দরবঙ্গা অমসুং দিওগর এয়রপোর্তশিংগী ফিবম হন্না য়েংশিন্নবা ২০২০গী সেপ্তেম্বর ১২দা সিবিল এভিএসনগী রাজ্য মন্ত্রী(ইন-চার্জ)শ্রী হর্দীপ সিংহ পুরি বিহার অমসুং ঝারখান্দদা চৎকনি। এয়রপোর্তশিং অসি এয়রপোর্ত ওথোরিতি ওফ ইন্দিয়ানা শেমগৎপনি। হায়রিবা এয়রপোর্তশিং অসি থবক হৌরকপা মতমদা লমদম অসিদা নোংথক্তা চৎথোক-চৎশিনগী ফিবম ফগৎলগনি। মসিনা মফম অদুগী তুরিজম চাউখৎহনগনি অমসুং থবক ফংহনগনি। হায়রিবা এয়রপোর্তশিং অসিদগী চৎথোক-চৎশিন অমসুং শেন-থুম তানবগী থবক হেনগৎলকপা মতমদা লমদম অসিগী মীয়ামগী শেন-থুমগী ফিবম ফগৎলকপদা চাউনা মতেং পাংগনি। হন্দক শ্রী পুরিনা উত্তর প্রদেসতা লৈবা কুসিনগর এয়রপোর্ত য়েংশিনখি। মহাক্না এয়রপোর্ত অদু শেমগৎ-শাগৎপগী থবকশিং হন্না য়েংশিনখি অমসুং সিবিল এভিএসনগী মচাক-মথুমশিং অমসুং চৎথোক-চৎশিনগী মতাংদা য়ু.পিগী চীফ মিনিস্তর শ্রী য়োগী অদিত্যনাথকা ৱাফম কয়া খন্নখি।

দরবঙ্গা এয়রপোর্ত

রিজনেল কন্নেক্তিবিতি স্কিমগী মখাদা দিল্লি,মুম্বাই অমসুং বেঙ্গালুরুদগী সিবিল ফ্লাইতশিং থবক হৌনবা এয়রপোর্ত ওথোরিতি ওফ ইন্দিয়ানা দরবঙ্গা এরয়রপোর্ত শেমগৎলি। লম ইসক্বার মিতর ১৪০০দা এয়রপোর্তকী ইন্তরিম তরমিনেল বিল্দিং শেমগৎপা লোইরে। চেক-ইন কাউন্তর ৬ লৈবা তরমিনেল বিল্দিং অসিনা মী খ্বাইদগী য়াম্না লাকপা মতমদা পেসেঞ্জর ১০০ লোইনবা ঙমগনি। বোইং ৭৩৭-৮০০ মখলগী এয়রক্রাফ তাবা য়াগদবা রনৱে শেমগৎপা, তেক্সিৱেগা শম্নবা অনৌবা এপ্রোন শাগৎপা অমসুং এয়রপোর্ত য়ৌবা লম্বী শেমগৎপগী থবক কন্না চৎথরি অমসুং অথুবদা এয়রপোর্ত অসি থবক হৌবা য়ারগনি।

দরবঙ্গা এয়রপোর্ত অসি ইন্দিয়ান এয়র ফোর্সকী এয়রপোর্তনি অমসুং মরক্কী ওইনা মীচম মীয়ামগী মফম অমা শেমগৎনবা এয়রপোর্ত ওথোরিতি ওফ ইন্দিয়াদা লম শীন্নবনি অমসুং লুপা করোর ৯২ চঙনবা তরমিনেল বিল্দিং শেমগৎলিবা অসিদা কার পার্ক, শম্নবা লম্বী, রনৱে ফগৎহনবা, লিঙ্ক তেক্সি ত্রেক অমা য়াওরি। ২০১৮গী দিশেম্বর ২৪দা দরবঙ্গাদা ইন্তরিম সিবিল ইনক্লেব অসি উরেপ-উয়ুং তমখিবনি।

দিওগর এয়রপোর্ত

দিফেন্স রিছর্স এন্দ দিবলপমেন্ত ওর্গনাইজেসন(দি আর দি ও) অমসুং রাজ্য সরকারগা খুৎশম্নদুনা এয়রপোর্ত ওথোরিতি ওফ ইন্দিয়ানা ঝারখান্দগী দিওগর এয়রপোর্ত শেমগৎপনি। লুপা করোর ৪০১.৩৪ চঙনা পায়খৎলিবা এয়রপোর্ত শেমগৎপগী থবক হৌজিক থবক কন্না চৎথরি অমসুং অথুবদা লোইশিল্লগনি। এয়রপোর্ত অসিগী পাক-চাউবা লম একর ৬৫৩.৭৫নি অমসুং মসিগী তরমিনেল বিল্দিংনা লম ইসক্বার মিতর ৪০০০ গী মফম অমদা শেমগৎপনি। মিতর ২৫০০ শাংবা রনৱে লৈদুনা এয়রপোর্ত অসিদা এয়র বস ৩২০ মখলগী এয়রক্রাফ তাবা য়াগনি। অকোয়বগী ফিবম শোকহন্দবা য়ুমশারোল শীজিন্নদুনা অমসুং খ্বাইদগী ফবা পেসেঞ্জরশিংগী খুদোংচাবশিং য়াওরবা তরমিনেল বিল্দিং অসি বাইদ্যানাথ লাইশঙগী সিখারশিংনা ইনোৎ পীবা অপুনবা বিল্দিং অমা ওইগনি।

২০১৮গী মে ২৫দা ঝারখান্দগী সিন্দ্রিদা পাংথোকপা থৌরম অমদা ভিদিও কনফরেন্সকী খুৎথাংদা দিওগর এয়রপোর্ত শেমগৎনবা প্রধান মন্ত্রী নরেন্দ্র মোদীনা উরেপ-উয়ুং তমখিবনি। দিওগর এয়রপোর্ত অসি রাঞ্চিগী মথংদা ঝারখান্দগী অনিসুবা এয়রপোর্তনি।

*****