জি.-২০ লৌউ-শিংউ অমসুং ঈশিংগী মন্ত্রীশিংগী ভর্চুএল ওইনা পাংথোকখিবা মীফমদা জি.-২০গী মীহুৎ ওইরিবা লৈবাকশিং অমদি অখন্নবা ইনভাইতীশিং য়াওখি। জল শক্তীগী কেন্দ্র মন্ত্রী শ্রী গজেন্দ্র সিংহ শেখাৱৎ অমসুং লৌউ-শিংউ অমদি লৌমীশিংগী য়াই-থৌরাংগী রাজ্য মন্ত্রী(এম.ও.এস.) শ্রী পুরুশোত্তম রুপালানা মীফম অদুদা য়াওখি। শ্রী শোখাৱৎনা মহাক্কী অথোইবা হৌদোক ৱারোল থম্বদা জি.-২০গী হৌজিক্কী প্রসিদেন্সী ওইবিরিবা সাউদী অরাবিয়াবু থাগফপা ফোংদোকখি অদুগা কোবিদ-১৯গী মতম অসিদা মীহুৎ ওইরিবা লৈবাকশিংগা ভর্চুএল ওইবা মীফমশিংদগী ৱারী-ৱাতাই শান্নবগী খুদোংচাবা লৈহনবগীদমক্তা সাউদী অরাবিয়াবু শিংথানিংঙাই ওইনা লুচিংবিবগীদমক্তা শিংথাখি। তেক্নোলোজীনা লৈরিবা লায়চৎকী ফীভম অসিদা অথোইবা থৌদাং লৌরি অমসুং ভারতকী আই.তি.গী অথোইবশিং অসি ভারতনা মালেম পুম্বগা শরুক য়ামিন্নরিবা অসি শিংথানিংঙাইনি হায়না ফোংদোকখি। মহাক্না জাপানবু লায়চৎ অসিগী মতমদা প্রসিদেন্সীনা লুচিংবিবগীদমক্তা থাগৎপা ফোংদোকখি অমদি ইতালীদা মথংগী প্রসিদেন্সীদা লাইফ-পাউজেল পীখি।

তুং কোইবা অমদি হান্নগী মওংদা হঞ্জিল্লকপা ঙম্বা ঈশিংগী থবক শিন্দোক-শিঞ্জিন তৌবগী মতাংদা পাংথোকখিবা জি.-২০গী ৱা খন্নবগী মীফম অদু পাংথোকপা মতমদা সাউদী অরাবীয়ানা প্রসিদেন্সীনা তেংবাং পীবিদুনা জি.-২০ ফোরমদা ঈশিংগী মরি লৈনবা থবকশিং অদু নিংথিজনা থম্নবা, ঈশিংগী তোঙান-তোঙানবা মরি লৈনবা মতাংশিং খংহনখি। হৌখিবা থা ১০সিদা মীহুৎ ওইরিবা লৈবাকশিংগী মরক্তা ৱাখল চান্ননবা অমদি অশেংবা ঈশিংগী থবক শিন্দোক-শিঞ্জিন তৌনবগী লম্বি য়াৎনবা মীফম কয়া অমা পাংথোকখি। মসিগী ৱারী শান্নবসিগী শরুক অমা ওইনা  সেপ্তেম্বর ১০-১২, ২০২০দা সাউদী অরাবিয়ানা প্রসিদেন্সীনা নুমিৎ ৩নিগী মীফম অমা পাংথোকখ্রে। ঈশিং অমদি লৌউ-শিংউগী ফম পুবিরিবা উপ মন্ত্রীশিংনা সেপ্তেম্বর ১০ অমসুং সেপ্তেম্বর ১১দা ঈশিং অমসুং লৌউ-শিংউগা মরি লৈনবা ৱাফমশিং খংহনখি অমদি লৌউ-শিংউ অমদি ঈশিংগী মন্ত্রীশিংনা সেপ্তেম্বর ১২, ২০২০দা মখোয়গী ৱাখল্লোনশিং পুথোক্নবা উনখি।

