লৌউ-শিংউদা অহোংবা অমা পুরক্নবা অমসুং লৌমীশিংগী চাগা হেনগৎনবগী পান্দম থম্লিবা বিল অহুম লোক সভাদা ঙসি পুথোকখ্রে, মসিনা জুন ৫, ২০২০দা শেমখিবা ওর্দিনান্সকী মহুৎ শিল্লগনি-

১. লৌমীশিংগী পোত্থোকশিংগী লল্লোন ইতীক (প্রোমোসন অমসুং ফেসিলিতেসন) বিল ২০২০

২. লৌমীশিং (এম্পাৱরমেন্ত অমসুং প্রোতেক্সন)না য়ানরবা মমলগী এজুরেন্স অমসুং ফার্ম সর্বিস বিল ২০২০

৩. ইসেন্সিএল কোমোদিতীজ (এমেন্দমেন্ত) বিল ২০২০

কেন্দ্রগী লৌউ-শিংউ অমসুং লৌমীশিংগী য়াইফ থৌরাং, খুঙ্গং চাউখৎ থৌরাং অমসুং পঞ্চায়তী রাজ মন্ত্রী শ্রী নরেন্দ্র সিংহ তোমারনা লৌমীশিংগী পোত্থোকশিংগী লল্লোন ইতীক (প্রোমোসন অমসুং ফেসিলিতেসন) বিল ২০২০ অমসুং লৌমীশিং (এম্পাৱরমেন্ত অমসুং প্রোতেক্সন)না য়ানরবা মমলগী এজুরেন্স অমসুং ফার্ম সর্বিস বিল ২০২০ অদুগা কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী রাজ্যগী মন্ত্রী ওইরিবা শ্রী রাওসাহেব পতিল দানবেনা ইসেন্সিএল কোমোদিতীজ (এমেন্দমেন্ত) বিল ২০২০ লোক সভাদা পুথোকখি।

বিলশিং অসিবু পুথোকচনবগী অয়াবা লৌরবা মতুংদা শ্রী নরেন্দ্র সিংহ তোমারনা হায়খি মদুদি মসিদা য়াওরিবা খোংথাংশিং অসিনা লৌউ-শিংউগী পোত্থোকশিংদা অথিংবা য়াওদনা লল্লোন ইতীক তৌবা য়াহল্লগনি অমসুং লৌমীশিংদা মখোয়না অপাম্বা ইনভেস্তরশিং খঞ্জনবগী খুদোংচাবা পীগনি হায়খি। মহাক্না হায়খি মদুদি মসিগী খোংথাংশিং অসি সরকার অসিনা ভারতকী লৌমীশিংগী য়াইফথৌরাংশিংগীদমক লেপ্পা লৈতনা লৌখৎপা খোংথাংশিংগী মনুংদা অহানবনি।

লৌমীশিংগী পোত্থোকশিংগী লল্লোন ইতীক (প্রোমোসন অমসুং ফেসিলিতেসন) বিল ২০২০না লৌমী অমসুং লল্লোন ইতীক তৌরিবশিংনা লৌমীশিংগী পোত্থোকশিং লৈবা অমসুং য়োনবা মতমদা মখোয়দা ইফিসিএন্ত ওইবা, মনুং মপান ফাউনা উবা অমসুং রাজ্য অমগা অমগগী মরক্তা অমসুং রাজ্য অমগী মনুংদা অথিংবা লৈতনা চাংদম্নবগী মতৌদা মমল খুদোংচাবা মমল ফংজনবা অমসুং লৌমীশিংগী পোত্থোকশিংবু ফিজকেল ওইবা মফমগী ৱাংমদা নত্ত্রগা তোঙান-তোঙানবা লৌউ-শিংউগী পোত্থোকশিং য়োন্নবগীদমক লাউথোকখ্রবা মফমগী ৱাংমদা য়োনবগী খুদোংচাবা পীগনি; মসিনা ইলেক্ত্রোনিক ত্রেদিং তৌনবগী ফ্রেমৱার্ক অমা শাগৎকনি অমসুং মসিগা মরী লৈনবগী থবকশিংদা খুদোংদোংচানবা হোৎনগনি।

হৌরকফম

ভারত্তা লৈরিবা লৌমীশিং অসি মখোয়না পুথোকচবা পোত্থোকশিংবু য়োন্নবা হোৎনবা মতমদা অথিংবা কয়া মাইয়োক্নৈ। এ.পি.এম.সি. মার্কেৎকী মফমশিংদা নত্তনা লৌউ-শিংউগী পোত্থোক লৌমীশিংনা য়োনবা য়াদে। লৌমীশিংনা রাজ্য সরকারনা শকখঙলবা মফমশিংদতমক পোত্থোকশিং য়োনগদবনি। মসিগী মথক্তা, লৌউ-শিংউগী পোত্থোকশিং রাজ্য সরকারশিংনা এ.পি.এম.সি. লেজিস্লেসন লৈবনা তোঙান-তোঙানবা রাজ্যশিংদা পুথোক পুশিন তৌবদা অথিংবা লৈ। মসিগী লেজিস্লেসন অসি লৈবাক অসিদা লৈরিবা লৌউ-শিংউগী পোত্থোকশিং লৈবা য়োনবা মতমদা থম্বা অথিংবশিং লৌথোক্নবগী পুৱারী ওইহৌরগদবা খোংথাং অমনি। মসিনা লৌমীশিংদা খুদোংচাবা হেন্না পীগনি, লল্লোন ইতীক তৌবদা মমল হন্থরগনি অমসুং মখোয়দা অহেনবা মমল ফংনবা খুদোংচাবা অমা পীরগনি। মসিনা অহেনবা পোত্থোক লৈবা লমগী লৌমীশিংদা অহেনবা মমল ফংলগনি অমসুং পোত্থোক ৱাৎপা লমশিংদনা মমল তানা ফংহল্লগনি।

