা চেকশিল থৌরাং পুম্নমক লৌখৎনবা খঙহনখ্রে। য়ুমদগী থবক শুবা, ওনলাইনদা তাকপী তম্বীবা, তেলি মেদিসিন কন্সল্তেসনশিং অসিনচিংবা খোঙথাংশিং লৌখৎনবা হৌগৎলি। কোবিদ-১৯ লায়চৎ মনুং অসিদা তঙাই ফদবা সর্ভিসশিং ফংহন্নবা অঙ্গনৱাদি ৱার্করশিং, এ.এন.এম.শিং অমসুং আশাশিংনা মথৌ তৌরি।

ওক্তোবর ১, ২০১৯দগী চৎনবা হৌদুনা সরকারনা অঙ্গনৱাদি ৱার্করশিং (এ.দবল্যু.দবল্যু.শিং)গী ওনরেরিয়ম অসি থা অমদা লুপা ৩,০০০/-দগী লুপা ৪,৫০০/-দা; মিনি-এ.দবল্যু.সি.শিংদা লৈবা এ.দবল্যু.দবল্যু.শিংগী থা অমদা লুপা ৩,৫০০/-দগী লুপা ২,২৫০/-; অঙ্গনৱাদি হেল্পরশিংগী (এ.দবল্যু.ঐচ.শিং) থা অমদা লুপা ১,৫০০/-দগী লুপা ২,২৫০; অমসুং এ.দবল্যু.ঐচ.শিংদা থা অমদা থবক ফজনা তৌবগা মরী লৈনবা ইন্সেন্তীব লুপা ২৫০সু পীবা হোরগনি। মখা তানা এ.দবল্যু.দবল্যু.শিংনা পোশন অভিয়ানগী মখাদা আই.সি.দি.এস.-সি.এ.এস. শীজিন্নবগীদমক থা অমদা থবক ফজনা তৌবগা মরী লৈনবা ইন্সেন্তীব লুপা ৫০০ পীবগী অয়াবা পীখ্রে।

ভারত সরকারনা পীরিবা ওনরেরিয়মগী মথক্তা, রাজ্যশিং/য়ু.তি.শিংনসু মখোয় মশাগী রিসোর্সশিংদগী ৱার্করশিং অসিদা শেলগী তেংবাংসু পীরি।

আশাশিংগী পীনবা জাতিগী থাক্তা লেপ্নখিবা ইন্সেন্তীবশিং চাং নায়না য়েংশিল্লি অমসুং আশাশিংনা ইন্সেন্তীবশিং ফংগদবা থবক থৌরমশিং মতম মতমগী মতুং ইন্না পাকথোক চাউথোক্লি। মসিগী আশাশিংদা পীবা ইন্সেন্তীবশিং অসি রাজ্য/য়ু.তি.শিংনা চাদিং তৌরিবা অদুগী অহেনবনি। শেনবা চহি ২০১৮-১৯দা কেন্দ্রগী মন্ত্রী মন্দলনা এন.ঐচ.এম.গী মখাদা আশাশিংদা চাং নায়না পীরিবা ইন্সেন্তীবকী শেনফম অসি থা অমদা লুপা ১০০০দগী থা অমদা লুপা ২০০০ ওইহন্নবা অয়াবা পীখ্রে। কোবিদ-১৯গী লায়চৎ অসিগা মরী লৈনবা থবক থৌরমশিংদা চাউনা মতেং পাংবগীদমক অহেনবা ইন্সেন্তীব ওইনা থা অমদা লুপা ১০০০সু পীরি। পীরিবশিং অসিগী মথক্তা, রাজ্যশিং/য়ু.তি.শিংনা আশাশিংগীদমক চেকশিল থৌরাংগী মাস্কশিং অমসুং সেনিতাইজরশিং পীনবা প্রোবিজন ফংহন্নবা খঙহনখ্রে অমসুং হন্দক্তা হৌদোকখিবা প্রধান মন্ত্রী গরিব কল্যান পেকেজকী মখাদা আশা য়াওনা হেল্থ ৱার্কর পুম্নমক্কীদমক ইন্সুরেন্স স্কিম চৎনবা হৌখ্রে। ইন্সুরেন্স স্কিম অসিনা কোবিদ-১৯না মরম ওইদুনা লৈখিদবা নত্রগা কোবিদ-১৯গা মরী লৈনবা মথৌ তৌবদা খুদোংথিবা থোক্লবদি লুপা লাখ ৫০গী ইনসুরেন্স কভর তৌগনি।

মসিগী ই-পাউ অসি ৱুমেন অমসুং চাইল্দ দিবেলপমেন্তগী কেন্দ্রগী মন্ত্রী স্ম্রীতি জুবিন ইরানিনা রাজ্য সভাদা ঙসি অইবা পাউখুম ওইনা পীখি।

*****