ভারতকী রাস্ত্রপতি শ্রী রাম নাথ কোবিন্দনা ভেতেরান এক্তর পরেস রৱাল নেস্নেল স্কুল ওফ দ্রামা সোসাইতিগী অনৌবা চিয়রমেন ওইনা হাপ্লে। পরেস রৱাল থাগৎলদুনা কলচর অমসুং তুরিজমগী রাজ্য মন্ত্রী প্রাহলাদ সিংহ পতেলনা হায়খি মহাক্কী হৈশিংবা অদুনা লৈবাক অসিগী মহৈরোইশিং অমসুং কলাকারশিংদা কান্নবা পীগনি।

प्रख्यात कलाकार मा @SirPareshRawal जी को महामहिम @rashtrapatibhvn द्वारा @nsd_india का अध्यक्ष नियुक्त किया है।उनकी प्रतिभा का लाभ देश के कलाकारों एवं छात्रों को मिलेगा ।हार्दिक शुभकामनाएँ @PMOIndia @JPNadda @incredibleindia @tourismgoi @MinOfCultureGoI @BJP4India @BJP4MP pic.twitter.com/ONdM2sB3g0

— Prahlad Singh Patel (@prahladspatel) September 10, 2020

পরেস রৱাল চহি ৪গী নেস্নেল স্কুল ওফ দ্রামা সোসাইতিগী অনৌবা চিয়রমেন ওইনা হাপখিবনি। পরেস রৱাল থিয়েতর অমসুং ফিল্ম অনিমক্তা মমিং চৎলবা এক্তর অমনি। মহাক চহি ৪০ হেন্না থিয়েতর অমসুং ফিল্ম অনিমক্তা থবক তৌরক্লে অমসুং ১৯৯৪দা বেস্ত সপোর্তিং এক্তরগী লেমজনিঙাই ওইরবা নেস্নেল ফিল্ম এৱার্দ য়াওনা মহাক্না তোঙান তোঙানবা মনা কয়া ফংখ্রে। থিয়েতর অমসুং ফিল্মগী লমদা মহাক্না পাংথোকখিবা থবকশিং ইকায়খুম্নবা উৎতুনা ২০১৪দা মহাক পদ্ম শ্রী পীখি। মহাক হান্নগী সংসদকী মেম্বর অমনি।

থবক হাপ্পা অসিগী মতাংদা নেস্নেল স্কুল ওফ দ্রামাগী ভাইস চিয়রমেন দোক্তর অর্জুন দিও চরান্না হায়খি ফম অসিগীদমক পরেস জি হাপ্নবা সরকারনা ৱারেপ লৌখিবদা ঐখোয় হরাওই। ভেতেরান এক্তর অসিগা থবক তৌমিন্নবদা ঐখোয়গী মহৈরোইশিং, ফেকলতি মেম্বরশিং অমসুং অতোপ্পশিং কান্নবা ফংগনি। লম অসিদা মহাক্না মতম শাংনা থবক তৌরকপগী লৌশিং অদু নেস্নেল স্কুল ওফ দ্রামানা কান্নবা ফংগনি।

নেস্নেল স্কুল ওফ দ্রামাগী দিরেক্তর ইন চার্জ, প্রোফেসার সুরেস শর্মানা হায়খি নেস্নেল স্কুল ওফ দ্রামা সোসাইতিগী মথংগী চিয়রমেন ওইনা ঐখোয়না পরেস রৱাল তরাম্না ওক্লি। অহল ওইরবা থিয়েতরগী মীওই অমা ওইনা পরেস জিগী লৌশিং য়াম্না লৈরি, মসিনা ঐখোয়গী মহৈরোইশিং, ফেকলতি অমসুং স্কুল কান্নবা পীগনি অমসুং মহাক্কী হৈশিংবা অদুনা অনৌবা মাইওন অমা ঐখোয়না ফংগনি। মহাক্না শৌগৎপা অমসুং লমজিংবা অসিনা মখা তানা নেস্নেল স্কুল ওফ দ্রামা অনৌবা থাকশিং য়ৌনা চাউখৎকনি।

অখন্নবা এক্তর অমা অমসুং অঙকপা মীওই অমা মখোয়গী চিয়রমেন ওইরকপদা নেস্নেল স্কুল ওফ দ্রামাগী স্তাফ মেম্বরশিং হরাওখি। নেস্নেল স্কুল ওফ দ্রামাগী ইমুং-মনুং পুম্নমক্না মহাক কেম্পসতা তরাম্না ওক্নবা খৌরাংনা ঙাইরি অমসুং ভারত অসি মালেমগী ওজা অমা ওইনা শেমগৎনবা ভারতকী কলচরগী মাংজিল থানা থবক  তৌরিবা ইন্সতিতুৎ অসি চাউখৎনবা কৎথোকপা অমসুং অচেৎপা ফিরেপকা লোয়ন্না থবক তৌনবা পান্দম থম্লি।

নেস্নেল স্কুল ওফ দ্রামা(এন এস দি)গী তেন্তকপা ৱাফম খরা:

১৯৫৯দা লিংখৎখিবা নেস্নেল স্কুল ওফ দ্রামা, ভারত সরকারগী কলচর মিনিস্ত্রিনা মপুংফানা শেন থাদবা ওতোনোমস ইন্সতিতুৎ অমনি। মালেমদা মাংজিল থাবা থিয়েতরগী ইন্সতিতুৎ অমা ওইনা, অহানবদা নেস্নেল স্কুল ওফ দ্রামা সঙ্গিৎ নাতক একাদেমীগী মখাদা লৈখি অমসুং ১৯৭৫দগী মনিং তম্বা ইন্সতিতুৎ অমা ওইরকখি। স্কুল অসিনা থিয়েতরগী তোঙান তোঙানবা হিরমশিংদা চহি অহুমগী ফুল-তাইম রেসিদেন্সিএল ত্রেনিং প্রোগ্রাম পাংথোকলি। মতিক চাবা ফেকলতি মেম্বরশিং অমসুং এলুমনাই কয়ানা হোৎনবদগী ইন্সতিতুৎ অসি পর্ফোমিং আর্তসকী লমদা মাংজিল থারি। লেমজনিঙাই ওইরবা ইন্সতিতুৎ অসিদগী পাস তৌখিবা লিলা অইবশিং, এক্তরশিং, দিরেক্তরশিং, সেত অমসুং লাইত দিজাইন্নরশিং অমসুং মিউজিক দিরেক্তরশিংনা ভারতকী থিয়েতরদা মঙান নাইনা থবক তৌরি। থিয়েতরগী মথক্তা, নেস্নেল স্কুল ওফ দ্রামাদগী হৌখিবা মহৈরোইশিংনা অতোপ্পা মেদিয়াদা শিংথানিঙাই ওইবা কলাগী মগুনশিং উৎথোকলি। নেস্নেল স্কুল ওফ দ্রামাগী মশা অনি লৈরি- ১৯৬৪দগী হৌখিবা রিপর্তোরি কম্পেনি অমসুং ১৯৮৯দগী হৌখিবা থিয়েতর-ইন-ইজুকেসন(তি আই ই)নি। নই দিল্লীদা লৈরিবা নেস্নেল স্কুল ওফ দ্রামা অসিগী মথক্তা বরানাসী, গেংতোক, অগরতালা অমসুং বেঙ্গলুরুদা সেন্তর মরি হাংদোক্লে।

*****