লৌমীশিং (এম্পাৱরমেন্ত অমসুং প্রোতেক্সন)না য়ানরবা মমলগী এজুরেন্স অমসুং ফার্ম সর্বিস বিল ২০২০না লৌউ-শিংউগী মতাংদা লৌমীশিংনা এগ্রি বিজিনেস ফার্ম, প্রোসেসর, হোল সেল্লর, এক্সপোর্তর নত্ত্রগা অচৌবা রিতেলরশিংগা ফার্মগী সর্বিসশিংগীদমক অমসুং তুংদা পুথোক্কদবা পোৎলমশিং য়োনবদা য়ানরবা মমল অমদা চুম্না অমসুং মনুং মপান ফাউনা উবা য়ানবা মওংদা শেম্বা মতমদা লৌমীশিং ঙাকশেনবীনবা অমসুং শক্তি পীনবগীদমক লৈবাক্কী ওইবা ফ্রেমৱার্ক অমা পীনবা হোৎনরি।

হৌরকফম

ভারতকী লৌউ-শিংউ অসি অপীকপা লমশিংদা তৌবা অমসুং অইং অশাগী ফিবম, চাথোক লৈবগী চাং তম্বা ঙমদবা অমসুং কৈথেলগী ফিবম তম্বা ঙমদবগী নুংঙাইতবা কয়া অমা লৈরি। মসিনা লৌউ-শিংউ তৌবা হায়বসি য়াম্না তম্বা ঙমদবা অমা ওই অমসুং ইনপুৎ অমসুং আউৎপুৎ মেনেজমেন্তকী য়েংলগা য়াম্না মতীক চাদবা অমা ওইরি। মসিগী লেজিস্লেসন অসিনা কৈথেলগী ফিবম তম্বা ঙমদবগী ফিবম অসি লৌমীশিংদগী স্পোন্সর তৌরিবশিংদা শিন্নখ্রগনি অমসুং মসিনা লৌমীশিংদা অনৌবা তেক্নোলোজী অমসুং অফবা ইনপুৎশিং শীজিন্নবা য়ারগনি। মসিনা কৈথেলদা পুথোক্নবা হোৎনবা মতমদা চঙবা শেল হন্থহল্লগনি অমসুং লৌমীশিংগী চাগা হেনগৎলগনি। লৌমীশিংনা হকথেংননা য়োনবা ফংজদুনা দোলালি চাবা মুত্থৎলগনি অমসুং চপ চাবা শেলদুমক ফংজরগনি। লৌমীশিংদা মতীক চানা ঙাকপীরগনি। ৱাথোক থোক্লকপদা থুনা লোইশিনবা মেকানিজম অমসু কোকহন্নবা হোৎনবদা চঙবা মতম মাংহন্দনবগীদমক শেমগনি।

ইসেন্সিএল কোমোদিতীজ (এমেন্দমেন্ত) বিল ২০২০না সেরিএল, পল্সেস, থাউ থোকপা মরু, অচাথাউ, তিলহৌ অমসুং অলুবু ইসেন্সিএল কোমোদিতীদগী লৌথোক্লগনি। মসিনা প্রাইবেৎ ইনভেস্তরশিংনা মখোয়গী লল্লোন ইতীক্তা খুৎ থিংজনবা হন্থরগনি। পুথোক্নিংবা মওংদা পুথোকপা, লেপ্পা, হোংবা, য়েন্থোকপা অমসুং সপ্লাই তৌবদা নীং তম্বা পীবনা ওব স্কেলগী শেন্মিৎলোন শাগৎপদা মতেং পাংগনি অমসুং প্রাইবেৎ সেক্তর /ফোরেন দাইরেক্ত ইনভেস্তমেন্তবু লৌউ-শিংউগী সেক্তরদা পুশিনলকপা ঙমগনি।

হৌরকফম

ভারতনা লৌউ-শিংউগী পোত্থোকশিংদা অহেনবা চাথোক লৈরবসু, ইসেন্সিএল কোমোদিতী এক্তনা মরম ওইদুনা ওন্ত্রপ্রিনরগী ইহুল কয়া লৈতবনা লৌমীশিংনা কোল্দ স্তোরেজ, ৱেইয়রহাউজ, প্রোসেসিং অমসুং ইক্সপোর্ততা শেল থাদবা ৱাৎপনা মমল নিংথীনা ফংবা ঙমজদে। লৌমীশিংনা কা হেন্না চাথোক লৈবা মতমদা চাউনা মাংই, মরুওইনা পৎপা পুম্বা য়াবা পোত্থোকশিংদা। লেজিস্লেসন অসিনা কোল্দ স্তোরেজদা শেল থাদবা নুংঙাইহল্লগনি অমসুং ফুদ সপ্লাই চেন্দা মোদর্নাইজ তৌবা য়ারগনি। মসিনা লৌমী অমসুং লৈরিবশিংদা মতীক চাবা মমল পীবা ঙম্লগনি। মসিনা চাংদম্ননিংঙাই ওইবা কৈথেল অমা শাগৎলগনি অমসুং লৌউ-শিংউগী পোত্থোকশিং তুংশিন্নবগী খুদোংচাবা লৈতবনা মাংবগী চাং হন্থরগনি।

*****