نئی دلّی ،16 ستمبر / مختلف قسم کے طبی  ساز و سامان  جیسے پی پی ای کور آل ، 2 / 3 پلائی والے ماسک  ،  فیس شیلڈ  ، سینی ٹائزر ( ڈسپنسر پمپ کے ساتھ کنٹینر میں بر آمد کئے جانے کے علاوہ ) ، ہائیڈروکسی کلورو کوئن  اے پی آئی اور اس کے اجزاء ، 13 دیگر ادویاتی اجزاء اور  اُس سے بنی دوائیں اور وینٹیلیٹر وغیرہ پر  برآمدات پر عائد پابندی  ختم کر دی گئی ہے ۔ اگر چہ  تشخیصی کٹ   ، این 95 / ایف ایف پی دو ماسک  کی  برآمدات  پر فی الحال بندش ہے ،  اُن کی بر آمدات کو ماہانہ  کوٹے  کی شرط پر  اجازت دی گئی ہے ۔

          طبی ساز و سامان کی بر آمدات پر  پابندی  کووڈ – 19 سے نمٹنے کے لئے اِن اشیاء کی ملک میں دستیابی کو یقینی بنانے کے لئے عائد کی گئی تھی۔  اب اِن پر  ایک تجزیہ کی بنیاد پر  ، جو  ملک کی ضروریات   ، پیداواریت  اور  بر آمدات کے لئے اضافی  اشیاء کی دستیابی کی بنیاد پر  اجازت دی گئی ہے ۔

          20 مارچ ، 2020 ء سے پہلے  پی پی ای کور آل کی ضروریات  کو  درآمدات کے ذریعے  پورا کیا جا رہا تھا  کیو نکہ کووڈ – 19 کی ضروریات کے لئے ملک میں   ، اِس کی پیداوار محدود تھی  لیکن بعد میں پی پی ای کور آل  کی تیاری   1.5 کروڑ یونٹ فی ماہانہ  تک پہنچنے  کے بعد  ، اِس کی بر آمدات پر عائد پابندی ہٹا دی گئی ہے ۔ الکہل پر مبنی ہینڈ سینی ٹائزر کی  دستیابی  10 لاکھ لیٹر   سالانہ تھی ۔ بعد میں اِس کی  پیداواری صلاحیت کو بڑھا کر   38 لاکھ لیٹر یومیہ کر دی گئی ہے  ، جس سے  الکہل پر مبنی ہینڈ سینی ٹائزر  کی بر آمدات  پر عائد  پابندی ہٹا دی گئی ہے  ( ڈسپنسر پمپ کے ساتھ کنٹینر میں بر آمدات  کے علاوہ ) ۔

          ملک میں وینٹی لیٹر کی پیداوار ، جو جنوری ، 2020 ء سے پہلے بہت معمولی  تھی ،  میں اضافہ کیا گیا ہے اور  اب ملک میں  اتنے وینٹی لیٹر تیار ہو رہے ہیں ، جنہیں بر آمد کیا جا سکتا ہے ۔

          یہ معلومات آج لوک سبھا میں  کامرس و صنعت کے مرکزی وزیر   جناب پیوش گوئل نے  ایک تحریری سوال کے جواب میں دی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) 

U. No.  5478