পাৱর অমসুং ন্যু অমসুং রিনেৱেবল ইনর্জিগী য়ুনিয়ন মিনিস্তর ওফ স্তেত (আই./সি.) শ্রী আর.কে. সিংহনা বিহারগী সাহারসাদা কিশেনগনজ-দার্ভানগাগী এল.আই.এল.ও. ৪০০ কে.ভি.গী ত্রান্সমিসন লাইন থম্নবা উরেপ-উয়ুং ভর্চুএল ওইনা তমখ্রে। হায়রিবা অসি পাৱরগ্রীদ লিমিতেৎ অসিনা লুপা করোর ১০০ চংনা পাৱর মিনিস্ত্রীগী মখাদা সেন্ত্রেল পি.এস.য়ুনা পাইবনি।

পাৱরগ্রীদ অসিবু থাগৎপা ফোংদোক্লদুনা শ্রী সিংহনা হায় মদুদি মহারত্নানা স্তেত খুদিং অমসুং মফম অয়াম্বদা মরুওইনা বিহারদা শম্নহন্দুনা অচৌবা থৌদাং লৌরি। ইন্তর-রিজনেল ত্রান্সমিসন সিস্তেম্না বিহার পাৱর সপ্লাই অহোংবা মমলদা পীদৌরি। মহাক্না মখা তানা হায় মদুদি কিশেনগানজ-দারভাঙ্গা ৪০০ কে.ভি.গী ত্রান্সমিসন লাইন প্রোজেক্তনা পাৱর সেনারিওনা সাহার্সা দিস্ত্রীক্ত সুপোল, খাগারিয়া অমসুং বেগুসারাইশিং ফদৎলগনি। অৱাং থংবা বিহারদা মৈ নেম্না লাকপগী অৱাবা লৈররোই অমসুং মথক্কী দিস্ত্রীক্তশিং অসি রিলাইএবল ওইবা পাৱর ওইরগনি।

সাহার্সা অসি বিহারগী মকোক ইথং থংবা অৱাং থংবা মফম্নি অমসুং নেপালদগী ঈশিং লেপ্পা লৈতনা চেনশিল্লকপনা মফম অসি ইচাও থোক্কন্বা মফম্নি। অৱাং থংবা বিহার অসিগী পাৱর ফগৎনবা ৪০০/২২০/১৩২ কে.ভি.গী সবস্তেসন অমা পাৱরগ্রীদনা সাহার্সাদা লিংখৎকদৌরি। সবস্তেসন অসিনা পত্না অমসুং কিশেনগনজ কিশেনগনজ-পত্না ৪০০ কে.ভি. লাইন্না শম্নহনগদৌরি। পত্না অমসুং কিশেনগনজ অনিমক সাহার্সাদগী য়াম্না লাপ্না লৈ অমসুং পুরিবা লাইন অসি তুরেল কয়া অমা লানবা মরম ওইবনা য়াম্না খুদোংথিনিঙাই ওইরি। সেন্ত্রেল ইলেক্ত্রিসিতি ওথোরিতি (সি.ই.এ.) অৱাংথংবা বিহার পাৱরশিং য়েংশিনখ্রে অমসুং মসিদা ৱারেপ অমসু লৌরে মদুদি মখা তাবা শম্ননবা সাহার্স ৪০০ কে.ভি. সবস্তেসন অমা দার্ভানঙ্গাদা লিংখৎলগনি। মসিগা মান্নবা থৌরাং অমা এল.আই.এল.ও. কিশনগনজ দারভাঙ্গা লাইন অমা শেমলগনি।   

*****