نئی دلّی ،16 ستمبر / / امورِ داخلہ کے وزیر مملکت  جناب جی کشن ریڈی نے آج راجیہ سبھا میں ایک سوال کا تحریری جواب  دیتے ہوئے  ایوان کو بتایا کہ امن و قانون اور پولیس   ، ہندوستانی آئین کے ساتویں شیڈول کے مطابق ریاستی  دائرۂ اختیار کے معاملات ہیں ۔ البتہ نیشنل  کرائم  ریکارڈ بیورو  ( این سی آر بی ) ایک مرکزی ایجنسی ہے  ، جو ریاستوں اور مرکز کے زیرِ انتظام علاقوں کے رپورٹ کردہ  جرائم  کے اعداد و شمار  مرتب کرتی ہے  اور "بھارت میں جرائم " نامی اپنے سالانہ  اشاعت میں اسے شائع کرتی ہے ۔ جدید ترین  شائع کی گئی رپورٹ سال 2018 ء کی ہے ۔ اس رپورٹ کے مطابق  سال ، 2016 ء ، 2017 ء اور 2018 ء میں انسدادِ دہشت گردی قانون یعنی  غیر قانونی سرگرمیوں کی روک تھام  کے قانون ، 1967 ( یو اے پی اے ) کے تحت بالترتیب کل 922 ، 901 اور 1182 معاملات درج کئے گئے  اور کل 999 ، 1554 اور 1421 افراد کو گرفتار کیا گیا  ۔

          این سی آر بی سے موصولہ معلومات کے مطابق کل 232 ، 272 اور 317 معاملات ہیں ، جن میں سکیورٹی ایجنسیوں نے  انسدادِ دہشت گردی قانون یعنی  غیر قانونی  سرگرمیوں کی روک تھام کے قانون ، 1967 ( یو اے پی اے ) کے تحت ملک میں  سال 2016 ء ، 2017 ء اور 2018 ء میں  معاملات درج کئے ہیں ۔ اس کے علاوہ ، سال 2017 ء اور 2018 ء میں  ایک سے دو سال میں داخل کردہ فرد جرم کی  تعداد 92 اور 52 ہے ، جب کہ دو سال کے بعد  داخل کردہ فرد جرم  کی تعداد  بالترتیب 31 اور 10 ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) (16-09-2020)

U. No.  5482