ভারত সরকারনা ২০১৮-১৯দগী স্কুল ইজুকেসনগী অপুনবা স্কিম সামগ্রা সিক্ষা হৌদোকখ্রে, মসিনা প্রি-স্কুলদগী ক্লাস ১২ ফাওবা কোনশিল্লি অমসুং স্কুল ইজুকেসনগী থাক খুদিংমক্তা পুম্নমক কোনশিনবা অমসুং মগুন লৈবা ইজুকেসন ফংহন্নবা পান্দম থম্লি। স্কিম অসিগী মখাদা ‘স্কুল’ হায়বসিদা প্রি-স্কুল, প্রাইমারি, উপ্পর প্রাইমারি, সেকেন্দরি অমসুং সেনিয়র সেকেন্দরি থাকশিং মনুংচল্লি অমসুং মমাংদা লৈরম্বা কেন্দ্র সরকারনা শেন্থং পুথোকপা স্কিম অহুম হায়বদি সর্ভ সিক্ষা অভিয়ান(এস এস এ), রাস্ত্রিয়া মৈধ্যমিক সিক্ষা অভিয়ান(আর এম এস এ) অমসুং তিচর ইজুকেসন পুনশিনবনি।

স্কিম অসিগী মরুওইবা পান্দমগী মনুংদা অমদি স্কুল ইজুকেসনগী থাক খুদিংমক্তা খুন্নাইগী কাংলুপশিংগী মরক্তা লৈরিবা খেন্নবশিং অমসুং নুপা-নুপীগী খেন্নবশিং লৈহন্দবনি। স্কিম অসিনা সেদুল ত্রাইব, সেদুল কাস্ত, অপীকপা কাংলুপকী নুপীমচাশিং অমসুং ত্রান্সজেন্দরশিংদা কান্নবা ফংহল্লি। স্কিম অসিনা সহরগী লায়রবা অঙাংশিং, মতম মতমগী য়ুম হোংবদগী শোকহল্লবা অঙাংশিং অমসুং মনুং হুঞ্জিনবা মী লন্না তাবা মফমশিংদা লৈবা অঙাংশিংসু খুদোংচাবা পীরি। স্কিম অসিগী মখাদা স্পিসিএল ফোকস দিস্ত্রিকশিং, ইজুকেসনেল বেকৱার্দ ব্লোকশিং, চাউখৎত্রিবা জিলাশিংদা প্রাইমারি স্কুলশিং, উপ্পর প্রাইমারি স্কুলশিং লিংখৎলি, অহেনবা কা কয়া হাপচিল্লে, কাসতুরবা গান্ধী বালিকা বিদ্যলায়াশিং লিংখৎলে।

লাইরিক তম্বগা মরী লৈনবা দিজিতেল/ওনলাইন/ওন-এয়রগী থবকশিং অপুনবা পি.এম ই-বিদ্যা কৌবা থৌরাং অমদা পুনশিল্লে। মসিনা লৈবাক অসিগী মহৈরোই করোর ২৭ রোম কান্নবা ফংগনি। পায়খৎলিবা থবকশিং অদুগী মনুংদা য়াওরিবশিংদি :

• দিকসা, রাজ্যশিং/য়ু.তিশিংদা স্কুলদা মগুন লৈবা ই-কন্তেন্ত পীনবা লৈবাক্কী দিজিতেলগী মচাকশিং শেমগৎপা অমসুং ক্লাস খুদিংদা ক্বিউ আর কোদ তৌরবা তম্না লাইরিকশিং পীবা(লৈবাক অমা, দিজিতেল প্লেওফোর্ম অমা)।
• ক্লাস ১দগী ১২ ফাওবগী ক্লাস অমগী শ্বায়াম প্রভাদা তি.ভি চেন্নেল অমা খাক্তুনা থম্বা(ক্লাস অমা, চেন্নেল অমা)
• শ্বায়াম পোর্তেল, ই-পাথসালা, রেদিও, কমুনিতি রেদিও অমসুং সি.বি.এস.ই পোদকাস্ত – সিক্ষাবানি মপুংফানা শীজিন্নবা
• দিজিতেলি এসেসিবল ইনফোরমেসন সিস্তেমদা মিৎ উদ্রবা অমসুং না তাদ্রবশিংগী অখন্নবা ই-কন্তেন্তশিং শেমগৎপা অমসুং এন.আই.ও.এসকী ৱেবসাইত/য়ুতুবদা সাইন লেঙ্গোইজ য়াওহনবা

ঙসি লোক সভাদা য়ুনিয়ন ইজুকেসন মিনিস্তর রামেস পোখ্রিয়াল ‘নিসানক’না অইবা ওইনা পীবা পাউখুম অমদা ৱাফমশিং অসি ফোঙদোকখিবনি।

*****