তোঙান-তোঙানবা মেদিকেলগী পোৎলমশিং হায়বদি পি.পি.ই কভরওলশিং, ২/৩ প্লাই মাক্সশিং, ফেস সিল্দশিং, সেনিতাইজরশিং(দিস্পেন্সর পম্পশিং য়াওবা নত্তনা), হায়দ্রোজিক্লোরোকুইন এ.পি.আই অমসুং মসিগী মচলশিং, অতোপ্পা ফর্মাসিউতিকেল এ.পি.আইশিং অমসুং মসিগী মচলশিং অমসুং ভেন্তিলেতরশিং মপান্দা থাদোকপদা অথিংবা লৈরম্বা অদু লৌথোক্লে। অদুবু দাইগনোস্তিক কিৎশিং, এন-৯৫/এফ.এফ.পি২ মাক্সশিং মপান্দা থাদোকপা হৌজিক অথিংবা থম্লি, থাগী কোতা ওইনা মখোয় থাদোকপগী অয়াবা পীরে।  

কোবিদ-১৯ থেংন্নবা হায়রিবা পোৎলমশিং অসি লৈবাক অসিদা ফংনবা মেদিকেলগী পোৎলমশিং মপান্দা থাদোকপদা অথিংবা থমখিবনি। লৈবাক অসিগী দরকার ওইবশিং, পুথোকপা ঙম্বগী চাং অমসুং মপান্দা থাদোক্নবা অহেনবা পোৎলমশিং মতম মতমগী মতুংইন্না য়েংশিল্লবা মতুংদা হায়রিবা পোৎলমশিং মপান্দা থাদোকপদা অথিংবা থম্লম্বা অদু কোমথোকপনি।

২০২০গী মার্চ ২০ মমাংদা, কোবিদ-১৯গী দরকার ওইবা চুনবা পি.পি.ই কভরওলশিং লৈবাক অসিদা অকক্নবা মশিং খর খক পুথোকপদগী দরকার ওইবা পি.পি.ই কভরওলশিং মপান্দগী পুশিল্লকখি। লৈবাক অসিদা থা অমদা পি.পি.ই কভরওল য়ুনিৎ করোর ১.৫ পুথোকপা ঙম্বদগী পি.পি.ই কভরওলশিং মপান্দা থাদোকপদা অথিংবা লৈরম্বা অদু লৌথোকখিবনি। চহি অমদা য়ুদা য়ুম্ফম ওইবা হেন্দ সেনিতাইজর লিতর লাখ ১০ পুথোকপা ঙম্লে। মসি পুথোকপা ঙম্বগী চাং অসি নোংমদা লিতর লাখ ৩৮দা হেনগৎলে। মসিদগী য়ুদা য়ুম্ফম ওইবা হেন্দ সেনিতাইজরশিং(দিস্পেন্সর পম্পশিং য়াওবা নত্তনা) মপান্দা থাদোকপদা অথিংবা থম্লিবা অসি লৌথোক্লগনি।

২০২০গী জনুৱারিদা লৈবাক অসিদা মশিং য়ামদনা ভেন্তিলেতরশিং পুথোক্লম্বা অদু ঙসি লৈবাক অসিদা শাবা ভেন্তিলেতরশিং মপান্দা থাদোক্নবা ভেন্তিলেতরশিং পুথোকপা হেনগৎলে ।

ঙসি লোক সভাদা অইবা ওইনা পীবা পাউখুম অমদা ৱাফমশিং অসি কমর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়ালনা ফোঙদোকখিবনি।

******