ঙসি রাজ্য সভানা ইন্সতিত্যুৎ ওফ তিচিং ইন রিসর্স ইন অয়ুরবেদ বিল, ২০২০গী পয়াবা পীখ্রে। বিল অসি লোক সভাদা মার্চ ১৯, ২০২০দা হান্না অয়াবা পীখ্রবনি। মসিনা গুজরাতকী জাম্নগরদা ইন্সতিত্যুৎ ওফ তিচিং অমসুং রিসর্স ইন অয়ুরবেদ (আই.তি.আর.এ.) কৌবা মতমগী তেক্নোলোজীগা চান্নবা ইন্সতিত্যুৎ অমা লিংখৎপগী থবক পাঙথোকপা অমসুং মসিবু ইন্সতিত্যুসন ওফ নেস্নেল ইম্পোর্তেন্স (আই.এন.আই.)গী থাক্তা লৈহনবা য়াহল্লগনি।

আই.তি.আর.এ. অসি হৌজিক হৌজিক জাম্নগরগী গুজরাত অয়ুরবেদ য়ুনিবর্সিতী কেম্পস্তা লৈরিবা ইন্সতিত্যুসনশিং অসিবু পুন্সিন্দুনা শেমগদবনি। মসিগী মনুংদা অৱাংবা থাক্তা ইকায় খুম্নরিবা ইস্নতিত্যুসনশিং, মিং ওইনা পল্লবদা ১) ইন্সতিত্যুৎ ফোর পোস্ত গ্রেজুএৎ তিচিং এন্দ রিসর্স ইন অয়ুরবেদ, ২) শ্রী গুলব কুনভেরবা অয়ুরবেদ মহাবিদ্যালয়া, ৩) ইন্সতিত্যুৎ ওফ অয়ুর্বেদিক ফার্মাস্যুতিকেল সাইন্সেস অমসুং ৪) মহারশি পত্তাঞ্জলি ইন্সতিত্যুৎ ফোর য়োগ নেচ্যুরোপেথী এজুকেসন অমসুং রিসর্স (হৌদোক্লিবা আই.তি.আর.এ.গী স্বস্থব্রিত্তা বিভাগকী শরুক অমা ওইগদবা) অসিনি। মসিগী ইন্সতিত্যুৎশিং অসি হৌখিবা দিকেস খরদা হৌদোকখিবনি অমসুং মখোয়শিং অসিনা নক্নবা পুন্দুনা অয়ুরবেদগী ইন্সতিত্যুসনশিংগী ইমুং মনুং অমা শেম্লিবনি।

মসিগী হৌদোক্লিবা অসিনা থবক ওইনা পাঙথোকপা মতমদা ইন্সতিত্যুৎ কয়া অমদা মখা তানা নিংতম্বা পীদুনা অয়ুরবেদ অমসুং ফার্মাসীগী অন্দরগ্রেজুএৎ অমসুং পোস্ত-ফ্রেজুএৎকী এজুকেসন্দা মহৈ তম্বীবগী অনৌবা মওং অমা পীগনি। ইন্সতিত্যুসন ময়াম অসিনা পুন্সিনবা অসিনা আই.তি.আর.এ.দা অসিগুম্বা মহৈ-তম্বগী হীরম অসিদা থাক ৱাংবা ইন্সতিত্যুসন অমা ওইবা ঙম্বগী মতিক উত্তুনা আয়ুশ সেক্তরগী মনুংদা লমজিং লমতাকপা ঙম্বা ইন্সতিত্যুসন অমা ওইরকপা ঙমহনগনি। মসিনা ফার্মাসী য়াওনা অয়ুরবেদগী মরু ওইবা মশাশিংগী মতাংদা অৱাংবা থাক্কী ত্রেনিং  পীবা ঙমগনি হায়বগী থাজবা থম্লি অমসুং অয়ুরবেদগী মতাংদা মনুং হুৎপা রিসর্সকী থবক কয়াসু পায়খৎপা ঙমহল্লগনি।

আই.তি.আর.এ. অসিনা আয়ুশ সেক্তরগী মনুংদা আই.এন.আই.গী থাক্তা লৈবা অহানবা ইন্সতিত্যুসন ওইরগনি অমসুং মসিনা ইন্সতিত্যুসন অসিবু কোর্স কন্তেন্ত অমসুং মহৈ তম্বীবগী মওং শেম্বদা নিংখা তম্বা ফংহন্দুনা অনৌবা থৌওং কয়াসু পাঙথোকহনবা ঙম্লগনি। মসিগী ৱারেপ অসি মালেম্না নাৎকী ওইবা লৌশিং শিজিন্নদুনা হকশেলগী ৱারোইশিন পুরকপগী হীরমদা থৱাই কন্না চঙলিবা মতমদা লাকখি অমসুং আই.তি.আর.এ.না অয়ুরবেদগী এজুকেসন অসিবু অনৌবা মাইকৈদা পুনবা শেম শাদুনা লৈরি।

******