জল-শক্তীগী মন্ত্রীনা ‘ময়াম পুম্বগী ওইনা ইচিল-ইনাও ওইবগী ৱাখল্লোন অমসুং অপুনবা ৱাখলগী মঙালনা’গী ৱাখল্লোন্দা থাজবা থম্মি হায়না অমু্ক্কা হন্না নিংশিংখি অমদি জি.-২০গুম্বা গ্রুপশিংগা তেংবাংনদুনা নিংথিজনা থৌদাং লৌগনি হায়না ফংদোকখি। জি.-২০না থমখিবা ওবজেক্তিবশিং, গোলশিং অমদি তার্গেৎশিং অদু শরুক য়ামিন্নদুনা চোকথবা নাইদনা থবক তৌনবা ভারতকী ফোরমগী ৱাশক অদু ঙাক্কনি হায়না থাজবা পীখি।  মন্ত্রীনা জি.২০ অমসুং সাউদী অরাবিয়াগী প্রসিদেন্সী ওইবিদুনা ঈশিং ফংফমগী থবক শিন্দোক-শিঞ্জিনগী তোঙান-তোঙানবা মতাংদা তোঙান্না ৱারী শান্নবগী মওং অমা হৌদোক্তুনা লুম্না লৌবিরিবা অসিগীদমক্তসু থাগৎপা ফোংদোকখি।

লৌউ-শিংউ অসি ভারত সরকারগী অথোইবা ওইনা হান্না মরু ওইনা লৌবা সেক্তর অমনি হায়না ফোংদোক্তুনা লৌউ-শিংউ অমদি লৌমীশিংগী য়াইফ-থৌরাংগী রাজ্য মন্ত্রী শ্রী রুপালানা সরকারনা লৌখৎলিবা ফুদ সেক্যুরিতীগী থবক-থৌরাংশিংগী মতাংদা পনখি।  মহাক্না পোত্থোক-পুথোকপা হেনগৎহন্নবা, নেচরেল রিসোর্সশিং লেপ্পা লৈতনা শিজিন্নদুনা, লৌউ-শিংউগী ভেল্যু চেন অসি ফগৎহন্নবা অমদি মীয়ামগী কান্ননবগীদমক্তা লল্লোন-ইতিক তৌবদা পুক্নিং থৌগৎনবা পুন্না থবক তৌমিন্ননবগী ৱাশক অদু অমুক হন্না নিংশিংখি। মহাক্না লৈকংলাগী কৌজেংনা লান্দারকখিবা মতমদা লাকশিন্নবগীদমক্তা তীলহাৎ হীদাক চাইনবগীদমক্তা দ্রোন শিজিন্ননবগীদমক্তা ভারতনা শেমখিবা প্রোতোকোল অদু মায় পাকখিবগী মতাংদা পাউ পীরদুনা জি-.২-গী মীহুৎ ওইরিবা লৈবাকশিং দা ত্রান্স-কীৎ অমসুং মহৈ-মরোংশিংগী লায়নাশিং ঙাকথোক্নবগীদমক্তা থবক তৌনবগী থৌরাংগা লোয়ননা পুন্না থবক তৌমিন্ননবগীদমক্তা অপীল তৌখি। অনৌবা লৌউ-শিংউগী কৈথেলগী ওপ্সনশিং, লৌউ-শিংউগী ইনফ্রাস্ত্রকচরশিং শেমগৎনবা, ফুদ প্রোসেসিং ইন্তর্প্রাইজেজশিং, ফিশরিজ অমদি এনিমেল হজবেন্দরীগী, মেদিকেল অমদি হর্বেলগী পাম্বিশিংগী ভেল্যু চেনশিং অমদি লোজিস্তিকশিং হাংদোক্নবগীদমক্তা ভারত সরকারনা চাউখৎপা মওংদা শেমদোকপীখিবশিং অমদি পাম্বৈশিং অদুদা হেন্না অকনবা মিৎয়েং থমখি।  শ্রী রুপালানা লৌউ-শিংউ অমদি লৌমীশিংগী পুন্সি মহিংদা চৈথেং পীরকপা য়াবা নোংজু-নোংশা হোংবগী ফত্তবা চৈথেংশিং অসি হন্থহন্নবা ৱাখল-লৌসিং অমদি খ্বাইদগী অফবা থবক পাংথোকপশিং অদু পুথোক্ননবা জি.-২০গী মীহুৎ ওইরিবা লৈবাকশিংদা অপিল তৌখি।

