অসমদা ইন্দিয়ন এগ্রিকলচরেল রিসর্স ইন্সতিত্যুৎ

আই.সি.এ.আর.- ইন্দিয়ন এগ্রিকলচরেল রিসর্স ইন্সতিত্যুৎ, অসম লিংখৎনবগী উরেপ উয়ুং প্রধান মন্ত্রী শ্রী নরেন্দ্র মোদীনা মে ২৬, ২০১৭দা তমখ্রে। অপুনবা লম একর ৫৮৭গী মনুংদা একর ৪৫দি একাদেমিক কম রেসিদেন্সিএল কেম্পস ওইনা শেমগৎকনি, মসিগী ফিবম মখাদা পীরিঃ

১) লম একর ৪৫গী বাউন্দরী ৱাল অমসুং প্রিফেব্রিকেতেদ বিল্দিংদা পায়খৎকদবা সিবিল ৱার্কশিং তৌখ্রে।

২) একাদেমিক কম এদ্মিনিস্ত্রেতিব বিল্দিং, লম্বী অমসুং সাইৎ দিবেলপমেন্ত শাগৎপগী থবক ফেব্রুৱারী ২০২০দগী হৌখি।

৩) মীথুংশঙশিংগী থবক্কী অয়াবা পীখ্রে।

৪) সাইন্তিস্ত য়াংখৈ মাপনগী পোস্ত নৌনা থাখ্রে অমসুং সাইন্তিস্ত মরিসু পোস্ত তৌখ্রে।

৫) ২০১৫-১৬গী একাদেমিক সেসন্দগী হৌদুনা, আই.এ.আর.আই.-অসমগী মহৈরোইশিংনা আই.এ.আর.আই., নৈ দিল্লীদা এম.এস.সি. দিগ্রীগীদমক চহী খুদিংগী চাং নাইনা মিং চললি। হৌজিক ফাওবদা, অপুনবা ওইনা এম.এস.সি. মহৈরোই ৫৫না মিং চনখিবগী মনুংদা মহৈরোই ২৮না এম.এস.সি. দিগ্রী পীখ্রে অমসুং ২৩না তম্লি। অৱাং নোংপোক লমদমদা মপুং ওইনা অমসুং অসমগা মরী লৈননা পাঙথোকপা ফীল্দ রিসর্স ৱার্কশিং মহৈরোইশিংনা পায়খৎলি।

৬) আই.এ.আর.আই., গোগামুখ মশামক্তা ২০২০-২১গী একাদেমিক সেসন হৌনবগী থৌরাংশিং কন্না পায়খৎলি। হৌজিক ওইরিবা লাইচৎ অসিনা চাউখৎপদা চাউনা অকাইবা পীরি অমসুং লাক্কদবা থা খরসিদা ওইগদবা ফিবম্না মহৈরোইশিংবু গোগামুখতা হোংদোকপগী থবক লেপকনি।

ই-পাউ অসি কেন্দ্রগী লৌউশিংউ অমসুং লৌমীশিংগী য়াইফ-থৌরাং মন্ত্রী শ্রী নরেন্দ্র সিংহ তোমারনা লোক সভাদা ঙসি অইবা পাউখুম ওইনা পীখিবনি।

*****