ভারত সরকারনা জুন ৪, ২০১৮দা বাইওফুএলস-২০১৮গী মতাংদা নেস্নেল পোলিসী অমগী ৱারোল অমা থোকখ্রবনি। পোলিসী অসিনা লৈবাক শিনবা থুংনা ইং ২০৩০ ফাওবগী মনুংদা পেত্রোলদা ইথানোল য়ানবগী ২০% অমসুং দিজলদা বাইওদিজল য়ানবগী ৫% চাং য়ৌনবা পান্দম অমা থমখিবনি।

ইথানোল য়াল্লবা পেত্রোল (ই.বি.পি.)গী মখাদা ইথানোল লৈবগী থৌওং অসি ইথানোল পীবগী চহি (ই.এস.ৱাই.) ২০১৩-১৪দা ওইরম্বা লীতর করোর ৩৮ ওইরম্বা অসুদগী ই.এস.ৱাই. ২০১৮-১৯দা শরু মঙাগী চাংদা হেনগত্তুনা লীতর করোর ১৮৮.৬তা হেনগৎখি।

য়ানশিন্নবা থৌওংগীদমক্তা ইথানোল শুংবা হেনগৎহন্নবা পায়খৎখিবা মরু ওইবা খোঙথাংশিং অদুদা য়াওবশিং অদু মখাদা পীরিঃ

১) চুহিং অমসুং চিনি মহিদগী ইথানোল পুথোকপদা পুক্নিং থৌগৎপা।

২) তোঙান তোঙানবা ফীদ স্তোকশিংদগী ইথানোল লৈবগী এক্স-মিলদা হঞ্জিংদবা মমল লেপ্পা।

৩) দিস্তিল্লরীশিংদা ইন্তরেস্ত কোকপগী থৌওংশিং।

৪) ইথানোল ব্লেন্দেদ পেত্রোল প্রোগ্রাম (ই.বি.পি.)গী মখাদা দিনেচরদ ইথানোল পুথোক পুশিন তৌবদা কোমথোক্নবা ইন্দস্ত্রীজ (দিবেলপমেন্ত অমসুং রীগুলেসন) এক্ত, ১৯৫১দা শেমদোকপা।

৫) ই.বি.পি. প্রোগ্রামগী পুথোকপা ইথানোলগী গুদস অমসুং সর্বিসে তেক্সতা ১৮%দগী ৫%দা হন্থবা।

৬) ই.বি.পি. প্রোগ্রাম্বু অন্দমান অমসুং নিকোবর অমসুং লক্ষদ্বীপকী য়ু.তি.শিং নত্তনা ভারত পুম্বগী মফমশিংদা ১/৪/২০১৯দগী চৎনহনখিবা।

৭) ওইল মার্কেতিং কম্পেনীশিংগী মফমশিংদা ইথানোল থমফম হেন্না ফগৎহনবা।

৮) ইথানোল ব্লেন্দেদ পেত্রোল (ই.বি.পি.) প্রোগ্রামগী মখাদা তুং কোইনা চৎনগদবা ইথানোল লৈবগী পোলিসী অমা শেম্বা।

ইথানোল সপ্লাই তৌবগী চহি (ই.এস.ৱাই.) ২০১৯-২০গী ওইনা (দিসেম্বর ১, ২০১৯দগী নবেম্বর ৩০, ২০২০) ওইল মার্কেতিং কম্পেনীশিংনা ৭/৯/২০২০ ফাওবগী মনুংদা অহানবা জেনেরেশনগী ইথানোল লীতর করোর ২০৫.৯২ লৈনিংবগী অপাম্বা ফোঙদোকখ্রে।

সরকারনা ইথানোলগী সপ্লাইদা হেনগৎহন্নবা হায়দুনা পেত্রোকেমিকেল রৌৎ য়াওনা সেলুলোসিক অমসুং লিঙ্গো-সেলুলোসিক মেতরীএলগুম্বা নন-ফীদ স্তোক্কুম্বদগী পুথোকপা ২শুবা জেনেরেসনগী ইথানোল লৈশিনবা য়াবগী অয়াবা পীখ্রে। মসিগী মতুং ইন্না ওইল পি.এস.য়ু.শিংনা লৈবাক অসিগী রাজ্য ১১দা ২জি. ইথানোল বাইও-রীফাইনরী ১২ লিংখৎনবা থৌরাং তৌখ্রে।

বাইওফুএলশিংগা য়ানশিন্নরবা ফুএলশিং অসি পব্লিক সেক্তর ওইল কম্পেনীশিংনা ফুএলশিং অসি ফংবগী মতুং ইন্না লৈবাক শিনবা থুংনা লৈরিবা রিতেল আউৎলেতশিংদগী (অন্দমান অমসুং নিকোবর অমসুং লক্ষদ্বীপকী য়ু.তি.শিং নত্তনা) য়োনবগী থবক চত্থরি।

মখা তাবা ওইনা অনৌবা আউৎলেৎশিংদগী বাইও-ফুএল য়োনবদা খুমাং চাউশিলহন্নবা হায়দুনা সরকারগী শেমদোক্লবা কাঙলোনশিং অসি ৮/১১/২০১৯দা ফোঙখি।

মসিগী চৎন-কাঙলোনশিং অসিদা হৌজিক মীয়াম্না শিজিন্নরিবা ফুএলশিংগী মথক্তা য়োনবগী অয়াবা পীরবা এন্তাইতীশিং অসি য়োন্নবা রিতেল আউৎলেৎ অসিনা থবক হৌবগী চহি ৩গী মনুংদা  কম্প্রেসদ নেচরেল গ্যাস (সি.এন.জি.), বাইওফুএল, লিক্বিফাইদ নেচরেল গ্যাস (এল.এন.জি.)কুম্বা অনৌবা জেনেরেসনগী অলতর্নেতিব ফুএলগী য়োনফমগী খুদোংচাবা লৈহনবগা লোইননা এলেক্ত্রিক গারিগী চার্জিং পোইন্তনচিংবা কয়া আউৎলেৎ অসিদা লৈহন্দুনা য়োনগদবা এন্তাইতীশিং অসিগী মরী লৈনবা কাঙলোনশিং ইনবা থৌওংশিং পাঙথোক্কদবনি হায়না পল্লি।

মথক্তা পনখ্রিবা পাউদমশিং অসি কেন্দ্রগী পেত্রোলিয়ম অমসুং নেচরেল গ্যাস মন্ত্রী শ্রী ধরমেন্দ্র সিংহ প্রধান্না ঙসি লোক সভাদা অইবা ৱারোল অমা ওইনা পীরকখিবনি।

*****