জল শক্তীগী মন্ত্রীনা ভারত্তা ঈশিংগী অমদি সেনিতেসনগী ৱাফমশিং থম্নবা ভারতকী প্রধানমন্ত্রী শ্রী নরেন্দ্র মোদীনা লুচিংবিখিবা অমদি থবক-থৌরাংশিং অদু অথোইবা মওংদা পুথোক্তুনা খংহনখি। ভারত সরকারনা খুঙ্গংদা লৈবা ইমুং মিলিয়ন ১৯০মুক্তা তোতী ঈশিং ফংহন্নবা ‘জল জীবন মিশন’ গী থৌরাং অসি য়ু.এস. দোলর বিলিয়ন ৫১ থবক্তা চৎহন্দুনা থক্নবা ঈশিং শোই ঙামদনা ফংহন্নবা মীওই বিলিয়ন ১.৩৭গী পুন্সি মহিং ফগৎহন্নবা থবকশিং ভারত সরকারনা পায়খৎখিবশিং অদু খংহনখি। অহাংবদা অমাং-অশোই তৌশিনবদগী কোক্লবা ভারতকী মতাংদা পল্লদুনা স্বচ্ছ ভারত মিশনগী কান্নবা অসি অদুম্মক লৈহন্নবা হোৎনরিবশিং অসিগী মতাংদা হায়রদুনা মপং অমদি মহিগী ওইবা ফত্ত-হৌদি য়েংশিনবা অমদি গ্রে ৱাতর ত্রিতমেন্ত অমদি রিয়ুজ তৌনবদা হেন্না অকনবা মিৎয়েং থমখি।

ভারতনা জি.-২০গী মীহুৎ ওইবা লৈবাকশিংগী ঈশিংগী লমদা মায় পাক্লবা কেস স্তদী/খ্বাইদগী অফবা মওংদা থবক পাংথোকখিবশিং অদু পুথোক্লদুনা সাউদী অরাবিয়াগী প্রসিদেন্সীনা পায়খৎলিবা থৌরাংশিং অসিবু তরাম্না ওকখি। মন্ত্রীনা ইথৈ-লৌখোংগী ফীভম ফগৎহনবদা অমদি ফুদ সেক্যুরিতী ফংবা ঙম্নবা ঈশিংগী রিসোর্সশিং অসি খ্বাইদগী হন্থনা শিজিন্ননবা হায়খি। 

ভারত অসি দিসেম্বর ২০২১দগী নবেম্বর ২০২২ ফাওবা জি.-২০ত্রোতিকাগী শরুক ওইরগনি অমদি দিসেম্বর ২০২১দগী নবেম্বর ২০২২ ফাওবা জি.-২০গী প্রসিদেন্সী ওইরগনি, মতম অসিদা ভারতনা  নিং-খা তম্বগী চহি ৭৫ মপুং ফারকপগী থৌরম পাংথোকপদা ইপা-ইপুগী নাৎ অমদি মালেম পুম্বগী ওইনা খ্বাইদগী চাউরবা দেমোক্রেসী অমদি অরিবা সভ্যতাগী তোঙান-তোঙানবা মতাংশিং অদু খংহৌনবগীদমক্তা  জি.-২০গী মীহুৎ ওইরিবা লৈবাকশিংগী ওইনা খুদোংচাবগী খুদোংচাবা ঙাক্তা ওইরগনি। 

সাউদী অরাবিয়াগী প্রসিদেন্সী অমসুং জি.-২০গী মীহুৎ ওইরিবা লৈবাকশিংবু থাগৎপা ফোংদোক্লদুনা ক্ষী শেখাৱৎনা তুংদা জি.-২০গী ৱারী শান্নবশিংদা ঈশিংগী তোঙান-তোঙানবা মতাংদা অথোইবা থৌদাং লৌগনি, ফুদ সেক্যুরিতী অমসুং অপুনবা ঈশিংগী ফংফমশিং য়েথোক-য়েংশিন তৌবগী লম্বি য়াৎলগনি হায়না ফোংদোকখি।

*****